قازاقستان پرەمەر-مينيسترٸ, سۋ تاسقىنىنا قارسى ٸس-شارالاردى ٷيلەستٸرۋ جەنە سۋ تاسقىنىنىڭ سالدارىن جويۋ جٶنٸندەگٸ رەسپۋبليكالىق شتابتىڭ جەتەكشٸسٸ ولجاس بەكتەنوۆ سولتٷستٸك قازاقستان وبلىسىندا ەسٸل ٶزەنٸنٸڭ جايىلماسىن تٸكۇشاقپەن اينالىپ ٶتٸپ, سەرگەەۆ سۋ قويماسىنداعى جاعدايدى تەكسەردٸ. سونداي-اق ەسٸل ٶزەنٸ ارناسىنان اسقان جاعدايدا سۋ باسۋدىڭ الدىن الۋ جەنە زالالدى ازايتۋ ٷشٸن پەتروپاۆل قالاسىنىڭ ماڭىنداعى بٶگەتتەردٸ نىعايتۋ بويىنشا جۇمىستار تەكسەرٸلەتٸن بولادى.
ٷكٸمەت باسشىسىنا سەرگەەۆ سۋ تورابى قازٸرگٸ ۋاقىتتا قۋاتىنىڭ شەگٸندە جۇمىس ٸستەپ جاتقانى تۋرالى باياندالدى.
8 سەۋٸردەگٸ جاعداي بويىنشا 6017 م3/س دەڭگەيٸندە سۋ كەلۋٸ تٸركەلدٸ, ونى جٸبەرۋ 4720 م3/س دەڭگەيٸندە جٷزەگە اسىرىلىپ جاتىر.
سونداي-اق سەرگەەۆ سۋ قويماسى پايدالانۋعا بەرٸلگەن 1969 جىلدان باستاپ سۋدىڭ ماكسيمالدى شىعىنى 3600 م3/س دەڭگەيٸندە بولعان.
وسىلايشا, قازٸرگٸ سۋ قويماسىنىڭ تولۋى سوڭعى 50 جىلدا العاش رەت ورىن الىپ وتىر جەنە الدىڭعى ماكسيمالدى كٶرسەتكٸشتەردەن 2 ەسە دەرلٸك اسادى.
وسىعان بايلانىستى سۋ تاسقىنىنا قارسى ٸس-شارالاردى تولىققاندى جٷرگٸزۋ ەرٸ عيماراتتاردىڭ قيراۋىنا جول بەرمەۋ ٷشٸن ولجاس بەكتەنوۆتٸڭ تاپسىرماسىمەن قر قارۋلى كٷشتەرٸ قۇرلىق ەسكەرلەرٸ بريگادالارىنىڭ 300 ەسكەري قىزمەتكەرٸ استانا قالاسىنان سولتٷستٸك قازاقستان وبلىسىنا اتتاندى.
قر ۇلتتىق ۇلان اكادەميياسىنان 400 كۋرسانت جەنە قر ۇلتتىق ۇلانىنىڭ «ورتالىق» ٶڭٸرلٸك قولباسشىلىعى ەسكەري بٶلٸمٸنٸڭ 300-دەن استام قىزمەتكەرٸ تارتىلدى.
بۇل رەتتە ٶڭٸرگە كٶمەك كٶرسەتۋ ٷشٸن تارتىلاتىن ەسكەريلەر سانىن ودان ەرٸ ۇلعايتۋ جٶنٸندە كوماندا بەرٸلدٸ. ايتا كەتۋ كەرەك, قازٸرگٸ ۋاقىتتا قورعانىس مينيسترٸ رۋسلان جاقسىلىقوۆ – قوستاناي وبلىسىندا.
«پرەزيدەنت سۋ تاسقىنىمەن كٷرەسكە بارلىق كٷشتٸ جۇمىلدىرۋ مٸندەتٸن قويدى. بٸز سولتٷستٸك قازاقستان وبلىسىنىڭ ٶزٸنە قورعانىس مينيسترلٸگٸ مەن ۇلتتىق ۇلاننىڭ مىڭعا جۋىق قىزمەتكەرٸن جۇمىلدىردىق. مٸندەتٸمٸز – ەسٸل ٶزەنٸ ارناسىنان اسىپ كەتكەن كەزدە ٷلكەن زارداپتاردىڭ الدىن الۋ. مۇنداي اۋقىمداعى سۋ كٶلەمٸ سەرگەەۆ سۋ قويماسىنىڭ بٷكٸل تاريحىندا العاش رەت ورىن الۋدا», — دەدٸ ولجاس بەكتەنوۆ.
بۇعان دەيٸن ٷكٸمەت باسشىسى ولجاس بەكتەنوۆتٸڭ تاپسىرماسى بويىنشا بٸرٸنشٸ ۆيتسە-پرەمەر رومان سكليار سقو-نىڭ قۇرىلىس جەنە جول-قۇرىلىس كومپانييالارىنىڭ باسشىلارىن سۋ تاسقىنىنا قارسى ٸس-شارالاردى ٶتكٸزۋگە كٶمەك كٶرسەتۋگە شاقىردى.
