وڭتٷستٸك كورەيا پروكۋراتۋراسى پرەزيدەنتٸن قاماۋعا وردەر سۇرادى
پروكۋراتۋرانىڭ 27 ناۋرىزداعى مەلٸمدەمەسٸ بويىنشا, پاك كىن حە پارا الۋ ٷشٸن "پرەزيدەنتتٸك مانسابى مەن بيلٸگٸن اسىرا پايدالانعان", مەملەكەتتٸك ٸستەر تۋرالى قۇپييا مەلٸمەتتەردٸڭ تارالۋىنا جول بەرگەن. "بۇل - ٷلكەن قىلمىس", – دەلٸنگەن پروكۋراتۋرا مەلٸمدەمەسٸندە.
سەۋلدٸڭ ورتالىق اۋداندىق سوتى پروكۋراتۋرا ٶتٸنٸشٸنە ەزٸرگە جاۋاپ بەرگەن جوق. سوت شەشٸم قابىلداماستان بۇرىن, بۇرىنعى پرەزيدەنتتٸ تەرگەۋگە شاقىرۋى مٷمكٸن.
65 جاستاعى پاك كىن حەگە بيلٸكتٸ اسىرا پايدالانۋ, سىبايلاس جەمقورلىق, ٷكٸمەتتٸڭ قۇپييا اقپاراتىنىڭ جارييالاۋ سەكٸلدٸ ايىپتار تاعىلىپ وتىر. ول وڭتٷستٸك كورەيانىڭ دەموكراتييالىق جولمەن سايلانىپ, قىزمەتتەن شەتتەتٸلگەن العاشقى پرەزيدەنتٸ. ونىڭ بيلٸكتەن كەتۋٸن بيىل ناۋرىز ايىنىڭ باسىندا ەلدٸڭ جوعارعى سوتى بەكٸتتٸ.
كونستيتۋتسيياعا سەيكەس, پرەزيدەنتتٸك سايلاۋ 60 كٷن ٸشٸندە ٶتكٸزٸلۋٸ تيٸس.
پاك كىن حەگە ەلدەگٸ ٸرٸ كومپانييالاردىڭ, سونىڭ ٸشٸندە Samsung توپ-مەنەدجەرلەرٸن ٶزٸنٸڭ دوس قىزى باسقاراتىن قورعا ونداعان ميلليون دوللار بٶلۋگە مەجبٷرلەگەنٸ ٷشٸن يمپيچمەنت جارييالاندى. پرەزيدەنت مٸندەتٸن قازٸر ەلدٸڭ پرەمەر-مينيسترٸ حۆان گيوان اتقارىپ وتىر.
