قازاقستاننىڭ اقپاراتتىق كەڭٸستٸگٸن بيلەپ-تٶستەپ وتىرعان رەسەيلٸك ماسس-مەديا تٸل جاناشىرلارىن ورىستٸلدٸ اۋديتوريياعا قارسى قويۋ ناۋقانىن قىزۋ جٷرگٸزۋدە.
تٸل جاناشىرلارىن قارالاۋ كامپانيياسى اباەۆتىڭ اتىشۋلى مەلٸمدەمەسٸنەن كەيٸن ٷدەي تٷسپەسە, بەسەڭدەگەن جوق.
قازاقستاندا “تٸل مايدانى” اتتى قوزعالىستىڭ قۇرىلۋى وداقتاسىمىزعا ۇناماي, اقىر سوڭى وسى ۇيىمنىڭ باستاۋىندا تۇرعان قۋات احمەتوۆ ەلدەن كەتۋگە مەجبٷر بولعان.
YouTube-تەگٸ “تٸل مايدانى” ارناسى ارقىلى مەملەكەتتٸڭ تٸلدٸ دەرەجەسٸن كەمٸتكەن مەكەمەلەر مەن جەكەلەگەن تۇلعالاردى جۇرتقا جارييا ەتٸپ, ولاردى وسى قىلىعى ٷشٸن ەل الدىندا كەشٸرٸم سۇراتقان احمەتوۆتىڭ ەرەكەتٸ كرەمل يدەولوگتارىنىڭ قۇلاعىنا شالىنىپ, مۇنىڭ سوڭى ٷلكەن داۋ-دامايعا ۇلاسقان.
احمەتوۆتىڭ اۋديتوريياسى كٷن ٶتكەن سايىن ارتىپ جاتقانى دا مەسكەۋدٸڭ مازاسىن قاشىرسا كەرەك, قۋاتتى قۋدالاۋدى سۇراپ, اق ورداعا سالماق سالعان.
كرەملدٸڭ پروپاگاندا قۇرالدارى كٷنٸ كەشە قازاقستاننان بەلگٸسٸز باعىتقا ۇشىپ كەتكەن “تٸل مايدانى" بەلسەندٸسٸنٸڭ قايدا جاسىرىنعانىنا دەيٸن بٸلٸپ وتىر.
مەسەلەن, “موسكوۆسكيي كومسومولەتس” بىلاي جازادى:
“احمەتوۆ? ول قازاقستانداعى ورىستٸلدٸ اۋديتورييانى ەبدەن زەرەزاپ قالدى. قازاقشا سٶيلەمەگەنٸ ٷشٸن تالاي ادامدى القىمنان الىپ, قوقان-لوقى كٶرسەتكەنٸن قۋاتتان جەبٸر كٶرگەن جۇرت ۇمىتا قويعان جوق. كەيٸن ولاردىڭ مٷسەپٸر كەيپٸن جەلٸگە جٷكتەپ وتىرعان. اباقتىعا قامالارىنان قورىققان احمەتوۆ قازاقستاننان قاشىپ, گرۋزييادا بوي تاسالادى. قازٸر ول تبيليسيدە جٷر”.
ال Russia Today بٶتەن ەلدٸڭ بيلٸگٸنەن احمەتوۆتىڭ قولىنا كٸسەن سالۋدى تالاپ ەتۋدە.
“قازاقستانداعى ۇلتارازدىقتى قوزدىرىپ, ورىس اۋديتوريياسىنىڭ جٷيكەسٸن جۇقارتقان احمەتوۆتى بٸر ساعاتقا جەتەر-جەتپەس ۋاقىتتا بوساتا سالدى. قولىنا كٸسەن سالىنعان سەتتە اباقتىعا قاماۋدىڭ ورنىنا, ايىپپۇلمەن شەكتەلدٸ. بٸزدٸڭ ۆاليۋتاعا شاققاندا بار بولعانى 25 مىڭ رۋبل. احمەتوۆتىڭ جاقتاستارى ەلگٸ ايىپپۇلدى ەپ-سەتتە جاۋىپ تاستادى. قازاق بيلٸگٸ ودان زارداپ شەككەن تۇرعىندارمەن نەگە تٸلدەسپەيدٸ?” , – دەپ بۇلقان-تالقان بولعان ەكەن RT.
ايتا كەتەلٸك, بۇعان دەيٸن Dalanews.kz “تٸل مايدانىنىڭ” قۇربانى بولدىم دەگەن اتىراۋلىق ەيەلدٸڭ سۇحباتىن جارييالاعان.
ەميلييا گرەچانيك ورىسشا سٶيلەگەنٸ ٷشٸن سورلاعانىن, قازاق ۇلتشىلدارىنان قايمىققاندىقتان كامەرانىڭ الدىندا كەشٸرٸم سۇراۋعا مەجبٷر بولعانىن, بۇل ەرەكەتكە امالسىزدان بارعانىن ايتقان.
Russia Today-دىڭ ايتاعىنا ەرگەن ەيەل ۇلتشىلداردىڭ ٷستٸنەن پرەزيدەنت قاسىم-جومارت توقاەۆ پەن كٷشتٸك قۇرىلىمدارعا ارىز جازۋعا وقتالىپ وتىر.
https://dalanews.kz/del-qazir/66889-keshirim-suramauym-kerek-edi-atyraul
