«استانا» باسكەتبول كلۋبىنىڭ قىزمەتٸن توقتاتۋى مٷمكٸن دەگەن اقپاراتقا قاتىستى تۋريزم جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸ تٷسٸنٸكتەمە بەردٸ, دەپ حابارلايدى dalanews.kz.
بۇعان دەيٸن كلۋب ويىنشىلارى مەن قازاقستان ۇلتتىق قۇراماسىنىڭ مٷشەلەرٸ مەملەكەت باسشىسى قاسىم-جومارت توقاەۆ پەن تۋريزم جەنە سپورت مينيسترٸ ەربول مىرزابوسىنوۆقا ٷندەۋ جولداپ, كەسٸبي مانساپتارىن جالعاستىرۋ مٷمكٸندٸگٸن ساقتاپ قالۋدى سۇراعان بولاتىن.
ويىنشىلاردىڭ ايتۋىنشا, كلۋبتىڭ نەگٸزگٸ قۇرامىنىڭ تاراۋى قازاقستاندىق باسكەتبولدىڭ دامۋىنا كەرٸ ەسەر ەتٸپ, جاس سپورتشىلاردىڭ ٶسۋٸنە, ۇلتتىق چەمپيوناتتىڭ دەڭگەيٸنە جەنە ۇلتتىق قۇراماعا ويىنشى دايارلاۋ جٷيەسٸنە نۇقسان كەلتٸرۋٸ مٷمكٸن.
الايدا قر تۋريزم جەنە سپورت مينيسترلٸگٸنٸڭ سپورت جەنە دەنە شىنىقتىرۋ ٸستەرٸ كوميتەتٸ كلۋبتىڭ سوڭعى جىلدارداعى نەتيجەلەرٸ كٷتكەن دەڭگەيگە سەيكەس كەلمەگەنٸن مەلٸمدەدٸ.
حالىقارالىق ارەناداعى نەتيجە كٶڭٸل كٶنشٸتپەدٸ
ۆەدومستۆونىڭ مەلٸمەتٸنشە, «استانا» ٶتكەن ماۋسىمدا ۆتب بٸرىڭعاي ليگاسىندا 44 ماتچتىڭ تەك ەكەۋٸندە عانا جەڭٸسكە جەتٸپ, 12 كوماندانىڭ ٸشٸندە سوڭعى ورىن العان. جەڭٸلٸس كٶرسەتكٸشٸ 95 پايىزدان اسقان.
سونىمەن قاتار كلۋب سوڭعى سەگٸز جىل بويى اتالعان تۋرنيردٸڭ پلەي-وفف كەزەڭٸنە شىعا الماعان.
ەل ٸشٸندەگٸ جارىستاردا دا ماقسات ورىندالمادى
مينيسترلٸك مەلٸمەتٸنە سەيكەس, «استانا» قازاقستان كۋبوگىن جەڭە المادى جەنە ۇلتتىق ليگا چەمپيونى اتاعىن دا يەلەنبەدٸ.
ۆەدومستۆو مۇنى كلۋب جۇمىسىنىڭ تيٸمدٸلٸگٸنە قاتىستى سۇراقتاردىڭ تۋىنداۋىنا سەبەپ بولعان نەگٸزگٸ فاكتورلاردىڭ بٸرٸ رەتٸندە اتادى.
باسىمدىق جاستار سپورتىنا بەرٸلەدٸ
تۋريزم جەنە سپورت مينيسترلٸگٸ ٶتكەن جىلى سپورت سالاسىن قارجىلاندىرۋدىڭ تيٸمدٸلٸگٸن ارتتىرۋعا باعىتتالعان زاڭ قابىلدانعانىن ەسكە سالدى.
زاڭ ۇلتتىق قۇرامالاردى دامىتۋعا, سپورت رەزەرۆٸن قالىپتاستىرۋعا جەنە بيۋدجەت قاراجاتى ەسەبٸنەن لەگيونەرلەردٸ قارجىلاندىرۋدى شەكتەۋگە باعىتتالعان.
قازٸرگٸ ۋاقىتتا ەلٸمٸزدە باسكەتبولدى دامىتۋ تەسٸلدەرٸن قايتا قاراۋ جۇمىستارى جٷرگٸزٸلٸپ جاتىر. نەگٸزگٸ نازار جاستار كوماندالارىن دامىتۋعا, ساپالى سپورت رەزەرۆٸن قالىپتاستىرۋعا جەنە بالالار مەن جاسٶسپٸرٸمدەر سپورتىن قولداۋعا اۋدارىلماق.
