– ايتا كەتەرلىگى، جاڭا فورماتتاعى اتاۋلى الەۋمەتتىك كومەك. ونىڭ قازىرگى الەۋمەتتىك تولەمدەردەن باستى ايىرماشىلىعى، ول تۇرمىسى تومەن ازاماتتارعا نەمەسە وتباسىلارعا كورسەتىلەتىن قولداۋدىڭ ءۇش ءتۇرىن ءبىر پاكەتپەن ۇسىنۋ بولىپ تابىلادى. ولار: اتاۋلى الەۋمەتتى كومەكتى تولەۋ، مەملەكەت تاراپىنان جۇمىسقا تۇرۋعا جاردەمدەسۋ جانە الەۋمەتتىك بەيىمدەۋ شارالارىمەن قامتاماسىز ەتۋ. جاڭا فورماتتاعى كومەك تابىسى ەڭ تومەنگى كۇنكورىس دەڭگەيىنىڭ 50 پايىزىنان تومەن وتباسىلارعا نەمەسە ازاماتتارعا شارتسىز نەمەسە شارتتى اقشالاي كومەك تۇرىندە تاعايىندالادى، – دەدى مۇحيت وتارشييەۆ.
سونداي اق، باسقارما باسشىسىنىڭ ايتۋىنشا، 8530 مۇقتاج ازامات ارناۋلى الەۋمەتتىك قىزمەتپەن قامتىلعان. 2017 جىلى مەملەكەتتىك الەۋمەتتىك تاپسىرىس شەڭبەرىندە رەسپۋبليكالىق بيۋدجەت ەسەبىنەن 155،6 ملن. تەڭگەگە 8 ۇكىمەتتىك ەمەس ۇيىم 700 مۇقتاج ازاماتتارعا ارناۋلى الەۋمەتتىك قىزمەتتەردى ۇسىنعان. سونىمەن قاتار، وبلىستا زەينەتكەرلەر سانى 233 850 ادامعا جەتىپ وتىر. بۇل وبلىس حالقىنىڭ 8 پايىزىن قۇرايدى.
بۇدان بولەك، وبلىستىق جانە جەرگىلىكتى بيۋدجەتتەر ەسەبىنەن زەينەتكەرلەرگە قولداۋ كورسەتۋ باعىتىندا ءبىرقاتار شارالار قابىلدانعان. ونىڭ شەڭبەرىندە جىل سايىن 8 مىڭ زەينەتكەر باسقارماعا قاراستى «ارداگەرلەر» جانە «مەيىر ارداگەرلەر» ۇيلەرىندە ساۋىقتىرۋ شارالارىمەن قامتاماسىز ەتىلەدى.
وقو اكىمدىگى باسپا ءسوز قىزمەتى
