تاسس اگەنتتٸگٸنٸڭ حابارلاۋىنشا, كەسٸپكەر ەۋروپا كەڭەسٸنە قارسى ارىزدى 29 سەۋٸردە تاپسىرعان.
«شاعىم بەرۋشٸ ەۋروپالىق كەڭەستٸڭ ٶزٸنە قارسى سالعان سانكتسييالارىن الىپ تاستاۋدى تالاپ ەتەدٸ» دەلٸنگەن ەۋروپا سوتىنىڭ باسپاسٶز قىزمەتٸ تاراتقان مەلٸمەتتە.
رەسەي ۋكرايناعا باسىپ كٸرگەننەن كەيٸن, ەۋرووداق رەسەيدٸڭ بٸرقاتار لاۋازىمدى تۇلعالار مەن كەسٸپكەرلەرگە قارسى سانكتسييا سالعان. ولاردىڭ ٸشٸندە اليشەر ۋسمانوۆپەن قاتار ميحايل فريدمان, پەتر اۆەن مەن الەكسەي مورداشەۆ تا بار.
4 ناۋرىزدا اقش-تىڭ قارجى مينيسترلٸگٸ اليشەر ۋسمانوۆ كومپانيياسىن سانكتسييادان بوساتاتىن ليتسەنزييا شىعاردى.
سانكتسييا سالدارىنان رەسەيلٸك ميللياردەرلەر 45 ملرد دوللار جوعالتقان. اليشەر ۋسمانوۆ 1,63 ملرد دوللارىنان ايىرىلعان.
سەۋٸر ايىندا كيپر ۋسمانوۆتىڭ تۋىستارىن «التىن تٶلقۇجاتىنان» ايىرعان ەدٸ. بۇدان بٶلەك ۇلىبريتانييا ەنگٸزگەن سانكتسيياعا ۋسمانوۆتىڭ ەكٸ قارىنداسى دا بار.
اليشەر ۋسمانوۆ ٶزبەكستان پرەزيدەنتٸ شاۆكات ميرزيياەۆتٸڭ قۇداسى بولىپ كەلەدٸ. شاۆكات ميرزيياەۆ بيلٸككە كەلگەلٸ اليشەر ۋسمانوۆ ٶزبەكستانعا ميلليونداعان دوللار ينۆەستيتسييا سالدى.
