شىمكەنتكە كەلگەن كومپانيا وكىلدەرىنىڭ ايتۋىنشا، «Twin otter 400» ۇشاعىنا 19 ادام سىيادى. بۇل اۋە كەمەسى تەك جولاۋشىلاردى تاسىمالداپ قانا قويماي، جۇك تاسىمالداي الادى. كوپ سالالى ۇشاقتىڭ سۋ بەتىنە، ءتىپتى، اسفالت توسەلمەگەن قارا جەرگە دە قونۋعا مۇمكىندىگى بار.
ەگەر قازاقستان مەن كانادالىق كومپانيا اراسىندا كەلىسسوزدەر جاقسى ناتيجە بەرسە، وسى ۇشاقتاردىڭ العاشقى باعىتى شاردارا بولماق. ودان كەيىن ماقتاارال مەن سوزاق اۋداندارىنا جەتكىزىلۋى مۇمكىن.
«ۆيكينگ ەير» كومپانياسى وكىلىنىڭ ايتۋىنشا، ولار قازاقستانمەن جۇمىس جاساۋعا دايىن. سونىمەن بىرگە قازاقستاننىڭ ەكونوميكالىق الەۋەتى ازاماتتىق اۆياسيا تۇرعىسىندا وتە جوعارى دەپ ەسەپتەيدى.
ايتا وتەيىك، ءار ۇشاقتىڭ باعاسى 7 ملن اقش دوللارىن قۇرايدى.
دەرەككوزى: bnews.kz
