وتكەن اپتادا ەلباسى ن. نازاربايەۆ قوعامدا قىزۋ تالقىعا تۇسكەن قازاق ءتىلى ءالىپبيىن لاتىن گرافيكاسىنا كەزەڭ كەزەڭىمەن جانە جۇيەلى تۇردە كوشىرۋ تۋرالى جارلىققا قول قويدى. ەلباسىنىڭ بۇل تاريحي ءارى ساياسي شەشىمى وڭتۇستىكقازاقستاندىقتاردىڭ دا ەرەكشە قولداۋىنا يە بولىپ وتىر. وسىناۋ تاعلىمدى شەشىمدى قولداۋ ماقساتىندا ءبىر توپ وڭتۇستىكقازاقستاندىق زيالىلار ەلباسىنىڭ اتىنا ارنايى حاتتار جولداۋدا. سولاردىڭ ءبىرىن – وڭتۇستىك قازاقستان وبلىستىق قازاقستان حالقى اسسامبەلەياسى جانىنداعى قوعامدىق كەلىسىم كەڭەسىنىڭ ءتوراعاسى ورىنباي راحمانبەردييەۆ تە جولداپ وتىر.

– قۇرمەتتى اسا مارتەبەلى نۇرسۇلتان ءابىش ۇلى، ءسىز وتكەن اپتادا قازاق مادەنيەتى مەن رۋحانياتى ءۇشىن تالاي ۋاقىتتان بەرى قوعام تالقىسىندا جۇرگەن قازاق ءالىپبيىن لاتىن گرافيكاسىنا كوشىرۋ تۋرالى تاعىلىمدى شەشىم قابىلدادىڭىز. كۇن تارتىبىندەگى ماسەلەنى عالىمدارمەن، سالا ماماندارىمەن اقىلداسىپ، كوپشىلىك ماقۇلداعان جاڭا ءالىپبيدى بەكىتىپ بەردىڭىز ، – دەيدى ءوز حاتىندا ورىنباي راحمانبەردييەۆ.

ءدال وسىنداي قولداۋ حاتىن ءىV، V شاقىرىلىمداعى ق ر پارلامەنتى ءماجىلىسىنىڭ دەپۋتاتى روزاقۇل حالمۇرادوۆ تا جولداپتى. وندا: «عالامدىق باسەكە-جارىستىڭ تاۋەكەلدىلىگىن دۇرىس پايىمداپ، قازاق ءتىلىن لاتىن گرافيكاسىنا وتكىزۋ جونىندە تاريحي شەشىم قابىلدادىڭىز. بۇل بايتاق قازاقستان ءۇشىن تاعدىرشەشتى قادام بولدى. ءبىز ءالىپبيدى عانا ەمەس، قوعامدىق سانانى، جالپىعا ورتاق ويلاۋ جۇيەسىن ترانسفورماسيالاۋ بويىنشا شەشىم قابىلدادىق» دەلىنگەن.

نۇرسۇلتان نازاربايەۆتىڭ اتىنا وبلىسىمىزداعى ءبىرقاتار ەتنو مادەني بىرلەستىكتەردىڭ دە باسشىلارى قولداۋ حاتىن جولدادى. اتالعان حاتتا  وبلىستىق گرۋزين ەتنومادەني بىرلەستىگىنىڭ ءتوراعاسى ز. بوچوريشۆيلي، كورەي ەتونو مادەني ورتالىعىنىڭ ءتورايىمى ر. پاك، تاتار-باشقۇرت بىرلەستىگىنىڭ باسشىسى ا. مۋحامەدوۆا، گرەك ەتنو مادەني بىرلەستىگىنىڭ جەتەكشىسى د. سيديروپۋلو، يران ەتنو مادەني بىرلەستىگىنىڭ ءتواراعاسى ن. كاپار-پۋر، كۇردى ەتنو مادەني بىرلەستىگىنىڭ باسشىسى ا. ناديروۆ، ۇيعىر ەتنو بىرلەستىگىنىڭ جەتەكشىسى گ. تەميروۆا، تاجىك ەتنو مادەني ورتالىعىنىڭ باسشىسى يۋ.سۋلتانوۆ، نەمىس ەتنو بىرلەستىگىنىڭ جەتەكشىسى ي. باحمان، تۇرىك ەتنو مادەني ورتالىعىنىڭ باسشىسى ل. اسانوۆتاردىڭ قولى قويىلعان.

ەلباسى جارلىعىنا وراي بۇگىن م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنت جاستارى «لاتىن الىپبيىنە كوشۋ – قازاق ءتىلىنىڭ حالىقارالىق دارەجەگە شىعۋىنا جول اشادى» دەگەن  ارنايى ۇندەۋ جاريالادى. وندا :«قازىرگىدەي قۋاتتى مەملەكەتتە ءومىر ءسۇرىپ جاتقان كەزەڭدە ءبىز حالىق بولىپ بۇل جازۋدى قولداپ الىپ كەتپەسەك، وركەنيەتتى ەلدەردىڭ قاتارىنا ىلەسە المايمىز» دەلىنگەن.

بۇگىندە الەمنىڭ 70 پايىزعا جۋىق ەلدەرى لاتىن جازۋى ارقىلى ءبىلىمدى يگەرىپ، عىلىمي-زەرتتەۋلەرمەن اينالىسادى.  ياعني، ءبىلىم، عىلىم، ساياسات پەن تەحنيكا، مادەنيەت پەن ونەر، ت.ب. سالالارعا قاتىستى جازباشا اقپاراتتىڭ بارلىعى دەرلىك لاتىن گرافيكاسىمەن بەرىلەدى، قوعامدىق ومىردەگى جاڭالىقتاردىڭ باسىم بولىگى وسى گرافيكانىڭ نەگىزىندە جۇرتشىلىققا تارالادى.

وقو اكىمىنىڭ باسپا ءسوز قىزمەتى