وليگارحتاردان قايتارىلعان 945 ملن تەڭگە بالقاش قالاسىنىڭ اۋەجايىن جاڭعىرتۋعا ءبولىندى، دەپ حابارلايدى Dalanews.kz.

پرەمەر-مينيستردىڭ باسپا ءسوز قىزمەتىنىڭ مالىمەتىنشە، مەملەكەت باسشىسىنىڭ وڭىرلىك كولىك حابتارىن دامىتۋ جانە اۋە قاتىناسىنىڭ قاۋىپسىزدىگىن ارتتىرۋ جونىندەگى تاپسىرمالارىن ورىنداۋ اياسىندا ارنايى مەملەكەتتىك قوردان بالقاش اۋەجايىن رەكونسترۋكسيالاۋعا 945 ملن تەڭگە ءبولىندى.

«جاڭعىرتۋ جۇمىستارى جولاۋشىلارعا كورسەتىلەتىن قىزمەت ساپاسىن ارتتىرۋعا جانە اۋەجايدىڭ نەگىزگى تەحنيكالىق سيپاتتامالارىن حالىقارالىق ستاندارتتارعا سايكەستەندىرۋگە مۇمكىندىك بەرەدى. اۋەجايدىڭ وتكىزۋ قابىلەتى 30%-دان اسا وسەدى»، – دەلىنگەن حابارلامادا.

ۇكىمەتتىڭ مالىمەتىنشە، قازىرگى ۋاقىتتا جۇمىس كولەمىنىڭ ايتارلىقتاي بولىگى ورىندالعان.

«اۋەجايدىڭ نەگىزگى عيماراتى مەن قوسالقى قۇرىلىستارىنىڭ شاتىرى جاڭارتىلدى، تەرەزەلەر ورناتىلدى، كارىز جۇيەسى مەن سۋ قۇبىرىنىڭ نەگىزگى جەلىسى تارتىلدى. سونىمەن قاتار كارىزدىك سورعى ستانسياسى، بلوكتى-كومپلەكت ترانسفورماتورلىق قوسالقى ستانسيا، جەلدەتۋ جانە جىلىتۋ جۇيەلەرى ورناتىلدى. قازىرگى ۋاقىتتا اۋەجايعا قاجەتتى العاشقى اەرودرومدىق ارنايى تەحنيكانى ساتىپ الۋ جۇمىستارى ءجۇرىپ جاتىر»، – دەپ ءمالىم ەتتى ۆەدومستۆو.

ۇكىمەتتىڭ اقپاراتىنا سۇيەنسەك، ءقازىردىڭ وزىندە وزدىگىنەن جۇرەتىن تراپ، اەرودرومعا ارنالعان ءورت ءسوندىرۋ كولىگى جانە جانارماي قۇيۋ ماشيناسى ساتىپ الىنعان.

«پرەزيدەنتتىڭ جولداۋىن ىسكە اسىرۋ اياسىندا قازاقستاندا اۆياسيالىق ينفراقۇرىلىمدى دامىتۋ بويىنشا كەشەندى جۇمىس جۇرگىزىلۋدە. وعان استانا، الماتى، شىمكەنت جانە اقتوبە اۋەجايلارىن مۋلتيمودالدى حابتارعا اينالدىرۋ ءۇشىن كەڭ اۋقىمدى جاڭعىرتۋ، سونداي-اق نەگىزگى تۋريستىك ايماقتاردا (كاتونقاراعاي، زايسان، كەندىرلى) جاڭا اۋەجايلار سالۋ جانە وڭىرلىك اۋە ايماقتارىن قالپىنا كەلتىرۋ كىرەدى»، – دەدى ۇكىمەت.