قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ «سامۇرىق-قازىنا» اق ديرەكتورلار كەڭەسٸنٸڭ وتىرىسىن ٶتكٸزدٸ, دەپ حابارلايدى dalanews.kz.
ولجاس بەكتەنوۆ پارلامەنت پالاتالارىنىڭ بٸرلەسكەن وتىرىسىندا پرەزيدەنت قاسىم-جومارت توقاەۆ قويعان مٸندەتتەردٸ جەدەل ورىنداۋدىڭ ماڭىزدىلىعىن اتاپ ٶتتٸ.
«مەملەكەت باسشىسى ەلدٸڭ تۇراقتى دامۋىن قامتاماسىز ەتۋ بويىنشا كٷش-جٸگەردٸ ارتتىرۋدى تاپسىردى. پرەزيدەنت ەكونوميكالىق ٶسۋ, كٶلٸك-لوگيستيكالىق, ەنەرگەتيكالىق جەنە تسيفرلىق ينفراقۇرىلىمدى دامىتۋ بويىنشا مٸندەتتەر قويدى. ەلٸمٸزدٸڭ ينفراقۇرىلىمدىق قاڭقاسىن نىعايتۋ جولىندا "سامۇرىق-قازىنا" قورى دا ماڭىزدى رٶلگە يە. بارلىق جاۋاپتى مەملەكەتتٸك ورگاندار, ونىڭ ٸشٸندە قور باسشىلىعى مەن توپتىڭ كومپانييالارى ٶزدەرٸنٸڭ كٷش-جٸگەرٸ مەن رەسۋرستارىن بارىنشا جۇمىلدىرىپ, اتالعان اۋقىمدى جۇمىسقا دەرەۋ كٸرٸسۋٸ قاجەت», — دەپ اتاپ ٶتتٸ ولجاس بەكتەنوۆ.
ديرەكتورلار كەڭەسٸ وتىرىسىنىڭ كٷن تەرتٸبٸندە قور قىزمەتٸنٸڭ نەگٸزگٸ ٶندٸرٸستٸك جەنە قارجىلىق كٶرسەتكٸشتەرٸ, نەگٸزگٸ ينۆەستيتسييالىق جوبالاردى جٷزەگە اسىرۋ بارىسى قارالدى.
«سامۇرىق-قازىنا» اق باسقارما تٶراعاسى نۇرلان جاقىپوۆ مەملەكەت باسشىسىنىڭ ەكونوميكانى دامىتۋ جٶنٸندەگٸ تاپسىرمالارىن جٷزەگە اسىرۋ اياسىندا قور سوڭعى ٷش جىلدا جالپى قۇنى 3,3 ترلن تەڭگە بولاتىن 35-تەن استام ينۆەستيتسييالىق جوبانى اياقتاعانىن باياندادى. جاڭا ەنەرگەتيكالىق قۋاتتار مەن ەلەكتر جەلٸسٸ ينفراقۇرىلىمىنىڭ نىساندارى پايدالانۋعا بەرٸلدٸ, مۇناي-گاز سالاسىنىڭ نىساندارى جاڭعىرتىلدى, تەمٸرجول جەلٸلەرٸ مەن كونتەينەرلٸك حابتاردى قوسا العاندا, كٶلٸك ينفراقۇرىلىمى كەڭەيتٸلدٸ. سونداي-اق حالىقتى اۋىز سۋمەن قامتاماسىز ەتۋ جەنە ٶڭٸرلەردٸ گازبەن قامتۋ جوبالارى جٷزەگە اسىرىلدى.
قوردىڭ مەلٸمەتٸ بويىنشا بيىل جالپى قۇنى 3,3 ترلن تەڭگە بولاتىن 16 ينۆەستيتسييالىق جوبانى اياقتاۋ جوسپارلانىپ وتىر. كٶلٸك سالاسىندا «مويىنتى – قىزىلجار» جەنە «داربازا – ماقتاارال» تەمٸرجول جەلٸلەرٸنٸڭ قۇرىلىسى, «التىنكٶل – جەتٸگەن» جەنە «بەينەۋ – ماڭعىستاۋ» ۋچاسكەلەرٸن جاڭعىرتۋ, دوستىق – الاشانكوۋ ۋچاسكەسٸندە ەكٸنشٸ جولداردى سالۋ, سونداي-اق تەمٸرجول ۋچاسكەلەرٸندە اۆتوبۇعاتتاۋ جٷيەسٸن ەنگٸزۋ كٶزدەلگەن. مۇناي-گاز جەنە ەنەرگەتيكا سالالارىندا جىلىنا 1 ملرد تەكشە مەتر گاز ٶڭدەيتٸن قاشاعان كەن ورنىندا گاز ٶڭدەۋ زاۋىتىن, Air Liquide Munay Tech Gases كومپانيياسىمەن بٸرلەسٸپ جٷزەگە اسىرىلىپ جاتقان پاۆلودار مۇناي-حيمييا زاۋىتىنداعى سۋتەگٸ ٶندٸرۋ قوندىرعىسىنىڭ, الماتى جەو-2-نٸڭ, تٷركٸستان وبلىسىنداعى بۋ-گاز قوندىرعىسىنىڭ, سونداي-اق ENI كومپانيياسىمەن بٸرلەسٸپ جٷزەگە اسىرىلىپ جاتقان گيبريدتٸ ەلەكتر ستانساسىنىڭ قۇرىلىسىن اياقتاۋ كٶزدەلگەن. تسيفرلىق ترانسفورماتسييا سالاسىندا قور قوسشى قالاسىندا دەرەكتەردٸ ٶڭدەۋ ورتالىعىنىڭ قۇرىلىسىن جەنە كاسپيي تەڭٸزٸنٸڭ تٷبٸمەن تالشىقتى-وپتيكالىق بايلانىس جەلٸسٸن سالۋدى اياقتاۋدى جوسپارلاپ وتىر. قازان ايىندا قوسشىدا قوردىڭ ەسەپتەۋ قۋاتىن تٶرت ەسە ارتتىرۋعا مٷمكٸندٸك بەرەتٸن جاڭا سۋپەركومپيۋتەرلٸك كلاستەر ەنگٸزٸلەدٸ دەپ كٷتٸلۋدە. سونىمەن قاتار قوردىڭ كومپانييالار توبىندا بيزنەس-پروتسەستەردٸ اۆتوماتتاندىرۋ جەنە ەڭبەك ٶنٸمدٸلٸگٸن ارتتىرۋ ٷشٸن جي نەگٸزٸندە شەشٸمدەر ەنگٸزٸلۋدە.
