بيىلعى جىلى 22 ملن. گەكتاردان استام جەردى جىرتۋ جوسپارلانىپ وتىر. بيداي القاپتارىن، سۋدا وسەتىن داقىلداردى قىسقارتۋ جانە بوس تىڭايعان جەرلەردى يگەرۋ ەسەبىنەن مايلى، جارما، داندى-جەمدىك، بۇرشاقتى، جەمدىك داقىلدار سياقتى سۇرانىسقا يە، باسەكەگە قابىلەتتى داقىلداردىڭ القاپتارى ايتارلىقتاي ۇلعايادى. (ارپا جانە داندىك جۇگەرى – 57،2 مىڭ گا، قانت قىزىلشاسى-2،6 مىڭ گا، جەمدىك داقىلدار-654،1 مىڭ گا.)
ەنەرگەتيكا مينيسترلىگىنىڭ كەلىسىمى بويىنشا ناۋرىز-ماۋسىم كەزەڭىنە – 380،0 مىڭ توننا ديزەل وتىنى ءبولىندى (2018 جىلى 375،0 مىڭ توننا). ەگىس القاپتارىنىڭ ۇلعايۋىن ەسكەرە وتىرىپ، وڭىرلەرگە قوسىمشا 5،0 مىڭ توننا ديزەل وتىنى ءبولىندى. وتىن وڭىرلەرگە بەكىتىلگەن كەستەگە سايكەس جەتكىزىلەتىن بولادى. ەنەرگەتيكا مينيسترلىگى ءموز – دەن 160 تەڭگە/ليتر (193،0 مىڭ تەڭگە/توننا) باعاسىن بەلگىلەدى، وپەراتورلاردى جەتكىزۋدى ەسەپكە العاندا، وڭىرلەردەگى ورتاشا باعا 176 تەڭگە/ءليتردى قۇرايدى، بۇل نارىقتىق باعادان 10% -عا ارزان (جمس-195 تەڭگە/ليتر).
2019 جىلى "كەڭ دالا" باعدارلاماسى اياسىندا اوك سۋبەكتىلەرىن نەسيەلەندىرۋگە 60 ملرد.تەڭگە ءبولىندى، سوڭعى قارىز الۋشىلار ءۇشىن سىياقى مولشەرلەمەسى جىلدىق 7%-دان اسپايدى. اۋىل شارۋاشىلىعى ونىمدەرىن وندىرۋشىلەرگە كرەديت بەرۋ كرەديتتىك سەرىكتەستىكتەر ارقىلى - 13 ملرد.تەڭگە، ەكىنشى دەڭگەيدەگى بانكتەر ارقىلى - 14 ملرد. تەڭگە جانە تىكەلەي كرەديت بەرۋ – 33 ملرد. تەڭگە ("اكك"اق فيليالدارى ارقىلى) جۇزەگە اسىرىلادى. بۇلاي ءبولۋ شارتتى، ويتكەنى قارجىلاندىرۋ وتىنىمدەردىڭ تۇسۋىنە قاراي جۇزەگە اسىرىلاتىن بولادى.
اعىمداعى جىلى تۇركىستان وبلىسىندا اۋىل شارۋاشىلىعى داقىلدارىنىڭ ەگىستىك القابى 824 مىڭ گا قۇرايدى، بۇل وتكەن جىلمەن سالىستىرعاندا 9،8 مىڭ گا ارتىق. ەگىستەردى ءارتاراپتاندىرۋعا سايكەس بيداي الاڭى 174،8 مىڭ گا، ماقتا - 121،2 مىڭ گا، كوكونىس، باقشا داقىلدارى مەن كارتوپ - 124،2 مىڭ گا، مايلى داقىلدار - 100،6 مىڭ گا، داندىك جۇگەرى - 45،9 مىڭ گا جانە جەمدىك داقىلدار - 207،6 مىڭ گا قۇرايدى.
بۇگىنگى كۇنى 175 مىڭ گا جازدىق داقىلدار ەگىلدى، ونىڭ ىشىندە كوكونىستەر - 19،2 مىڭ گا، كارتوپ – 9،4 مىڭ گا، باقشا داقىلدارى – 15،4 مىڭ گا، جوڭىشقا – 40،5 مىڭ گا، ارپا – 34،2 مىڭ گا، بيداي – 7،8 مىڭ گا، سافلور – 48،5 مىڭ گا.
سونىمەن قاتار، مينەرالدىق تىڭايتقىشتاردىڭ قۇنىن سۋبسيديالاۋ باعدارلاماسىنا سايكەس، 96 مىڭ توننا مينەرالدىق تىڭايتقىشتاردى سۋبسيديالاۋ جوسپارلانۋدا. وسى ماقساتتارعا 4،3 ملرد. تەڭگە مولشەرىندە قاراجات كوزدەلگەن. بۇگىنگى تاڭدا وبلىسقا 33 مىڭ توننا مينەرالدى تىڭايتقىش جەتكىزىلدى.
كوكتەمگى ەگىس جۇمىستارىن جۇرگىزۋ ءۇشىن 18 مىڭ بىرلىك تراكتور، 2 900 بىرلىك كۋلتيۆاتور، 1 800 بىرلىك تۇقىم سەپكىش، 12 900 بىرلىك سوقالار دايىندالدى.
ايتا كەتۋ كەرەك، تۇركىستان وبلىسىندا شامامەن 55 مىڭ ۇساق شارۋاشىلىقتاردى بىرىكتىرگەن 627 اۋىل شارۋاشىلىعى كووپەراتيۆى قۇرىلدى. تاۋار وندىرۋشىلەر جازدىق داقىلداردىڭ تۇقىمدارىمەن تولىق كولەمدە قامتاماسىز ەتىلگەن. تۇقىم وندىرۋمەن 13 شارۋاشىلىق اينالىسادى.
تۇركىستان وبلىسى وڭىرلىك كوممۋنيكاسيالار قىزمەتى
