Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ońtústikte alǵash ret eshki sútiniń ónimderi shyǵaryla bastady

Dalanews
Ońtústikte alǵash ret eshki sútiniń ónimderi shyǵaryla bastady
Ońtústik Qazaqstan oblysynda alǵash ret táýligine 3 tonna eshki sútin óndirýge jáne 24 tonna sút óńdeýge qaýqarly «Asyl tuqymdy sharýashylyq. Ordabasy eshki sút ónimderi» kooperativi quryldy. Jańadan ashylǵan sharýashylyqtyń jumysymen tanysqan oblys ákimi Janseiit Túimebaev atalǵan kásip túrin damytýdyń joldaryn talqylady. Eshki sútiniń adam densaýlyǵyna paidasy mol ekenin aityp, atqarylyp jatqan jumystarǵa oń baǵasyn berdi.

Jumystyń barysymen tanystyrǵan seriktestik tóraǵasy Jeńis Toǵyzaqbaev óndiristik kooperativtiń iske qosylǵan birinshi kezeńinde saýyn tsehy men sút óńdeý zaýytynyń jáne jem-shóp jinaý ǵimaratynyń qurylysy aiaqtalǵanyn málim etti.

Onyń aitýynsha, Niderland elinen eshkiniń Zaanen tuqymyn satyp alǵan. Damý jospary úsh kezeńnen turatyn jobanyń jalpy quny 1 mlrd. 829 mln. teńgeni quraidy. Qazir munda 500 bas eshki bolsa, jospar tolyǵymen oryndalǵannan keiin 6 myń basqa jetetin bolady. Ósimdiligi óte joǵary eshki maly jylyna egizden taýyp, orta eseppen  100 basqa 200 tól beredi eken.



Zaanen tuqymynyń qazaqstandyq eshkilerden aiyrmashylyǵy – sútti kóp berýinde. Otandyq eshkiler kúnine kóp degende 1,5-2 litr ǵana sút beretin bolsa, zaanendikter kúnine 5-6 litr sút beredi. Búginde óndirilgen eshki sútinen airan, qaimaq, qurt, súzbe jáne iogýrt ónimi shyǵarylyp jatyr. Kúnine eki márte saýylatyn eshki sútiniń litri 500 teńge kóleminde saýdalanýda. Aldaǵy ýaqytta kásiporyn Italiia eliniń jańa tehnologiialy qurylǵylarymen qamtylyp, saýyn protsesi men sút óńdeý protsesi tolyǵymen avtomattandyrylatyn bolady. Osynyń nátijesinde irimshik jáne motsarella irimshigin jasaýdy josparlap otyr.

Eshki súti – anemiiada, taǵamdyq allergiiada, týberkýlezde, asqazan, ishek-qaryn joldarynyń aýrýlarynda, diabette, diatezde, aǵzanyń qorǵanys qyzmetin arttyrýda, aǵzadan aýyr metaldardyń tuzdary men radionýklidterdi shyǵarýda jáne kózdiń nashar kórýinde paidaly eken.  Sondai-aq, eshki sútinde kaltsii, magnii, fosfor, marganets, mys, A, V1, S jáne D dárýmenderi men askorbin qyshqyly bar.

Ońtústik Qazaqstan oblysynyń ákimi J.Túimebaev Ordabasy aýdanyna jasaǵan jumys sapary barysynda budan bólek,  «Baidaýlet» óndiristik jylyjai kesheninde boldy. Negizi 2014 jyly qalanǵan jylyjai qiiar men qyzanaq óndirýge baǵyttalǵan. Alǵashqyda 0,5 gektar aýmaq jerden bastalǵan keshen, búginde aýqymy keńeiip 2,5 gektarǵa jetken. Munda 9 jumysshy jylyna 60 tonna ónim óndirip keledi. Jobanyń jalpy quny 15 mln. teńgeni quraidy. Qojalyq direktory aldaǵy ýaqytta ónim kólemin 700 tonnaǵa deiin jetkizip, daiyn taýardy Almaty, Qaraǵandy qalalaryna jóneltýdi josparlaǵan.

Jumys barysymen tanysyp shyqqan óńir basshysy, sala basshylaryna aýdandaǵy jylyjai sharýashylyǵyn jandandyrýdy tapsyrdy.

– Ońtústik óńiri aýyl sharýashylyǵyna óte qolaily aimaq. Osyny tiimdi paidalanýymyz kerek. Ásirese, zamanaýi tehnologiialardyń kómegimen jylyjai sharýashylyǵyn myqtap qolǵa alsaq, ónim sapasy men kólemi artatyn bolady. Sondyqtan da osy máseleni aýdan, qala basshylaryna únemi aityp kelemin, – dedi Janseiit Túimebaev.

OQO ákiminiń baspasóz qyzmeti

 

https://dalanews.kz/35933
Italiia tehnologiia Janseiit Túimebaev Niderland OQO ákiminiń baspasóz qyzmeti Ordabasy aýdany Jeńis Toǵyzaqbaev óndiristik kooperativti Zaanen tuqymy dárýmen eshki eshki súti Madina Sádýaqasova

Oqi otyryńyz