Prokýratýranyń 27 naýryzdaǵy málimdemesi boıynsha, Pak Kyn He para alý úshin "prezıdenttik mansaby men bıligin asyra paıdalanǵan", memlekettik ister týraly qupıa málimetterdiń taralýyna jol bergen. "Bul - úlken qylmys", – delingen prokýratýra málimdemesinde.
Seýldiń ortalyq aýdandyq soty prokýratýra ótinishine ázirge jaýap bergen joq. Sot sheshim qabyldamastan buryn, burynǵy prezıdentti tergeýge shaqyrýy múmkin.
65 jastaǵy Pak Kyn Hege bılikti asyra paıdalaný, sybaılas jemqorlyq, úkimettiń qupıa aqparatynyń jarıalaý sekildi aıyptar taǵylyp otyr. Ol Ońtústik Koreıanyń demokratıalyq jolmen saılanyp, qyzmetten shettetilgen alǵashqy prezıdenti. Onyń bılikten ketýin bıyl naýryz aıynyń basynda eldiń Joǵarǵy soty bekitti.
Konstıtýsıaǵa sáıkes, prezıdenttik saılaý 60 kún ishinde ótkizilýi tıis.
Pak Kyn Hege eldegi iri kompanıalardyń, sonyń ishinde Samsung top-menedjerlerin óziniń dos qyzy basqaratyn qorǵa ondaǵan mıllıon dollar bólýge májbúrlegeni úshin ımpıchment jarıalandy. Prezıdent mindetin qazir eldiń premer-mınıstri Hvan Góan atqaryp otyr.
