Olimpbet بۋكمەكەرلىك كومپانياسى اسىل تۇقىمدى جىلقى شارۋاشىلىعى جونىندەگى رەسپۋبليكالىق پالاتامەن ىنتىماقتاستىقتى قولعا العانىن جاريالادى. سەرىكتەستىك كەلىسىم قازاقستان رەسپۋبليكاسىندا اسىل تۇقىمدى جىلقى پوپۋلياسياسىن كوبەيتۋدى جانە ات سپورتىنىڭ بارلىق تۇرلەرىن دامىتۋدى ماقسات ەتەدى. ايتا كەتەتىن بولساق، Olimpbet – بۇل قازاق داستۇرلەرى مەن قۇندىلىقتارىنان باستاۋ الاتىن قازاقستاندىق برەند. بۋكمەكەرلىك كومپانيا كوپتەگەن جىلدار بويى قازاقستاندا ۇلتتىق سپورت تۇرلەرىنە قولداۋ كورسەتىپ، بەلسەندى دامىتۋمەن اينالىسىپ كەلەدى.
اسىل تۇقىمدى جىلقى شارۋاشىلىعى جونىندەگى رەسپۋبليكالىق پالاتامەن اراداعى ىنتىماقتاستىق Olimpbet باستامالارىنىڭ دايەكتى جالعاسى بولىپ تابىلادى. كومپانيا بىرلەسكەن جۇمىستىڭ قازاقستاندا اسىل تۇقىمدى جىلقى ءوسىرۋ جانە ات سپورتى داستۇرلەرىن جانداندىرىپ، ەلدىڭ تۇكپىر-تۇكپىرلەرىندەگى يپپودرومداردى قالپىنا كەلتىرۋگە ىقپال ەتەتىنىنە سەنىمدى:
«Olimpbet ەلىمىزدىڭ رۋحاني مۇراسىنا ەرەكشە ىقىلاسپەن قارايدى، ءوزىنىڭ قازاقستاننان شىققانىن ماقتان ەتەدى، داستۇرلەردى قۇرمەتتەيدى. سوندىقتان ۇلتتىق سپورت تۇرلەرىنە قولداۋ كورسەتۋدىڭ ءبىز ءۇشىن ماڭىزى زور. وتاندىق جىلقى شارۋاشىلىعىنا كومەكتەسۋ مۇمكىندىگىمىز مول جانە ءبىز بۇل ىسكە قۇلشىنا كىرىسىپ، ونى مارتەبە سانايمىز»، – دەپ حابارلادى وlimpbet باسشىلىعى.
سەرىكتەستىكتىڭ ماڭىزدىلىعى ونىڭ ەكونوميكالىق تيىمدىلىگىنە بايلانىستى. باتىس زەرتتەۋشىلەرىنىڭ پىكىرىنشە، بايگەگە قوسىلاتىن ءبىر تۇلپار 8 جۇمىس ورنىنىڭ (ۆەتەريناردان، تاعالاۋشىلاردان باستاپ جاتتىقتىرۋشىلار مەن شاباندوزدارعا دەيىن) قۇرىلۋىنا سەبەپ بولادى. اسىل تۇقىمدى جىلقى قورالارى مەن جاتتىقتىرۋ ورتالىقتارى قالالاردىڭ سىرتىندا ورنالاسىپ، اۋىل تۇرعىندارىن جالاقىسى جوعارى جۇمىس ورىندارىمەن قامتاماسىز ەتەتىن بولادى. باسقاشا ايتقاندا، ەندى وڭىرلەردە اسىل تۇقىمدى جىلقى پوپۋلياسياسىن ەداۋىر كوبەيتۋ جانە ات سپورتىن دامىتۋ ءۇشىن بارلىق جاعدايلار جاسالاتىن بولادى.
«ءبىز وlimpbet كومپانياسىنىڭ قولداۋىنا العىس بىلدىرەمىز، بۇل قازاق حالقىنىڭ جىلقى ءوسىرۋ كاسىبىنىڭ قارىشتاپ دامۋىنا سەرپىن بەرەرى ءسوزسىز. ءبىزدىڭ ەلىمىزدە بۇعان قاجەتتى تاماشا كليمات، جىلقىنىڭ نەبىر اسىل تۇقىمدارى، بىلىكتى اتبەگىلەر بار. ءبىزدىڭ بايگەمىزدىڭ الەمدىك ات جارىس كۇنتىزبەسىندە ويىپ تۇرىپ ورىن الاتىن كۇنى الىس ەمەس. Olimpbet تاراپىنان باعا جەتپەس كومەك الا وتىرىپ، جاقىن ارادا وسىنداي جەتىستىككە قول جەتكىزەتىنىمىزگە سەنىمدىمىز»، – دەدى اسىل تۇقىمدى جىلقى شارۋاشىلىعى جونىندەگى رەسپۋبليكالىق پالاتانىڭ باسشىسى تالعات جايساڭبايەۆ.
قازاقستانداعى №1 بۋكمەكەرلىك كومپانيا بۇكىل الەمدە كەڭىنەن تانىلعان كلاسسيكالىق ات جارىستىڭ ءبىزدىڭ ەلىمىزدە دە قارقىندى دامۋى ءۇشىن بارىنشا كۇش سالادى.
«جىلقى ءوسىرۋ سالاسىن دامىتۋ جونىندەگى Olimpbet باستاماسىن تولىعىمەن قۋاتتايمىز. بۇل بۇكىل ۇلتتىق ات سپورتىنىڭ وركەندەۋىنە تۇرتكى بولىپ، ايگىلى اتبەگىلىك داستۇرلەردى جانداندىرۋعا ۇلەس قوساتىنى انىق. ءبىزدىڭ حالقىمىزدىڭ بىردە-بىر توي-مەيرامدارى، ايتۋلى وقيعالارى ات سپورتىنىڭ قىزىقتارىنسىز وتپەيتىنىن ءاربىر قازاقستاندىق جاقسى بىلەدى. Olimpbet قولداۋىنىڭ ارقاسىندا ۇلى كوشپەندىلەر وركەنيەتىنىڭ جوعالعانى قايتا ورالادى»، - دەپ اياقتادى ءوز ءسوزىن «قازاقستان بۋكمەكەرلەرى قاۋىمداستىعى» زاڭدى تۇلعالار بىرلەستىگى ديرەكسياسىنىڭ ءتوراعاسى جۇما ەلدار مارات ۇلى.
انىقتاما
Olimpbet – ەلىمىزدىڭ سپورت يندۋسترياسىن بەلسەندى قولدايتىن جانە دامىتاتىن قازاقستاننىڭ ءىرى بۋكمەكەرى. كومپانيا ۇلتتىق سپورت تۇرلەرىنە دەمەۋشىلىك جاسايدى جانە ەل ءومىرىنىڭ الەۋمەتتىك سالالارىنا كوڭىل بولەدى.
