قازاقستان پرەمەر-مينيسترى ولجاس بەكتەنوۆتىڭ توراعالىعىمەن "بايتەرەك" ۇلتتىق باسقارۋشى حولدينگى" اق ديرەكتورلار كەڭەسىنىڭ وتىرىسى ءوتتى، دەپ حابارلايدى Dalanews.kz.
ۇكىمەت باسشىسىنا حولدينگتىڭ ينۆەستيسيالىق جانە قارجىلىق قىزمەتىنىڭ، ونىڭ ەنشىلەس قۇرىلىمدارىنىڭ ناتيجەلەرى جانە مەملەكەتتىك باعدارلامالاردى ىسكە اسىرۋ شەڭبەرىندە وتاندىق تاۋار وندىرۋشىلەردى قولداۋدىڭ جاڭا قۇرالدارىن ەنگىزۋ بويىنشا جۇرگىزىپ جاتقان جۇمىستارى تۋرالى اقپارات بەرىلدى.
"بايتەرەك" ۇبح باسقارما ءتوراعاسى رۋستام قاراعويشين ازىق-تۇلىك ونەركاسىبى كاسىپورىندارىنىڭ اينالىم كاپيتالىن قارجىلاندىرۋ باعدارلاماسىن ازىرلەۋ بارىسى تۋرالى باياندادى، ونىڭ اياسىندا وتاندىق تاۋار وندىرۋشىلەرگە اوك-دەگى وڭدەۋشىلەرگە تاۋارلىق نەسيە بەرۋ جانە فاكتورينگ سياقتى قىسقامەرزىمدى ساۋدا قارجىلاندىرۋ قۇرالدارى ۇسىنىلادى. بۇل شارالار جۇمىس ىستەپ تۇرعان وندىرىستەردىڭ اينالىم كاپيتالىن كوبەيتۋگە مۇمكىندىك بەرەدى ءارى جاڭا كاسىپورىندار اشۋعا جاعداي جاسايدى.
حولدينگتىڭ ەنشىلەس قۇرىلىمى – "اگرارلىق نەسيە كورپوراسياسى" اق وسىمدىك شارۋاشىلىعىن قولداۋعا باعىتتالعان "سىياقى مولشەرلەمەسىن ءبولۋ" پيلوتتىق جوباسىن ىسكە قوستى. شارۋالارعا جەڭىلدىكپەن قارجى بەرىلەدى، بۇل رەتتە مولشەرلەمە بيۋدجەت قاراجاتى ەمەس، تاۋار جەتكىزۋشىلەر ەسەبىنەن سۋبسيديالانادى. "FOODGRAIN" ج ش س وڭ ناتيجە وڭ كورسەتسە، جوبانىڭ ەل بويىنشا تارالۋ اۋقىمىن كەڭەيتۋ جوسپارلانۋدا.
قۇرىلىس ماتەريالدارىنىڭ وتاندىق ونلاين پلاتفورماسىن material.kz تاۋار بيرجالارىمەن ينتەگراسيالاۋ ماسەلەسى پىسىقتالۋدا، بۇل قۇرىلىس ماتەريالدارى نارىعىندا باعا بەلگىلەۋدىڭ اشىقتىعىن ارتتىرۋعا مۇمكىندىك بەرەدى. پلاتفورمادا 217 وتاندىق قۇرىلىس ماتەريالدارىن ءوندىرۋشى مەن جەتكىزۋشى تىركەلگەن، 614 تاۋار ساناتى ورنالاستىرىلعان.
"بايتەرەك" ۇبح تاراپىنان كورسەتىلەتىن بيزنەستى قولداۋ شارالارى شەڭبەرىندە قارجىلاندىرۋ سوماسىنىڭ كەمىندە 30% مولشەرىندە وتاندىق تاۋارلار مەن قىزمەتتەردى ساتىپ الۋ نەگىزگى ولشەم بولىپ سانالاتىن جوبالاردا ەل ىشىندەگى قۇندىلىقتى ساقتاۋ بويىنشا ءوزارا مىندەتتەمەلەر قاراستىرىلعان. ۇكىمەت باسشىسى ولجاس بەكتەنوۆ بۇل شەكتى كورسەتكىشتى ارتتىرۋ ماقساتىندا قايتا قاراۋدى تاپسىردى.
"جاقىندا مەن ۇكىمەت وتىرىسىندا ەكونوميكالىق پاتريوتيزم ساياساتىن ۇستاناتىنىمىزدى ايتتىم. مەملەكەتتىك دامۋ ينستيتۋتتارى ەسەبىنەن قارجىلاندىرىلاتىن جوبالارداعى ەلىشىلىك قۇندىلىقتىڭ ۇلەسى ەداۋىر جوعارى بولۋعا ءتيىس. ءاربىر جوبانى تالداپ، مەملەكەتتىك قولداۋ الۋشىلارعا تەك قانا قازاقستاندىق ءوندىرىستىڭ جابدىقتارىن، ماتەريالدارىن، باسقا دا تاۋارلارىن ساتىپ الۋ بويىنشا مىندەتتەمەلەر قويۋ قاجەت"، — دەپ اتاپ ءوتتى ولجاس بەكتەنوۆ.
ۇكىمەت باسشىسى حولدينگ باسشىلىعىنا جانە بەيىندى مينيسترلىكتەرگە وتاندىق تاۋار وندىرۋشىلەردى قولداۋدىڭ قولدانىستاعى قۇرالدارىنىڭ تيىمدىلىگىن ارتتىرۋدى، ولار تۋرالى بيزنەستى اقپاراتتاندىرۋ جونىندەگى جۇمىستى كۇشەيتۋدى تاپسىردى.
كەڭەس قورىتىندىسى بويىنشا "بايتەرەك" ۇبح اق-نىڭ 2023 جىلعى جىلدىق ەسەبى، 2014-2023 جىلدارعا ارنالعان دامۋ جوسپارىنىڭ ورىندالۋى جونىندەگى ەسەبى جانە باسقا دا ءبىرقاتار قۇجاتتار بەكىتىلدى.
انىقتاما: "بايتەرەك" ۇبح قۇرىلىمدىق بولىمشەلەرى ءبىر جارىم جىل ىشىندە وتاندىق وندىرۋشىلەرگە 1،2 ترلن تەڭگەگە قولداۋ كورسەتتى. ليزينگتىك قارجىلاندىرۋ اياسىندا قازاقستاندىق 27 وندىرۋشىگە قولداۋ كورسەتىلىپ، 677،5 ملرد تەڭگەگە 22 مىڭعا جۋىق كولىك تەحنيكاسى ساتىلدى. قازاقستاننىڭ دامۋ بانكى جەلىسى بويىنشا تاۋارلاردى، جۇمىستار مەن قىزمەتتەردى ساتىپ الۋدىڭ جالپى كولەمى 181،2 ملرد تەڭگەنى قۇرادى، ونىڭ ىشىندە وتاندىق وندىرۋشىلەردىڭ ۇلەسى – 106،3 ملرد تەڭگە. ەكسپورتتىق-كرەديتتىك اگەنتتىكتىڭ قابىلدانعان مىندەتتەمەلەرىنىڭ كولەمى 466،9 ملرد تەڭگەنى، ەكسپورتتىق ءتۇسىم – 860 ملرد تەڭگەنى قۇرادى. "Qazaqstan Investment Corporation" اق 26 ملرد تەڭگەگە 9 جوباعا قولداۋ كورسەتتى.
