N.Ońdasynov jaily tarihi qujattar men materialdardyń sany men sapasy sáikesken kitap 967 betten turady. Kitap betterine úńilgen adam N.Ońdasynovtyń belgisiz qyrlarymen tanysyp, qairatkerdiń jarqyn izderiniń muraǵattyq nusqalarymen tolyq qanyǵa alady. Bir aita keterligi, N.Ońdasynovtyń qairatkerligi, atqarǵan qyzmeti týraly osy ýaqytqa deiin mundai hronologiialyq kitap jaryq kórmegen. Kitap negizinen tarihshylarǵa, oqytýshylarǵa, doktoranttar men magistranttarǵa arnalǵan.
Конференция Árine, hronologiialyq qujattardan qurastyrylǵan kitap ǵalymdar úshin taptyrmaityn dúnie. Kitaptyń mazmunynda N.Ońdasynovtyń memlekettik qyzmeti barysynda jazǵan hattary, baiandamalary, májilisterde sóilegen sózderi, májilisterdiń hattamalary, tarih betterinen, el ekonomikasynyń damýynan shejireli syr shertetin foto qujattar, májilisterdiń stenogrammalyq teksteri, jedel hattar, qupiia qujattar bóliminen alynǵan tyń derekter faksimildi kóshirme nusqasynda jariialanǵan. Qujattardyń bári de muraǵattyq túpnusqadan alynǵan. Qujattar qatarynda sol kezdegi qoǵam belsendileriniń, memlekettik qyzmetkerlerdiń N. Ońdasynovtyń atyna jazǵan hattary sol kúiinde berilgen. N.Ońdasynovtyń tikelei aralasýymen Qazaq KSR Ǵylym akademiiasy ashyldy, Moiynty-Shý temir joly salyndy. El tarihynda kóptegen mańyzdy isterdiń ońynan sheshilýine yqpal etkenin osy kitaptan oqýǵa bolady.
