Ońtústik Koreiamen birlesip «E-Govty» damytamyz
Atalǵan forým memlekettik qyzmette innovatsiiany engizýge qatysty túrli máselelerdi talqylaýǵa múmkindik beredi. Sondai-aq, atalǵan máselelerde jetekshi orynǵa ie bolyp otyrǵan elderdiń tájiribelerin qabyldaýǵa kómektesedi. Koreia Respýblikasynyń Úkimettik ákimshiligi jáne ishki ister ministrligi men EYDU jáne memlekettik basqarý salasyndaǵy BUU jobalarynyń ortalyǵy (UNPOG) forýmnyń uiymdastyrýshylary bolyp tabylady. Forýmnyń saltanatty ashylýynda alǵy sózben EYDU memlekettik hatshysynyń orynbasary azamatsha Mari Kiviniemi sóz sóiledi.
Atalǵan forýmnyń sheńberinde QR Aqparat jáne kommýnikatsiialar ministrligi men Koreianyń Memlekettik basqarý jáne ishki ister ministrligi arasynda elektrondyq úkimet salasynda yntymaqtastyq týraly ózara túsinistik jóninde Memorandýmǵa qol qoiyldy. Qujatqa Dáýren Abaev pen Hong Iýn-sik qol qoiǵan.
Atalǵan memorandým aqparattyq-kommýnikatsiialyq salada Koreia Respýblikasymen seriktestik qatynastarda jańa qadam bolý tiis, «Tsifrlyq Qazaqstan» memlekettik baǵdarlamasyn iske asyrýda boljamdy maqsattarǵa qol jetkizýge járdemdesý qajet, sondai-aq tájiribemen almasýǵa, investitsiialardy tartýǵa jáne AKT jobalaryn iske asyrýda konsýltatsiialyq qoldaý kórsetýge yqpal kórsetýi qajet.
Qujatqa qol qoiý kezinde taraptar AKT salasynda halyqaralyq yntymaqtastyqtyń úlken áleýet ekenin atap ótip, birlesken jumystyń tereńdetilýine qyzyǵýshylyqtaryn bildirdi. Rásimniń qorytyndysy boiynsha ministr Dáýren Abaev óziniń áriptesin resmi saparmen Qazaqstan Respýblikasyna kelýge shaqyrdy.
Budan basqa, forým alańynda Dáýren Abaev Ulttyq Bankiniń AKT jobalarynyń basshysy Djein Treidvelmen kezdesti, onda yntymaqtastyqtyń aǵymdaǵy máselesi, sondai-aq odan ári ózara is-qimyldyń keleshegi talqylandy.
Sonymen qatar, Koreiaǵa sapar sheńberinde QR AKM men «Zerde» holdingi delegatsiiasynyń Korea Expressway Corporation jáne ISAN Corporation kompaniialarymen jumys kezdesýi ótkizildi. Qazaqstandyq tarapqa “Smart highway” boiynsha sheshimder tanystyryldy, sondai-aq joldardyń aǵymdaǵy jai-kúiiniń derekter taldaýyn paidalana otyryp, naqty ýaqyt rejiminde Smart highway komponentteriniń tájiribelik kórsetilimi ótkizildi. Qosymsha retinde, Ońtústik Koreianyń barlyq avtomagistralin qamtityn, keshendi aqyldy júiege integratsiialaýdyń tehnikalyq sheshimderi men múmkindikteri egjei-tegjeili kórsetildi. Kezdesýdiń qorytyndysy boiynsha Qazaqstandyq tarap atalǵan kompaniialardy «Tsifrlyq Qazaqstan» memlekettik baǵdarlamasy sheńberinde jobalardy iske asyrýǵa shaqyrdy.
«QmD» aqparat
