وڭداسىنوۆتى ۇمىتۋعا بولمايدى

Dalanews 26 قاڭ. 2015 06:00 152

«ابدي كومپاني» اق جاقىندا 1938 جىلدان 1951 جىلعا دەيىن قازاق كسر حالىق كوميسسارلارى كەڭەسىن 13 جىل بويى باسقارعان، ەل ەكونوميكاسىنىڭ وركەندەۋىنە ايرىقشا ۇلەس قوسقان، بەلگىلى مەملەكەت جانە قوعام قايراتكەرى نۇرتاس وڭداسىنوۆ تۋرالى حرونولوگيالىق  قۇجاتتار مەن ماتەريالدار جيناعىن باسىپ شىعاردى. جيناق  تۇتاستاي مۇراعات قۇجاتتارىنان قۇرالعان.

ن.وڭداسىنوۆ جايلى تاريحي قۇجاتتار مەن ماتەريالداردىڭ سانى مەن ساپاسى سايكەسكەن كىتاپ 967 بەتتەن تۇرادى.  كىتاپ بەتتەرىنە ۇڭىلگەن ادام ن.وڭداسىنوۆتىڭ بەلگىسىز قىرلارىمەن تانىسىپ، قايراتكەردىڭ جارقىن ىزدەرىنىڭ مۇراعاتتىق نۇسقالارىمەن تولىق قانىعا الادى. ءبىر ايتا كەتەرلىگى، ن.وڭداسىنوۆتىڭ قايراتكەرلىگى، اتقارعان قىزمەتى تۋرالى وسى ۋاقىتقا دەيىن مۇنداي حرونولوگيالىق  كىتاپ جارىق كورمەگەن. كىتاپ نەگىزىنەن تاريحشىلارعا، وقىتۋشىلارعا، دوكتورانتتار مەن ماگيسترانتتارعا  ارنالعان.

كونفەرەنسيا  ارينە، حرونولوگيالىق قۇجاتتاردان قۇراستىرىلعان كىتاپ عالىمدار ءۇشىن تاپتىرمايتىن دۇنيە. كىتاپتىڭ مازمۇنىندا ن.وڭداسىنوۆتىڭ مەملەكەتتىك قىزمەتى بارىسىندا جازعان حاتتارى، باياندامالارى، ماجىلىستەردە سويلەگەن سوزدەرى، ماجىلىستەردىڭ حاتتامالارى، تاريح بەتتەرىنەن، ەل ەكونوميكاسىنىڭ دامۋىنان شەجىرەلى سىر شەرتەتىن فوتو قۇجاتتار، ماجىلىستەردىڭ ستەنوگراممالىق تەكستەرى، جەدەل حاتتار، قۇپيا قۇجاتتار بولىمىنەن الىنعان تىڭ دەرەكتەر فاكسيميلدى كوشىرمە نۇسقاسىندا جاريالانعان. قۇجاتتاردىڭ ءبارى دە مۇراعاتتىق ءتۇپنۇسقادان الىنعان. قۇجاتتار قاتارىندا سول كەزدەگى قوعام بەلسەندىلەرىنىڭ، مەملەكەتتىك قىزمەتكەرلەردىڭ ن. وڭداسىنوۆتىڭ اتىنا جازعان حاتتارى سول كۇيىندە بەرىلگەن. ن.وڭداسىنوۆتىڭ تىكەلەي ارالاسۋىمەن قازاق كسر عىلىم اكادەمياسى اشىلدى، مويىنتى-شۋ تەمىر جولى سالىندى. ەل تاريحىندا كوپتەگەن ماڭىزدى ىستەردىڭ وڭىنان شەشىلۋىنە ىقپال ەتكەنىن وسى كىتاپتان وقۋعا بولادى.

كىتاپتى قۇراستىرۋدا قۇجاتتاردى جۇيەلەپ، جيناعان ق ر ورتالىق مەملەكەتتىك مۇراعاتىنىڭ  ديرەكتورى ءلاززات اقتايەۆانىڭ، وسى مۇراعاتتىڭ عىلىمي اقپارات جۇمىسى جانە عىلىمي-انىقتامالىق اپپاراتى ءبولىمىنىڭ باسشىسى گۇلنار قاراتايەۆانىڭ سىڭىرگەن ەڭبەگى زور. ال كىتاپتى «ابدي كومپاني» اق-نىڭ پرەزيدەنتى ابدىبەك بيمەندييەۆ، باسپا ءبولىمىنىڭ عىلىمي رەداكتورى قانات وسكەنباي  بەتتەپ، رەداكسيالاپ اسا قۇندى دۇنيەنى ەلگە ۇسىنىپ وتىر.

ابدي كومپاني» اق بۇعان دەيىن دە «قازاقستان تاريحى مەن مادەنيەتىنىڭ ۇلكەن اتلاسى» جانە «قازاقتار» دەگەن ۇلتىمىزدىڭ مادەنيەتى مەن تاريحىن، جالپى رۋحاني قۇندىلىقتارىن تەرەڭ ناسيحاتتايتىن، تاريحي يلليۋستراسيالىق جانە فوتو-قۇجاتتارعا باي كىتاپتار شىعارىپ، ەلدىڭ قۇرمەتىنە بولەنگەن بولاتىن.

 

دىلداگۇل نۇرماحانبەت.

 

ۇسىنىلعان
سوڭعى جاڭالىقتار