2026 جىلدىڭ باسىنان باستاپ ون ٸرٸ ينۆەستيتسييالىق جوبانىڭ قۇرىلىسى باستالدى. ولار:
- اتىراۋ وبلىسىنداعى بۋتاديەن ٶندٸرۋ زاۋىتى;
- اتىراۋ وبلىسىنداعى «پوليەتيلەن» جەنە «بۋتاديەن» جوبالارىنا ارنالعان ينفراقۇرىلىم نىساندارى;
- ەكٸباستۇز قالاسىنداعى دەرەكتەردٸ ٶڭدەۋ ورتالىقتارىنىڭ القابى (دٶو);
- جامبىل وبلىسىنداعى Masdar كومپانيياسىنىڭ قۋاتى 1 گۆت بولاتىن جەل ەلەكتر ستانساسى (جەس);
- پاۆلودار وبلىسىنداعى China Power International Holding كومپانيياسىنىڭ قۋاتى 1 گۆت بولاتىن جەس;
- قاراعاندى وبلىسىنداعى Energy China كومپانيياسىنىڭ قۋاتى 500 مۆت بولاتىن جەس;
- تەمٸرجول ينفراقۇرىلىمى نىساندارىنداعى LTE-R ستاندارتتى سىمسىز بايلانىس جەلٸلەرٸ;
- سەمەي جەنە ٶسكەمەن قالالارىنداعى جىلۋ ەلەكتر ورتالىقتارى (جەو);
- قازاقستاننىڭ وڭتٷستٸك ٶڭٸرلەرٸندەگٸ ەلەكتر ەنەرگيياسىن ەسەپكە الۋ ٷشٸن SMART اسپاپتارىن پيلوتتىق جوبا رەتٸندە ەنگٸزۋ.
وتىرىستا قوردىڭ ۇزاقمەرزٸمدٸ ينۆەستيتسييالىق باعدارلاماسىن ٸسكە اسىرۋ جوسپارلارى دا قارالدى. 2027–2029 جىلدارى جالپى قۇنى 21 ترلن تەڭگە بولاتىن 36 ينۆەستيتسييالىق جوبانى جٷزەگە اسىرۋ كٶزدەلگەن. ولار جاڭا ەنەرگەتيكالىق نىسانداردىڭ, ونىڭ ٸشٸندە جىلۋ ەلەكتر ورتالىقتارى مەن جاڭارتىلاتىن ەنەرگييا كٶزدەرٸ سالاسىنداعى جوبالاردىڭ قۇرىلىسىن, ەلەكتر جەلٸسٸ ينفراقۇرىلىمىن دامىتۋدى, مۇناي-گاز جەنە مۇناي-گاز حيميياسى سالالارىنداعى ٸرٸ جوبالاردى جٷزەگە اسىرۋدى, سونداي-اق تەمٸرجول ينفراقۇرىلىمىن سالۋدى قامتيدى. باسىمدىقتاردىڭ قاتارىندا 5G جەلٸسٸن, تسيفرلىق ينفراقۇرىلىمدى دامىتۋدى جەنە دەرەكتەردٸ ٶڭدەۋ ورتالىقتارى القابىن قۇرۋ بار.
وتىرىس قورىتىندىسى بويىنشا پرەمەر-مينيستر «سامۇرىق-قازىنا» باسشىلىعىنا ينۆەستيتسييالىق جوبالاردىڭ ۋاقتىلى جٷزەگە اسىرىلۋىن قامتاماسىز ەتۋدٸ, ولاردىڭ مەرزٸمدەرٸنٸڭ ساقتالۋىنا باقىلاۋدى كٷشەيتۋدٸ, سونداي-اق جوبالاردى جٷزەگە اسىرۋ كەزٸندە تاۋارلارداعى, جۇمىستار مەن قىزمەتتەردەگٸ جەرگٸلٸكتٸ قامتۋ ٷلەسٸن ۇلعايتۋ جٶنٸندە شارالار قابىلداۋدى تاپسىردى.
