وليمپيادا-2020: ەل قورجىنىنا ەكٸنشٸ مەدال تٷستٸ
قازاقستاندىق زٸلتەمٸرشٸ 61 كەلٸگە دەيٸنگٸ سالماقتا سىنعا تٷستٸ. يگور جۇلقا كٶتەرۋدە 131 كەلٸنٸ, سەرپە كٶتەرۋدە 163 كەلٸنٸ ەڭسەردٸ. وسىلايشا قوس سايىس نەتيجەسٸندە 294 (131+163) كەلٸنٸ باعىندىردى.
61 كەلٸگە دەيٸنگٸ سالماقتاعى بەسەكەدە التىن جٷلدە قىتايلىق فابين ليگە (313 كەلٸ: 141+172) بۇيىرسا, كٷمٸس يندونەزييا سپورتشىسى دجۋلي يراۆان (302 كەلٸ: 137+165) قانجىعاسىندا كەتتٸ.
قىتايلىق زٸلتەمٸرشٸ سەرپە كٶتەرۋدە 172 سالماقتى ەڭسەرٸپ وليمپيادا رەكوردىن ورناتتى.
يگور سون سىنعا تٷسكەن سالماقتا كٸل ٷزدٸكتەر باق سىناستى: دجۋلي يراۆان (يندونەزييا), ابدۋراحيم الساليم (ساۋد ارابيياسى), كيم تۋان تاچ (ۆەتنام), شوتا ميشۆەليدزە (گرۋزييا), ەيچي يتوكازۋ (جاپونييا), فابين لي (قىتاي), چان-حۋن كاو (تايبەي), داۆيدە رۋيۋ (يتالييا). بەرٸ دە جٷلدەدەن ٷمٸتتٸ بولدى.
بۇل قازاقستان كومانداسى ساپىنداعى ەكٸنشٸ جٷلدە. بۇعان دەيٸن دزيۋدودان ەلدوس سمەتوۆ قولا جٷلدەگەر اتانعان بولاتىن.
