جۋرناليستەر سوڭعى كەزدەرٸ بولعان بٸرنەشە جاعدايدىڭ EXPO بەدەلٸن ايتارلىقتاي تٶمەندەتكەنٸن ايتىپ ٶتتٸ. ولار مىسال رەتٸندە كٶرمە نىساندارىندا تٷسٸرٸلگەن ۆيدەولاردى ايتتى. باق ٶكٸلدەرٸ كٶرمەنٸڭ بەدەلٸن قايتا كٶتەرۋ ٷشٸن قانداي جۇمىستاردىڭ اتقارىلاتىنىن سۇرادى.
– باستاپقىدا-اق, ياعني جەمقورلىق داۋى كەزٸنەن باستاپ كٶرمەنٸڭ بەدەلٸ تٷسكەنٸ انىق. مەن وسى قىزمەتكە كەلگەندە ەلەۋمەتتٸك جەلٸلەردٸڭ 80 پايىزىندا كٶرمە تۋرالى جاعىمسىز پٸكٸرلەر بولدى. ادامداردا سول جاعىمسىز پٸكٸر ەلٸ كٷنگە دەيٸن بار. جاقىندا جٷرگٸزۋشٸ كەلٸپ, قۇرىلىس ماتەريالدارىن ەكەلٸپ تاستادى. سودان ول قۇرىلىس ماتەريالدارىن قاراپ جاتقانداي بولىپ, بارلىعىن ۆيدەوعا تٷسٸرە باستادى. ول بۇل ماتەريالداردىڭ نەگە قاجەت ەكەنٸن, ونى قايدا قولداناتىمىزدى بٸلمەي جاتىپ, ۆيدەوعا تٷسٸردٸ. بٸز ول ادامدى تاپتىق. وعان بۇل ماتەريالداردىڭ قانداي ماقساتتاردا قولدانىلاتىنىن تٷسٸندٸرٸپ بەردٸك. ول بارلىعىن تٷسٸنٸپ, كەشٸرٸم سۇرادى. بٸر جارىم جىلدىڭ ٸشٸندە مۇنداي جاعدايلارمەن كٶپ كەزدەستٸك, – دەدٸ ەسٸموۆ.
– مەن مەملەكەتتٸك قىزمەتتە باسقارۋشى قىزمەتتەردە جۇمىس ٸستەيمٸن, تەۋەلسٸزدٸك جىلدارىنا دەيٸن دە سونداي قىزمەتتەردە جٷردٸم دەپ ايتۋعا بولادى. تٷرلٸ جاعدايلار بولدى, كٶپ سىن ايتىلدى, بٸراق ٶمٸرٸمدە بٸرٸنشٸ رەت بٸر جارىم جىل ٸشٸندە وسىنشاما سىن ەستٸدٸم. مەن مۇنداي جاعدايلارعا سابىرلىقپەن قارايمىن. جاقسى دەيتٸندەي وندا ەشتەڭە جوق. ورىندى سىن ايتىلعان كەزدە دۇرىس شەشٸم قابىلداۋ كەرەك. سوندىقتان, مەنٸڭشە, بٸز جاعدايدى ۋشىقتىرعان جوقپىز. قازٸرگٸ ۋاقىتتا بٸرٸنشٸ كەزەڭ بويىنشا جۇمىس ٸستەپ جاتىرمىز. ول قۇرىلىس مەسەلەسٸ. وسى كٶرمە ارقىلى 400 كەسٸپورىن تاپسىرىس الدى. ولار 414 ميلليارد تەڭگە بولاتىن جۇمىستى اتقاردى. 55 مىڭ جاڭا جۇمىس ورنى اشىلدى. بٸزدە جٷزەگە اسىرىلىپ جاتقان بٸردە-بٸر مەملەكەتتٸك باعدارلاما وسىنشالىق جۇمىس ورنىن اشقان جوق ەدٸ. سوندىقتان دا مەن تاعى دا ايتىپ ٶتەيٸن, بۇل جوبا وسىنداي داعدارىسقا ٶتە جاقسى بولدى. بٸر جاعىنان ٷلكەن جۇمىس اتقارىلدى. قازٸر ناقتى قانشا جۇمىس اتقارىلعانىن ەسەپتەپ جاتىرمىز, – دەدٸ ەسٸموۆ.
ونىڭ ايتۋىنشا, ميللياردتان اسا ادام EXPO جايلى بٸلەدٸ. «بٸزدە قازاقستاننىڭ ٸشٸندە دە جۇمىستار اتقارىلدى. بٸزدٸڭ تەلەارنالار كٷندەلٸكتٸ EXPO جايلى ايتىپ جاتىر. راسىندا دا بۇل جاقسى نەتيجە بەردٸ. ال جاعىمسىز پٸكٸرلەر جايلى ايتاتىن بولساق, بٸز ونداي پٸكٸرلەردٸ ايتارلىقتاي ازايتا الدىق», – دەدٸ ەسٸموۆ.
ايتا كەتەيٸك, EXPO-2017 حالىقارالىق كٶرمەسٸ استانادا 10 ماۋسىمدا اشىلادى.
