اگرارلى ايماقتىڭ شارۋالارى مەملەكەتتىڭ قولداۋى مەن تىنىمسىز ەڭبەكتىڭ ارقاسىندا بيىل ەگىس ناۋقانىن جاقسى كورسەتكىشپەن اياقتادى. مەرەكەلىك شاراعا اۋىل شارۋاشىلىعى سالاسىنىڭ ارداگەرلەرى، ەڭبەك وزاتتارى، كاسىپكەرلەر، حالىق قالاۋلىلارى مەن سالا ماماندارى باستاعان جالپى 8 مىڭعا جۋىق ادام قاتىستى.
وبلىس اكىمى ج. تۇيمەبايەۆ باستاعان فەستيۆال قوناقتارى الدىمەن اۋىل شارۋاشىلىعى سالاسىنىڭ جەتىستىكتەرىن ايشىقتايتىن كورمەمەن تانىسىپ شىقتى. كورمەدە حالىقتىڭ نازارىنا اۋىل شارۋاشىلىعى ونىمدەرى، اسىل تۇقىمدى ءتورت تۇلىك مالدىڭ تۇرلەرى مەن وزىق تەحنيكالار ۇسىنىلدى.فەستيۆال اياسىندا اۋىل شارۋاشىلىعى ونىمدەرىنىڭ جارمەڭكەسى ۇيىمداستىرىلدى. جارمەڭكەدە وبلىستىڭ بارلىق اۋداندارىنان جينالعان جالپى كولەمى 182 توننا تابيعي تازا ونىمدەردى نارىقتاعى باعادان 15-20 پايىزعا ارزان باعامەن جۇرت نازارىنا ۇسىندى.
[caption id="attachment_31526" align="aligncenter" width="822"]
فوتو. سامات مىرزالييەۆ.[/caption]
وبلىس اكىمى ج. تۇيمەبايەۆ جىل بويىنا تىنىمسىز ەڭبەك ەتكەن اۋىل شارۋاشىلىعى سالاسىنىڭ قىزمەتكەرلەرىن كاسىبي مەرەكەلەرىمەن قۇتتىقتاپ، اتالعان سالادا بەلسەندىلىك تانىتىپ، ۇزدىك كورسەتكىشكە قول جەتكىزگەن شارۋالار مەن اۋدانداردى ماراپاتتادى. ءوڭىر شارۋالارى «وزات استىق جيناۋشى»، «وزات مال بورداقىلاۋشى»، «وزات باقشا ءوسىرۋشى» سىندى 27 نوميناسيا بويىنشا ماراپاتقا يە بولسا، اۋدان-قالالار اراسىندا 15 باعىت بويىنشا ۇزدىكتەر انىقتالدى.
– وبلىسىمىزداعى اۋىل شارۋاشىلىعى ەكسپورتىنىڭ كولەمى بۇگىنگى تاڭدا 211،4 ملن. اقش دوللارىن قۇراپ، وتكەن جىلمەن سالىستىرعاندا 6 پايىزعا ءوستى. يمپورت كولەمى 320 ملن. اقش دوللارىنا جەتىپ، 4 پايىزعا كەمىدى. وسىلايشا رەسپۋبليكادا وبلىستىڭ ۇلەسى 13 پايىزعا جەتىپ وتىر. اعىمداعى جىلى مال شارۋاشىلىعى سالاسىنىڭ ەڭبەككەرلەرى دە تولاعاي تابىستارعا قول جەتكىزگەنىن بايقاۋعا بولادى، – دەدى جانسەيىت قانسەيىت ۇلى.
فەستيۆال مۇنان سوڭ ورتالىق اتشابارداعى قىز قۋۋ، تەڭگە ءىلۋ، اۋدارىسپاق، قازاق كۇرەسى سىندى ۇلتتىق سپورتتىڭ 12 تۇرىنەن سايىستارعا ۇلاستى. ءتۇرلى اۋدانداردان جينالعان بىلەكتىلەر ءوزارا مىقتىلاردى انىقتادى. ۇزدىك اتانعان بارلىق قاتىسۋشىلار مەن سپورتشىلارعا باعالى سىيلىقتار تابىس ەتىلدى. مەرەكە اياسىندا 16 كيىز ءۇي تىگىلىپ، فەستيۆال قوناقتارىنا ارناپ ۇلتتىق تاعامدار مەن سۋسىنداردان داستارحان جايىلدى. مەرەكەلىك شارا سوڭى وبلىستىق ونەر جۇلدىزدارىنىڭ گالا كونسەرتىنە ۇلاستى.
وقو اكىمىنىڭ باسپا ءسوز قىزمەتى
https://dalanews.kz/31519
