ەلباسى مىندەتتەگەن تاپسىرمالار مەن مەملەكەتتىك باعدارلامالاردىڭ اۋداندا جۇزەگە اسىرىلۋ بارىسىمەن تانىسۋ ماقساتىندا ىس-ساپارمەن كەلگەن ايماق باسشىسى ەڭ الدىمەن ازاتتىق ەلدى مەكەنىندەگى «قانات» شارۋا قوجالىعىنىڭ جۇمىسىن ارالاپ كوردى.
قوجالىقتىڭ جۇمىسىمەن تانىستىرعان سەرىكتەستىك يەسى مارات مىرزاحمەتوۆ بۇگىندە مەملەكەت تاراپىنان كورسەتىلىپ وتىرعان قولداۋدىڭ ناتيجەسىندە كاسىبىن دوڭگەلەتىپ وتىرعانىن ايتادى. ونىڭ ايتۋىنشا، وتكەن جىلى 1 گەكتار جىلىجايدان 75 توننا قىزاناق، 3،5 گەكتار جەردەن 125 توننا باقشا ونىمدەرىن العان. 8 ادامدى جۇمىسپەن قامتىپ وتىر ول بيىل دا جىلىجايدا قىزىناق ءوسىرىپ، ەگىستىككە اسقاباق داقىلىن ەككەنىن مالىمدەدى.
بۇدان بولەك، وبلىس اكىمى سىراباد ەلدى مەكەنىندەگى «ەۆەرەست» شارۋا قوجالىعىنىڭ ەگىستىك القابىنىڭدا بولدى. ماقتا، جوڭىشقا، باقشا شارۋاشىلىعىمەن اينالىساتىن سەرىكتەستىك 1997 جىلى قۇرىلعان. شارۋاشىلىق وتكەن جىلى 24 توننا جوڭىشقا، 60 توننا باقشا داقىلدارىن وندىرگەن. ال بيىلعى جىلى 2،45 گەكتار جەرگە ماقتا، 1 گەكتار القاپقا باقشا، 1 گەكتارعا جوڭىشقا داقىلىن ەگىپ، اگروتەحنيكالىق ءىس-شارالاردى ءتيىمدى ۇيىمداستىرىپ وتىر.
ساپارى بارىسىندا ج.تۇيمەبايەۆ اتامەكەن اۋىلدىق وكرۋگى، تالاپتى اۋىلىنداعى «مايبەك» شارۋا قوجالىعىنداعى ەگىلگەن قاربىز القابىنىڭ جۇمىسىمەن تانىستى. ەكى گەكتار جەرگە ەگىلگەن باقشا داقىلى بۇگىندە پىسۋگە شاق قالعان. قوجالىق بيىل 3 گەكتار جەرگە ماقتا، 2 گەكتار جەرگە باقشا، 1،74 گەكتار جەرگە كوكونىس داقىلدارىن ەككەن.
جالپى اۋداندا بيىلعى جىلى 138 مىڭ گەكتاردان استام سۋارمالى جەرگە اۋىل شارۋاشىلىعى داقىلدارى ەگىلگەن. ونىڭ 27 064 گەكتارىن باقشا داقىلدارى قۇرايدى. ناقتىراق ايتساق، بيىل مىرزاشولدىك باعباندار 19 500 گەكتارعا قاۋىن، 7 564 گەكتارعا قاربىز ەككەن. ال وبلىس بويىنشا 51،5 گەكتار جەرگە باقشا داقىلدارى ەگىلگەن.
اۋدانداعى ءبىرقاتار شارۋا قوجالىقتاردىڭ جۇمىس بارىسىمەن تانىسقان ءوڭىر باسشىسى ديقاندارمەن سۇقباتتاستى. اڭگىمە بارىسىندا ەگىستىك جەرلەردىڭ قۇرىلىمىن ءارتاراپتاندىرۋ، كوكتەمگى ەگىستىك جۇمىستارىنىڭ بارىسى جانە سۋارمالى جەرلەردىڭ كولەمىن ارتتىرۋ ماسەلەلەرى تالقىلاندى.
بۇگىندە مەملەكەت تاراپىنان اۋىل شارۋاشىلىعى سالاسىنا بارىنشا قولداۋ مەن كومەك كورسەتىلىپ جاتقانىن ايتقان جانسەيىت قانسەيىت ۇلى اۋىل شارۋاشىلىعىن قولداۋ ماقساتىندا اۋدانعا وتكەن جىلى 4019،7 ملن. تەڭگە كولەمىندە سۋبسيديا بولىنگەنىن اتاپ ءوتتى.
– وسى جىلى اۋىل شارۋاشىلىعى داقىلدارىن 833،1 مىڭ گەكتارعا ورنالاستىرۋ مەجەلەنگەن بولسا، ونىڭ بۇگىنگە 97 پايىزى ورىندالىپ وتىر. ال كوكتەمى ەرتە كەلەتىن ءبىزدىڭ ايماقتا ديقاندار ەرتە ەگىن ەگىپ، بۇگىندە ونىڭ جەمىسىن كورىپ وتىر. ماسەلەن وبلىس بويىنشا كوكتەمگى ەگىستىكتەن جينالعان 136،4 مىڭ توننا اۋىل شارۋاشىلىعى ونىمدەرى رەسەي، بەلارۋسسيا مەملەكەتتەرى مەن رەسپۋبليكانىڭ سولتۇستىك ايماقتارىنا جونەلتىلدى. ونىڭ 38،5 مىڭ تونناسى ماقتاارال اۋدانىنىڭ ەنشىسىندە، – دەدى وبلىس اكىمى.
سونىمەن قاتار ءوڭىر باسشىسى اۋدان اكىمىنە اۋىل شارۋاشىلىعى سالاسىن سۋبسيديالاۋدىڭ بارلىق باعىتتارىن اۆتوماتتاندىرۋ بويىنشا ق ر اۋىل شارۋاشىلىعى مينيسترلىگىمەن جاسالعان ەگىس القاپتارىنىڭ ەلەكتروندىق كارتاسىنا 1 شىلدەگە دەيىن بارلىق ەگىستىڭ ەنگىزىلۋىن قاداعالاۋدى تاپسىردى.
وقو اكىمىنىڭ باسپا ءسوز قىزمەتى
