وڭتۇستىك قازاقستان وبلىسىندا الداعى ۋاقىتتا باسقارۋ سحەماسىن جۇيەلندىرۋ ماقساتىندا ءتورت باسقارما قايتا قۇرىلاتىن بولادى. بۇل تۋرالى بۇگىنگى وتكەن التىنشى شاقىرىلىمداعى وڭتۇستىك قازاقستان وبلىستىق ءماسليحاتىنىڭ  كەزەكتەن تىس ون بەسىنشى سەسسياسىندا ءمالىم بولدى.



ياعني، وڭىردەگى ءتۋريزمدى تياناقتى دامىتۋ جانە وبلىسقا تارتىلاتىن سىرتقى ينۆەستيسيانىڭ كولەمىن ارتتىرۋ ماقساتىندا «تۋريزم جانە سىرتقى بايلانىستار»، ەلباسىنىڭ الەۋمەتتىك-ەكونوميكالىق دامۋدى سيفرلاندىرۋعا كوشىرۋ باستاماسىن ورىنداۋ جانە حالىققا كورسەتىلەتىن مەملەكەتتىك قىزمەتتىڭ ساپاسىن ارتتىرۋ ءۇشىن «اقپاراتتاندىرۋ، مەملەكەتتىك قىزمەت كورسەتۋ جانە ارحيۆتەر»، وتباسى قۇندىلىقتارىن دارىپتەۋ، زورلىق-زومبىلىقتىڭ الدىن الۋ ماقساتىندا «وتباسى، بالالار مەن جاستار ىستەرى جونىندەگى» جانە مادەنيەت پەن انا ءتىلدى، سونداي-اق، وبلىستا تۇراتىن ەتنوس وكىلدەرىنىڭ تىلدەرىن جۇيەلى تۇردە دامىتۋ ءۇشىن «مادەنيەت جانە تىلدەردى دامىتۋ» باسقارمالارى قايتا قۇرىلادى.

سەسسيا جۇمىسىنا قاتىسقان وبلىس اكىمى ج.تۇيمەبايەۆ قۇرىلاتىن باسقارمالار  باسقارۋ جۇيەسىن وڭتايلاندىرىپ، ءوڭىردىڭ الەۋمەتتىك-ەكونوميكالىق دامۋىنا ءوز سەپتىگىن تيگىزەتىنىن اتاپ ءوتتى.

–  بلىستىڭ باستى تابىس كوزى ول ەگىن شارۋاشىلىعى، مال شارۋاشىلىعى، ءوندىرىس،  قۇرىلىس،  سونداي-اق تۋريزم سالالارى. ياعني، وسى تۋريزم سالاسىن ارى قاراي دامىتۋىمىز كەرەك. سوندىقتان دا تۋريزم جانە سىرتقى بايلانىستار باسقارماسىن  كاسىپكەرلىك باسقارماسىنان شىعارىپ وتىرمىز. جالپى  دۇنيەدە كوپتەگەن مەملەكەتتەردە تۋريزم سول ەلدىڭ ەكونوميكاسىنا جاقسى كىرىس كەلتىرۋدە. تەك قانا تۇركيا رەسپۋبليكاسىنىڭ  وزىندە جىلىنا تۋريزمنەن  40 ملرد. اقش دوللار بولاتىن كىرىس كىرگەن. ال ەندى وڭتۇستىك تۋريستەر ءۇشىن تاريحي ەسكەرتكىشتەر مەن كيەلى  جەرلەردىڭ وتانى دەسەك، وسى سالادا بىرلەسە جۇمىس اتقارىپ، ءتۋريزمدى دامىتۋدى مىقتاپ قولعا الۋىمىز كەرەك، – دەدى اكىم.

ايتا كەتەيىك، سەسسيا جۇمىسىنا وبلىس اكىمدىكتىڭ مۇشەلەرى مەن اۋماقتىق سايلاۋ كوميسسياسىنىڭ ءتوراعاسى، قالا جانە اۋدان اكىمدەرى، قۇقىق قورعاۋ ورگاندارىنىڭ، وبلىستىق اۋماقتىق دەپارتامەنتتەر مەن باسقارمالاردىڭ باسشىلارى، بۇقارالىق اقپارات قۇرالدارىنىڭ وكىلدەرى قاتىستى.

ءماسليحات سەسسياسىنىڭ كۇن تارتىبىندە بۇدان بولەك، 2017-2019 جىلدارعا ارنالعان وبلىستىق بيۋدجەتكە  وزگەرىستەر مەن تولىقتىرۋ ەنگىزۋ، شاردارا  قالاسىنىڭ  جانە  قاۋىسبەك  تۇرىسبەكوۆ  اۋىلدىق  وكرۋگىنىڭ  شەكارالارىن  وزگەرتۋ،وبلىستا ورنالاسقان مەملەكەتتىك زاڭدى تۇلعالارعا اتاۋ بەرۋ جانە قايتا اتاۋ تۋرالى ۇسىنىستاردى رەسپۋبليكالىق ونوماستيكا كوميسسياسىنىڭ قاراۋىنا ەنگىزۋ، اۋىلدىق جەرگە جۇمىسقا جiبەرiلگەن مەديسينا جانە فارماسيەۆتيكا قىزمەتكەرلەرiن الەۋمەتتiك قولداۋ شارالارىنىڭ جۇيەسi سىندى 13 ماسەلە قارالدى.

وقو اكىمىنىڭ باسپا ءسوز قىزمەتى