“تىرىسىندە كىسى بالاسىنا ءتايت دەمەيتىن ءسابيت بايتەنوۆتىڭ ءوزى ماعان زاھارىن شاشىپ جاتقانىنا قاراپ، ۇلت الدىندا وپاسىزدىق جاسادىم-اۋ دەگەن ويدان وي مازالاپ جاتىر. مازالانعاندا سول، ءقازىر ەريەۆانداعى ليبان مەيرامحاناسىنان تىڭقيا تويىپ الىپ، اياق دەمالدىرار ارميان سپاسىن ىزدەپ جۇرگەن.. ا-ا، ءيا، Air Astana بورتىندا بولعان قازاق ءتىلىن قورعاۋ اكسياسىنا قاتىستى ويىم ەش وزگەرمەدى. ماعان مۇنداي ارزان تريۋك ۇنامايدى، ءتىپتى، ىرق-ىرق ەتىپ كۇلكىم كەلەدى.
جارىلقاپ قالىباي اعامىزدى وسىعان وتە ۇقساس جاعدايدا قورعاپ جازعام – “امانگەلدى باتىر، شاۋىپ كەلە جاتىر” دەپ. قايداعى، بۇكىل سالون وعان قارسى ارىز جازدى، ىشىمدىك ءىشىپ، شۋ كوتەرگەنى انىقتالدى، كەيىن ءوزى مويىندادى. ال، نە بولدى ال؟
سول سەكىلدى دوعان جاعدايىندا وعان قارسى ارىز جازعان تورتەۋ كىم دەگەن ۇلكەن سۇراق تۋدى. ءوزىم شەتەلدە جۇرسەم دە، ەير استانانىڭ باسپاسوزىندەگى اعا مامان تىلەك ابدىراحيموۆپەن حابارلاستىم. ءتورت كۋاگەر دە پاسساجير دەپ وتىر.
قونار كەزدە ۇستەلشەنى ءتۇسىرۋ – قاۋىپسىزدىك تالابى. نەگىزى، ىشكى ميكروفونمەن بۇل جايىندا ءۇش تىلدە دە ەسكەرتىلەدى، مۇلدەم ايتپادى دەۋگە كەلمەيدى.
قىسقاسى، جىگىتتەر، 10 مىڭ مەتر بيىكتىكتە ءبىر ءتىلدىڭ جىرتىسىن جىرتقان بولۋ – تىم ارزان ويىن. شىن مىقتى بولساق، شونا سەكىلدى ءار ءۇيدىڭ ەسىگىن قاعىپ، قازاق مەكتەبىنە بالا جيناۋ، اسحات سەكىلدى بلوگگينگتى قازاقشالاۋ كەرەك شىعار. ال بىلاي… بىلمەدىم، دەشيەۆو ديم”، – دەپ جازدى وركەن كەنجەبەك.
ايتا كەتسەك Air Astana ۇشاعىنداعى وقيعانىڭ ارتى داۋعا ۇلاستى. بورتسەرىكتەن قازاق تىلىندە قىزمەت كورسەتۋدى سۇراعان تۇرىك ازاماتى قاماۋعا الىنىپ، وعان ايىپپۇل سالىندى.
[video width="406" height="720" mp4="https://dalanews.kz/wp-content/uploads/2017/08/پاسساجيرا-وشترافوۆالي-زا-وتكاز-ۋبرات-ستوليك-ۆ-سامولەتە.mp4"][/video]
https://www.facebook.com/kzktar/videos/1952748608271213/
