سالتاناتتى شاراعا وبلىس ارداگەرلەرى مەن زيالى قاۋىم وكىلدەرى، وبلىستىق اسسامبلەيا وكىلدەرى، وبلىس اكىمىنىڭ جانىنداعى ايەلدەر ىستەرى جانە وتباسىلىق – دەموگرافيالىق ساياسات جونىندەگى كوميسسيا مۇشەلەرى، وبلىستىڭ اۋدان، قالالارىنان ءتۇرلى سالادا قىزمەت ەتەتىن قىز-كەلىنشەكتەر جالپى سانى 300-گە جۋىق نازىك جاندى قاتىستى. بەيرەسمي جيىندى ءوڭىر باسشىسى اشىپ بەرىپ، ارۋ انالارعا ارناپ قۇتتىقتاۋ ءسوز سويلەدى.
– قۇرمەتتى، ارداقتى انالار مەن اياۋلى ارۋلار! سىزدەردى ءتول مەرەكەلەرەڭىزبەن شىن جۇرەكتەن قۇتتىقتايمىن! ءبىزدىڭ قوعامىمىزدا ايەل تەك وتباسىنىڭ بەرەكە-بىرلىگىن ويلايتىن تۇلعا عانا ەمەس، ول مەملەكەتتىك قىزمەت پەن قوعامدىق ىستە دە، كاسىپكەرلىك پەن تالىمگەرلىكتە دە تاماشا تابىستارعا قول جەتكىزە وتىرىپ، ساياسي ماسەلەلەرگە بەلسەنە ارالاساتىن قوعام مۇشەسى. ەلىمىزدە كوپ بالالى انالار سانى بويىنشا ءوڭىرىمىز كوش باستاپ تۇر. بۇگىندە وبلىستا كوپ بالالى انالارىمىز 98 600-دەن استى. ولاردىڭ 3998ء-ى «باتىر انالار»، 16361ء-ى «التىن القا»، 42 724ء-ى «كۇمىس القا» يەگەرى. ال، 6906 انا ءى-شى جانە ءىى-شى دارەجەلى «انا داڭقى» وردەنىمەن ماراپاتتالعان. ەلدىڭ ءوسىپ، وركەندەۋىنە ەرەكشە ۇلەس قوسىپ وتىرعان جاندار قاشاندا امان بولسىن، – دەدى جانسەيىت قانسەيىت ۇلى.
مەرەكەلىك جيىندا ايماق باسشىسى ءۇيدىڭ دە، ءتۇزدىڭ جۇمىسىن قاتار الىپ، قوعامدا ايرىقشا بەلسەندىلىگىمەن كوزگە ءتۇسىپ جۇرگەن 33 ايەل ازاماتىن ماراپاتتادى. ونىڭ 5-نە «وبلىسقا سىڭىرگەن ەڭبەگى ءۇشىن» بەلگىسى بەرىلسە، 14-نە وڭتۇستىك قازاقستان وبلىسى اكىمىنىڭ گراموتاسىن، 9-ى وبلىس اكىمىنىڭ العىس حاتىن الدى. ال، 5 انانىڭ كەۋدەسىنە «التىن القا» توسبەلگىسى تاعىلدى. سونداي-اق، اكىم سالتاناتتى شاراعا كەلگەن باسقا دا ايەلدەرگە سىي-سياپات جاسادى.
ايتا كەتەيىك، وبلىس كولەمىندە ايتۋلى داتاعا وراي 360 مەرەكەلىك ءىس-شارالار ۇيىمداستىرۋ جوسپارلانعان. بۇل كۇنى ىستىق لەبىزىن بىلدىرگەن ايماق باسشىسىنىڭ اتىنان قوسىمشا كوپ بالالى انالارعا، سوعىس جانە ەڭبەك ارداگەرى اتانعان نازىك جاندىلارعا، جالپى سانى 300-دەن استام ازاماتشاعا سىيلىقتار تابىستالىپ، قۇرمەت كورسەتىلەدى.
وقو اكىمىنىڭ باسپا ءسوز قىزمەتى
