جۇمىستىڭ بارىسىمەن تانىستىرعان سەرٸكتەستٸك تٶراعاسى جەڭٸس توعىزاقباەۆ ٶندٸرٸستٸك كووپەراتيۆتٸڭ ٸسكە قوسىلعان بٸرٸنشٸ كەزەڭٸندە ساۋىن تسەحى مەن سٷت ٶڭدەۋ زاۋىتىنىڭ جەنە جەم-شٶپ جيناۋ عيماراتىنىڭ قۇرىلىسى اياقتالعانىن مەلٸم ەتتٸ.
ونىڭ ايتۋىنشا, نيدەرلاند ەلٸنەن ەشكٸنٸڭ زاانەن تۇقىمىن ساتىپ العان. دامۋ جوسپارى ٷش كەزەڭنەن تۇراتىن جوبانىڭ جالپى قۇنى 1 ملرد. 829 ملن. تەڭگەنٸ قۇرايدى. قازٸر مۇندا 500 باس ەشكٸ بولسا, جوسپار تولىعىمەن ورىندالعاننان كەيٸن 6 مىڭ باسقا جەتەتٸن بولادى. ٶسٸمدٸلٸگٸ ٶتە جوعارى ەشكٸ مالى جىلىنا ەگٸزدەن تاۋىپ, ورتا ەسەپپەن 100 باسقا 200 تٶل بەرەدٸ ەكەن.
زاانەن تۇقىمىنىڭ قازاقستاندىق ەشكٸلەردەن ايىرماشىلىعى – سٷتتٸ كٶپ بەرۋٸندە. وتاندىق ەشكٸلەر كٷنٸنە كٶپ دەگەندە 1,5-2 ليتر عانا سٷت بەرەتٸن بولسا, زاانەندٸكتەر كٷنٸنە 5-6 ليتر سٷت بەرەدٸ. بٷگٸندە ٶندٸرٸلگەن ەشكٸ سٷتٸنەن ايران, قايماق, قۇرت, سٷزبە جەنە يوگۋرت ٶنٸمٸ شىعارىلىپ جاتىر. كٷنٸنە ەكٸ مەرتە ساۋىلاتىن ەشكٸ سٷتٸنٸڭ ليترٸ 500 تەڭگە كٶلەمٸندە ساۋدالانۋدا. الداعى ۋاقىتتا كەسٸپورىن يتالييا ەلٸنٸڭ جاڭا تەحنولوگييالى قۇرىلعىلارىمەن قامتىلىپ, ساۋىن پروتسەسٸ مەن سٷت ٶڭدەۋ پروتسەسٸ تولىعىمەن اۆتوماتتاندىرىلاتىن بولادى. وسىنىڭ نەتيجەسٸندە ٸرٸمشٸك جەنە موتسارەللا ٸرٸمشٸگٸن جاساۋدى جوسپارلاپ وتىر.
وڭتٷستٸك قازاقستان وبلىسىنىڭ ەكٸمٸ ج.تٷيمەباەۆ ورداباسى اۋدانىنا جاساعان جۇمىس ساپارى بارىسىندا بۇدان بٶلەك, «بايداۋلەت» ٶندٸرٸستٸك جىلىجاي كەشەنٸندە بولدى. نەگٸزٸ 2014 جىلى قالانعان جىلىجاي قييار مەن قىزاناق ٶندٸرۋگە باعىتتالعان. العاشقىدا 0,5 گەكتار اۋماق جەردەن باستالعان كەشەن, بٷگٸندە اۋقىمى كەڭەيٸپ 2,5 گەكتارعا جەتكەن. مۇندا 9 جۇمىسشى جىلىنا 60 توننا ٶنٸم ٶندٸرٸپ كەلەدٸ. جوبانىڭ جالپى قۇنى 15 ملن. تەڭگەنٸ قۇرايدى. قوجالىق ديرەكتورى الداعى ۋاقىتتا ٶنٸم كٶلەمٸن 700 تونناعا دەيٸن جەتكٸزٸپ, دايىن تاۋاردى الماتى, قاراعاندى قالالارىنا جٶنەلتۋدٸ جوسپارلاعان.
جۇمىس بارىسىمەن تانىسىپ شىققان ٶڭٸر باسشىسى, سالا باسشىلارىنا اۋدانداعى جىلىجاي شارۋاشىلىعىن جانداندىرۋدى تاپسىردى.
– وڭتٷستٸك ٶڭٸرٸ اۋىل شارۋاشىلىعىنا ٶتە قولايلى ايماق. وسىنى تيٸمدٸ پايدالانۋىمىز كەرەك. ەسٸرەسە, زاماناۋي تەحنولوگييالاردىڭ كٶمەگٸمەن جىلىجاي شارۋاشىلىعىن مىقتاپ قولعا الساق, ٶنٸم ساپاسى مەن كٶلەمٸ ارتاتىن بولادى. سوندىقتان دا وسى مەسەلەنٸ اۋدان, قالا باسشىلارىنا ٷنەمٸ ايتىپ كەلەمٸن, – دەدٸ جانسەيٸت تٷيمەباەۆ.
وقو ەكٸمٸنٸڭ باسپاسٶز قىزمەتٸ
https://dalanews.kz/35933
