پارلامەنت پالاتالارىنىڭ بٸرلەسكەن وتىرىسىندا دەپۋتاتتاردىڭ سۇراقتارىنا جاۋاپ بەرە وتىرىپ, قر پرەمەر-مينيسترٸ ولجاس بەكتەنوۆ ەكونوميكانىڭ 6% دەڭگەيٸندە ٶسۋٸنە قول جەتكٸزۋ جٶنٸندەگٸ شارالار تۋرالى ايتتى.
ونىڭ ايتۋىنشا, قازٸرگٸ كٷردەلٸ گەوساياسي جاعدايعا جەنە نەگٸزگٸ ساۋدا سەرٸكتەستەرٸنٸڭ اعىمداعى جاعدايىنا قاراماستان, ٷكٸمەت مەملەكەت باسشىسىنىڭ ەكونوميكانىڭ ٶسۋٸن قامتاماسىز ەتۋ جٶنٸندەگٸ العا قويعان مٸندەتٸنە قول جەتكٸزۋ ٷشٸن بار كٷش-جٸگەرٸن سالادى. بٷگٸنگٸ تاڭدا 8% دەڭگەيٸندە ٶسۋدٸڭ وڭ كٶرسەتكٸشتەرٸ قۇرىلىس, كٶلٸك جەنە بايلانىس سالالارىنان كٶرٸندٸ. جاپپاي سۋ تاسقىنىنا بايلانىستى ساۋدادا بەلگٸلٸ بٸر تٶمەندەۋ بايقالدى. دەگەنمەن, بٷگٸنگٸ تاڭدا بۇل سالاداعى ٶسۋ ديناميكاسى بەلسەندٸ تٷردە قالپىنا كەلتٸرٸلۋدە. جالپى, ٷكٸمەت ەكونوميكانىڭ ٶسۋٸنٸڭ نەگٸزگٸ نٷكتەلەرٸ رەتٸندە قۇرىلىس, ينفراقۇرىلىم, ٶڭدەۋ جەنە اٶك بٶلەدٸ. بۇل سالالارعا باسىم قولداۋ كٶرسەتٸلەتٸن بولادى.
ٷكٸمەت «سامۇرىق-قازىنا» جەنە «بەيتەرەك» حولدينگتەرٸنٸڭ, ٸشكٸ كاپيتال نارىعىنىڭ رەسۋرستارى مەن قاراجاتىن, ەكونوميكاداعى باسىم جوبالاردى قارجىلاندىرۋ ٷشٸن تٸكەلەي شەتەلدٸك ينۆەستيتسييالار مەن جەكە كاپيتالدى بەلسەندٸ تارتادى. «بەيتەرەك» جەلٸسٸ بويىنشا بيىل جوبالاردى 3 ترلن تەڭگەدەن استام سوماعا, «سامۇرىق-قازىنا» قاراجاتى ەسەبٸنەن – 700 ملرد تەڭگەدەن استام سوماعا قارجىلاندىرۋ جوسپارلانىپ وتىر.
ناقتى شارالار:
– قۇرىلىس سالاسىندا كەمٸندە 18 ملن شارشى مەتر تۇرعىن ٷي سالۋ جوسپارلانۋدا;
– «وتباسى بانكٸ» - «وتاۋ» جەنە «ناۋرىز» جاڭا جەڭٸلدەتٸلگەن يپوتەكالىق باعدارلامالارىن ٸسكە قوستى. ول بويىنشا 64 مىڭ ادامنان ٶتٸنٸش قابىلداندى;
– جالعا بەرٸلەتٸن تۇرعىن ٷي قۇرىلىسىنا قوسىمشا 222 ملرد تەڭگە بٶلٸندٸ;
–12 مىڭ شاقىرىمنان استام اۆتوجولداردى سالۋ, رەكونسترۋكتسييالاۋ جەنە جٶندەۋ جوسپارلانعان – بۇل رەكوردتىق ساندار;
– 13 ارنايى ەكونوميكالىق جەنە يندۋسترييالىق ايماقتاردىڭ, سونداي-اق شاعىن ٶنەركەسٸپتٸك ايماقتاردىڭ اۋماقتارى قاجەتتٸ ينفراقۇرىلىممەن قامتاماسىز ەتٸلەتٸن بولادى;
– جاڭا گاز جەلٸلەرٸن سالۋ ەسەبٸنەن قوسىمشا 87 ەلدٸ مەكەندٸ گازداندىرۋ جوسپارلانۋدا;
– گاز ٶڭدەۋ كەسٸپورىندارىنىڭ قۇرىلىسى جٷرگٸزٸلۋدە; – وتاندىق تاۋار ٶندٸرۋشٸلەردٸ قولداۋ ٷشٸن ۇلتتىق رەجيمنەن الىپ تاستاۋ تٸزبەسٸ 4 ەسە كەڭەيتٸلدٸ. ەگەر جىل باسىندا تٸزبەدە شامامەن 1 مىڭ تاۋار بولسا, قازٸر وندا 4 مىڭنان استام تاۋار تٷرٸ بار.
«بۇل بٸز قازٸر جٷزەگە اسىرىپ جاتقان نەگٸزگٸ اۋقىمدى شارالار. ولار ەكونوميكانىڭ ٶسۋٸن قامتاماسىز ەتەدٸ», — دەپ اتاپ ٶتتٸ ولجاس بەكتەنوۆ.
