وڭتۇستىك كورەيامەن بىرلەسىپ «E-Govتى» دامىتامىز

Dalanews 10 قار. 2016 05:28 391

بۇگىندە وڭتۇستىك كورەيانىڭ پۋسان قالاسىندا 3.0 «2016 Government 3.0 Global Forum» اتتى ەلەكتروندىق ۇكىمەتتىڭ جاھاندىق فورۋمى ءوتۋدە. فورۋم جۇمىسىنا اكت سالاسىنداعى ۆەدومستۆولاردىڭ باسشىلارى، حالىقارالىق ۇيىمداردىڭ وكىلدەرى، سونداي-اق شامامەن 15 ەلدەن الەمنىڭ جەتەكشى عالىمدارى قاتىسىپ، ءوز ويلارىن ورتاعا سالدى. قازاقستان تاراپىنان حالىقارالىق ماڭىزدى جيىنعا ق ر اقپارات جانە كوممۋنيكاسيالار ءمينيسترى داۋرەن ابايەۆ قاتىسۋدا.

اتالعان فورۋم مەملەكەتتىك قىزمەتتە يننوۆاسيانى ەنگىزۋگە قاتىستى ءتۇرلى ماسەلەلەردى تالقىلاۋعا مۇمكىندىك بەرەدى. سونداي-اق، اتالعان ماسەلەلەردە جەتەكشى ورىنعا يە بولىپ وتىرعان ەلدەردىڭ تاجىريبەلەرىن قابىلداۋعا كومەكتەسەدى. كورەيا رەسپۋبليكاسىنىڭ ۇكىمەتتىك اكىمشىلىگى جانە ىشكى ىستەر مينيسترلىگى مەن ەىدۇ جانە مەملەكەتتىك باسقارۋ سالاسىنداعى بۇۇ جوبالارىنىڭ ورتالىعى (UNPOG) فورۋمنىڭ ۇيىمداستىرۋشىلارى بولىپ تابىلادى. فورۋمنىڭ سالتاناتتى اشىلۋىندا العى سوزبەن ەىدۇ مەملەكەتتىك حاتشىسىنىڭ ورىنباسارى ازاماتشا ماري كيۆينيەمي ءسوز سويلەدى.

اتالعان فورۋمنىڭ شەڭبەرىندە ق ر اقپارات جانە كوممۋنيكاسيالار مينيسترلىگى مەن كورەيانىڭ مەملەكەتتىك باسقارۋ جانە ىشكى ىستەر مينيسترلىگى اراسىندا ەلەكتروندىق ۇكىمەت سالاسىندا ىنتىماقتاستىق تۋرالى ءوزارا تۇسىنىستىك جونىندە مەموراندۋمعا قول قويىلدى. قۇجاتقا داۋرەن ابايەۆ پەن حونگ يۋن-سيك قول قويعان.

اتالعان مەموراندۋم اقپاراتتىق-كوممۋنيكاسيالىق سالادا كورەيا رەسپۋبليكاسىمەن سەرىكتەستىك قاتىناستاردا جاڭا قادام بولۋ ءتيىس، «سيفرلىق قازاقستان» مەملەكەتتىك باعدارلاماسىن ىسكە اسىرۋدا بولجامدى ماقساتتارعا قول جەتكىزۋگە جاردەمدەسۋ قاجەت، سونداي-اق تاجىريبەمەن الماسۋعا، ينۆەستيسيالاردى تارتۋعا جانە اكت جوبالارىن ىسكە اسىرۋدا كونسۋلتاسيالىق قولداۋ كورسەتۋگە ىقپال كورسەتۋى قاجەت.

قۇجاتقا قول قويۋ كەزىندە تاراپتار اكت سالاسىندا حالىقارالىق ىنتىماقتاستىقتىڭ ۇلكەن الەۋەت ەكەنىن اتاپ ءوتىپ، بىرلەسكەن جۇمىستىڭ تەرەڭدەتىلۋىنە قىزىعۋشىلىقتارىن ءبىلدىردى. ءراسىمنىڭ قورىتىندىسى بويىنشا مينيستر داۋرەن ابايەۆ ءوزىنىڭ ارىپتەسىن رەسمي ساپارمەن قازاقستان رەسپۋبليكاسىنا كەلۋگە شاقىردى.

بۇدان باسقا، فورۋم الاڭىندا داۋرەن ابايەۆ ۇلتتىق بانكىنىڭ اكت جوبالارىنىڭ باسشىسى دجەين ترەيدۆەلمەن كەزدەستى، وندا ىنتىماقتاستىقتىڭ اعىمداعى ماسەلەسى، سونداي-اق ودان ءارى ءوزارا ءىس-قيمىلدىڭ كەلەشەگى تالقىلاندى.

سونىمەن قاتار، كورەياعا ساپار شەڭبەرىندە ق ر اكم مەن «زەردە» حولدينگى دەلەگاسياسىنىڭ Korea Expressway Corporation جانە ISAN Corporation كومپانيالارىمەن جۇمىس كەزدەسۋى وتكىزىلدى. قازاقستاندىق تاراپقا “Smart highway” بويىنشا شەشىمدەر تانىستىرىلدى، سونداي-اق جولداردىڭ اعىمداعى جاي-كۇيىنىڭ دەرەكتەر تالداۋىن پايدالانا وتىرىپ، ناقتى ۋاقىت رەجيمىندە Smart highway كومپونەنتتەرىنىڭ تاجىريبەلىك كورسەتىلىمى وتكىزىلدى. قوسىمشا رەتىندە، وڭتۇستىك كورەيانىڭ بارلىق اۆتوماگيسترالىن قامتيتىن، كەشەندى اقىلدى جۇيەگە ينتەگراسيالاۋدىڭ تەحنيكالىق شەشىمدەرى مەن مۇمكىندىكتەرى ەگجەي-تەگجەيلى كورسەتىلدى. كەزدەسۋدىڭ قورىتىندىسى بويىنشا قازاقستاندىق تاراپ اتالعان كومپانيالاردى «سيفرلىق قازاقستان» مەملەكەتتىك باعدارلاماسى شەڭبەرىندە جوبالاردى ىسكە اسىرۋعا شاقىردى.

«قمد» اقپارات

ۇسىنىلعان
سوڭعى جاڭالىقتار