مەملەكەت باسشىسى نۇرسۇلتان نازاربايەۆتىڭ ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن جۇزەگە اسىرۋ ماقساتىندا تۇركىستان شاھارىنداعى 71 شاقىرىم جول مەن 1 كوپىردىڭ (21 نىسان) قۇرىلىس-جوندەۋ جۇمىستارىن جاساۋ مەن قالاداعى 59،2 شاقىرىم جول مەن ءۇش كوپىردىڭ (5 نىسان) قۇرىلىس-جوندەۋ جۇمىستارىن جۇرگىزۋ ءۇشىن جوبالاۋ-سمەتالىق قۇجاتتاما ازىرلەۋ بيىلعى جىلعا كوزدەلىپ وتىر. مامانداردىڭ مالىمەتى بويىنشا مۇندا ەكى ءىرى جوبا - تەكە جانە جالانتوبە ەلدى مەكەندەرىنەن وتەتىن وبلىستىق ماڭىزى بار ۇزىندىعى 26،1 شاقىرىمدى قۇرايتىن كح-84 اۆتوموبيل جولىنا كۇردەلى جوندەۋ جۇمىستارى جۇرگىزىلسە، ويىق جانە اششىساي ەلدى مەكەندەرىنەن وتەتىن وبلىستىق ماڭىزى بار ۇزىندىعى 33،1 شاقىرىمدى قۇرايتىن كح-56 اۆتوموبيل جولىنا دا كۇردەلى جوندەۋ جۇمىستارى جاسالماق. سونىمەن قاتار، 2017-2018 جج. 53،5 شاقىرىمدى قۇرايتىن ەكى نىساننىڭ ورتاشا جوندەۋ جۇمىستارى اتقارىلۋدا. اتالعان جوبالاردىڭ جوندەۋ جۇمىستارى قازاقستاننىڭ 30 جىلدىعى، شاعا، قوسقورعان، ەڭبەكشى ديقان، ەسكى يقان، اقتوبە جانە يباتا ەلدى مەكەندەرىنەن وتەدى.
باعدارلاما تۇلكىباس اۋدانىن دا اينالىپ وتپەيدى. مۇندا 16 نىساننىڭ نەمەسە 72 شاقىرىم جول مەن ەكى كوپىردىڭ قۇرىلىس-جوندەۋ جۇمىستارى جانە ءۇش نىساننىڭ نەمەسە 16 شاقىرىم جول مەن ءبىر كوپىردىڭ قۇرىلىس-جوندەۋ جۇمىستارىن جۇرگىزۋ ءۇشىن جوبالاۋ-سمەتالىق قۇجاتتامالارىن ازىرلەۋگە سالا ماماندارى قازىردەن-اق كىرىسىپ كەتتى. اتالعان جوبا شەڭبەرىندە ۇزىندىعى جەتى شاقىرىمدى قۇرايتىن ت.رىسقۇلوۆ، شۇقىربۇلاق جانە تۇلكىباس ەلدى مەكەندەرىنەن وتەتىن وبلىستىق ماڭىزى بار كح-64 اۆتوموبيل جولىنا قايتا قۇرۋ جۇمىستارى جۇرگىزىلەدى دەپ كۇتىلۋدە.