TASS agenttiginiń habarlaýynsha, kásipker Eýropa keńesine qarsy aryzdy 29 sáýirde tapsyrǵan.
«Shaǵym berýshi Eýropalyq keńestiń ózine qarsy salǵan sanktsiialaryn alyp tastaýdy talap etedi» delingen Eýropa sotynyń baspasóz qyzmeti taratqan málimette.
Resei Ýkrainaǵa basyp kirgennen keiin, EýroOdaq Reseidiń birqatar laýazymdy tulǵalar men kásipkerlerge qarsy sanktsiia salǵan. Olardyń ishinde Alisher Ýsmanovpen qatar Mihail Fridman, Petr Aven men Aleksei Mordashev ta bar.
4 naýryzda AQSh-tyń qarjy ministrligi Alisher Ýsmanov kompaniiasyn sanktsiiadan bosatatyn litsenziia shyǵardy.
Sanktsiia saldarynan reseilik milliarderler 45 mlrd dollar joǵaltqan. Alisher Ýsmanov 1,63 mlrd dollarynan aiyrylǵan.
Sáýir aiynda Kipr Ýsmanovtyń týystaryn «altyn tólqujatynan» aiyrǵan edi. Budan bólek Ulybritaniia engizgen sanktsiiaǵa Ýsmanovtyń eki qaryndasy da bar.
Alisher Ýsmanov Ózbekstan prezidenti Shavkat Mirziiaevtiń qudasy bolyp keledi. Shavkat Mirziiaev bilikke kelgeli Alisher Ýsmanov Ózbekstanǵa milliondaǵan dollar investitsiia saldy.
