جولداۋعا سەيكەس, الداعى 5 جىلدا اگروٶنەركەسٸپ كەشەنٸندەگٸ ەڭبەك ٶنٸمدٸلٸگٸ جەنە ٶڭدەلگەن اۋىل شارۋاشىلىعى ٶنٸمدەرٸنٸڭ ەكسپورتى كەم دەگەندە 2,5 ەسە ارتۋ قاجەت بولاتىن. وسىعان وراي وڭتٷستٸك قازاقستان وبلىسى ەكٸمدٸگٸندە ٶڭٸر باسشىسى جانسەيٸت تٷيمەباەۆتىڭ تٶراعالىعىمەن ٶڭٸردەگٸ اۋىل شارۋاشىلىعى سالاسىنىڭ 2017-2021 جىلدارعا ارنالعان دامۋ جوسپارى جايىنداعى كەڭەيتٸلگەن سەمينار ٶتتٸ.
جيىندا العاشقى بولىپ سٶز العان وبلىس ەكٸمٸ جانسەيٸت قانسەيٸتۇلى اۋىل شارۋاشىلىعى ٶندٸرٸسٸندەگٸ ٶڭٸردٸڭ ەلٸمٸز بويىنشا الاتىن ٷلەسٸنە توقتالىپ, سالا ماماندارىنا بٸرقاتار تاپسىرمالار بەردٸ.
– جالپى رەسپۋبليكالىق اۋىل شارۋاشىلىعى ٶندٸرٸسٸندە وبلىسىمىزدىڭ ٷلەسٸ ماقتادان – 100 پايىز, باقشا ٶنٸمدەرٸنەن – 66 پايىز, جٷزٸمنەن – 65 پايىز, ماقسارىدان – 40 پايىز, جەمٸس-جيدەكتەن – 31 پايىز, كٶكٶنٸستەن – 24 پايىز كٶلەمٸندە. بۇل كٶرسەتكٸشتٸ ودان ارى ارتتىرۋ ٷشٸن قارقىندى تەحنولوگييالار مەن يننوۆاتسييالىق جەتٸستٸكتەردٸ كەڭٸنەن ٶندٸرٸسكە ەنگٸزۋ قاجەت. سوندىقتان عالىمدارمەن بٸرلەسە زەرتتەۋ جۇمىستارىن كەڭٸنەن جٷرگٸزٸپ, ەلەمدٸك تالاپتارعا ساي ٶنٸم ٶندٸرۋگە ۇمتىلعان جٶن. الداعى ۋاقىتتا شارۋالار وزىق ىلعال ٷنەمدەۋ تەحنولوگييالارىن پايدالانىپ, تٷسٸمدٸلٸگٸ جوعارى, جاڭا سورتتى داقىلدار ەگٸپ, قارقىندى باۋ, جاڭعاق, جٷزٸم مەن جەمٸس-جيدەك القاپتارىن ۇلعايتۋ كەرەك. سونداي-اق, تەك شيكٸزات كٷيٸندە ەكسپورتتاماي, ٶنٸمدٸ قايتا ٶڭدەۋ ارقىلى تٷرلٸ ٶنٸم تٷرٸندە شىعارعانىمىز دۇرىس, – دەدٸ جانسەيٸت تٷيمەباەۆ.
سونىمەن قاتار, باسقوسۋدا ٶڭٸردەگٸ مال شارۋاشىلىعى سالاسىن كٶركەيتۋ جايى سٶز بولدى. اتاپ ايتقاندا, “اقىلدى جايىلىم” القاپتارىن كٶبەيتۋ, اۋىل, ەلدٸ مەكەندەردەگٸ ورتاق مال جايىلىم قورىن تيٸمدٸ پايدالانۋ, ٶسٸمدٸك قالدىقتارىن مال ازىقتىققا جارامدى ەتۋ جولدارىن قاراستىرۋ, ٶنٸمدٸلٸگٸ جوعارى اسىل تۇقىمدى مالداردى پايدالانۋ سىندى ۇسىنىستار ايتىلدى.
