ينسپەكسيا باسشىسىنىڭ ايتۋىنشا، حيميالىق كۇرەس شارالارى بىلتىرعىدان ەكى ەسە ارتىعىمەن اتقارىلاتىن بولادى. ونىڭ ىشىندە ماروككو شەگىرتكەسىنە قارسى شارالار 257،58 مىڭ گەكتاردا، ازيالىق شەگىرتكەگە قارسى 12،4 مىڭ گەكتاردا، يتالياندىق پرۋس شەگىرتكەسىنە قارسى 5،92 مىڭ گەكتاردا جۇرگىزىلەدى.
«وڭدەلەتىن القاپتىڭ 51 پايىزى ياعني 140،35 مىڭ گەكتارى سارىاعاش اۋدانىنا ءتيىسىلى بولسا، 20 پايىزى نەمەسە 56،3 مىڭ گەكتارى ارىس قالاسىنا تيەسىلى. 27،2 مىڭ گەكتار شارداراعا، 7 پايىزعا جۋىعى نەمەسە 20،0 مىڭ گەكتار ورداباسى اۋدانىنا، 8 مىڭ گەكتارى بايدىبەك اۋدانىنا تيەسىلى. وبلىستىق اۋماقتىق ينسپەكسيا تاراپىنان وڭدەۋ جۇمىستارىن ساپالى جۇرگىزىلۋىن باقىلاۋعا، ۇيىمداستىرۋ جۇمىستارىن جۇرگىزۋگە اۋداندار بويىنشا 42 ينسپەكتور جانە 18 اۆتوكولىك بولىنەدى»، – دەيدى وڭتۇستىك قازاقستان وبلىستىق اۋماقتىق ينسپەكسيا باسشىسى نۇركەن بادىراقوۆ.
ايتا كەتەيىك، 257،58 مىڭ گەكتار القاپتا حيميالىق وڭدەۋ جۇمىستارىن جۇرگىزۋ ءۇشىن 1574،7 مىڭ گەكتار القاپتا انىقتاۋ-زەرتتەۋ جۇمىستارى جۇرگىزۋ جوسپارلانىپتى. وعان «رەسپۋبليكالىق فيتوسانيتارلىق دياگنوستيكا جانە بولجامداۋ ادىستەمەلىك ورتالىعى» مەملەكەتتىك مەكەمەسىنىڭ وبلىستىق فيليالى تاراپىنان شتات بويىنشا 58 ادام ءبولىنىپ وتىر. بۇعان قوسىمشا 3 ايعا ۋاقىتشا جۇمىسقا تارتۋ ارقىلى 33 ادام تارتىلىپ، بارلىعى 91 ادام انىقتاۋ-زەرتتەۋ جۇمىستارىن جۇرگىزەدى.
وبلىس اكىمى جانسەيىت تۇيمەبايەۆ ءۇيىرلى شەگىرتكەگە قارسى كۇرەس شارالارىن جوعارى دەڭگەيدە ۇيىمداستىرىپ، زەرتتەۋ-انىقتاۋ شارالارىن تىڭعىلىقتى ءارى ساپالى جۇرگىزۋدى ەسكەرتتى.
– ءۇيىرلى شەگىرتكەگە جانە وزگە دە زيانكەستەرگە قارسى حيميالىق كۇرەس شارالارىنا اسا جاۋاپكەرشىلىكپەن قاراۋ كەرەك. وڭدەۋ جۇمىستارىنا قاجەتتى تەحنيكالاردى دەر كەزىندە ءبولۋ مەن قاجەتتى مامانداردى ءبولۋدى اۋدان جانە قالا باسشىلارىنا تاپسىرامىن ، – دەدى جانسەيىت قانسەيىت ۇلى.
انىقتاۋ-زەرتتەۋ جۇمىسىن ساپالى جۇرگىزۋ ءۇشىن اۋداندىق، قالالىق جۇمىسپەن قامتۋ ورتالىقتارىنان قوسىمشا 287 انىقتاۋشى بولىنەتىن بولادى. ماروككو شەگىرتكەسىنە قارسى حيميالىق وڭدەۋ جۇمىستارىنا 71 دانا جەر ءۇستى اگرەگاتى، 5 دانا ان-2 ۇشاعى قارالىپ وتىر.
جەر ءۇستى اگرەگاتتارىنىڭ وڭدەۋ قۋاتتىلىعى كۇنىنە 100 گەكتار. كۇنىنە 7،1 مىڭ گەكتار وڭدەلسە، جوسپارلانعان 163،17 مىڭ گەكتاردى 23 كۇندە اياقتاۋعا بولادى. ال، ان-2 ۇشاعىنىڭ وڭدەۋ قۋاتتىلىعى كۇنىنە 1،2 مىڭ گەكتار. ۇشاق كۇنىنە 6،0 مىڭ گەكتاردى وڭدەسە، جوسپارلانعان 99،71 مىڭ گەكتاردى 17 كۇندە، جالپى حيميالىق وڭدەۋ ءجۇمىستارى 23-25 كۇندە اياقتالادى.
وقو اكىمىنىڭ باسپا ءسوز قىزمەتى
