World Association of Lesson Studies پرەزيدەنتى كەترين ليۋيس پەن پەداگوگيكالىق شەبەرلىك ورتالىعىنىڭ ديرەكتورى جانبوتا كابدىكاريموۆا WALS 2024 حالىقارالىق كونفەرەنسياسىن قازاقستاندا وتكىزۋ تۋرالى كەلىسىمشارتقا قول قويدى.
تاريحي شەشىم دۇنيەجۇزىلىك ساباقتى زەرتتەۋ قاۋىمداستىعىنىڭ ءداستۇرلى فورۋمى ءتامامدالعان نيدەرلاندىنىڭ زۆوللە قالاسىندا قابىلداندى.
العاش رەت WALS-تىڭ نەگىزگى كونفەرەنسياسى پوستكەڭەستىك كەڭىستىكتە وتەدى، جانە استانادا العاش رەت World Association of Lesson Studies شتاب-پاتەرى ءۇش كۇن بويى جۇمىس ىستەيدى. كەلەسى قىركۇيەكتە قازاقستانعا زاماناۋي ءبىلىم بەرۋدىڭ ستراتەگيالىق باسىمدىقتارىنىڭ ءبىرى – ساباقتى زەرتتەۋگە ماماندانعان ەڭ تابىستى مۇعالىمدەر كەلەدى دەپ جوسپارلانۋدا. ءقازىردىڭ وزىندە WALS-2024 قاتىسۋشىلارىنىڭ قاتارىندا ۇلىبريتانيا، سينگاپۋر، جاپونيا، فينليانديا، مالايزيا، اۆستريا، جۇڭگو، امەريكا قۇراما شتاتتارى، گونكونگ، تۇركيا – بارلىعى 50-دەن استام ەل بار.
كەلىسىمشارتقا قول قويۋ كەزىندە كەترين ليۋيس پەداگوگيكالىق شەبەرلىك ورتالىعىنىڭ Lesson Studyء-دى ەلدىك جوبا رەتىندە ىلگەرىلەتۋدەگى جەتىستىكتەرىن ەرەكشە اتاپ ءوتتى:
– قازاقستانداعى «ساباقتى زەرتتەۋ» شىن مانىندە جوعارى دەڭگەيدە جانە ءاربىر مۇعالىمگە دەرلىك جەتتى. ءبىز پەداگوگيكالىق شەبەرلىك ورتالىعىنداعى ارىپتەستەرىمىزدىڭ ون جىل ىشىندە ەلدەگى جانە الەمدەگى ناعىز WALS ەلشىلەرىنە اينالعانىن ماقتان تۇتامىز. بۇگىندە ولار ءوز وتانىندا مىڭداعان ءمۇعالىمدى، سونىمەن قاتار ازەربايجان، قىرعىزستان، رەسەي فەدەراسياسى، وزبەكستاننىڭ بىرنەشە ايماعىنىڭ پەداگوگتەرىن ساباقتى زەرتتەۋ بويىنشا وقىتۋدا، قازاق، اعىلشىن جانە ورىس تىلدەرىندە جۇمىس ىستەيدى.
كەمبريدج ۋنيۆەرسيتەتى ءبىلىم بەرۋ فاكۋلتەتىنىڭ پروفەسسورى پيتەر دادلي «Lesson Study» قازاقستاندىق مودەلىنىڭ كاسكادتى سيپاتى مەن اۋقىمدىلىعىن ەرەكشە اتاپ ءوتتى.
نيدەرلاندىداعى كونفەرەنسيادا ەڭ كوپ ابستراكتىلەردى قازاقستاندىق جانە جاپوندىق دەلەگاسيالار ۇسىندى، كۇنشىعىس ەلىندە «Lesson Study» تۇتاس فيلوسوفيا سانالاتىنىن اتاپ وتكەن ءجون.
زۆوللەگە پشو دەلەگاسياسى اۋقىمدى باعدارلاما دايىندادى: تاقىرىپتىق سيمپوزيۋمدار، اۆتورلىق شەبەرلىك سىنىپتارى، وقۋ سەسسيالارى، ەلارالىق زەرتتەۋلەر بويىنشا باياندامالار، Single talk، اتقارۋ كوميتەتى جانە قاۋىمداستىقتىڭ ساراپتامالىق كەڭەسىمەن كەلىسسوزدەر، گوللانديا مەكتەپتەرىندەگى كەزدەسۋلەر جانە باسقا دا كەيستەر.
وتاندىق ءبىلىم بەرۋگە Lesson Study ەنگىزۋدىڭ وزىق تاجىريبەلەرىن ەلۆيرا راحمايل، قىزجىبەك ابدرامانوۆا، يۋليا مەلنيكوۆا، جانيا وپانوۆا، رينات رامازانوۆ جانە ايبەك كەنجەبايەۆ، ۇلجان تەمىرعالييەۆا، ەربولات وسپانوۆ ۇسىندى.
سيمپوزيۋمنىڭ ديسكۋسانتتارى بولعان انگليادان دجيللي لانگ پەن سينگاپۋرلىق كريستين لي ەلارالىق زەرتتەۋلەردىڭ ماڭىزدىلىعىن اتاپ ءوتتى:
– بۇنداي زەرتتەۋ جوبالارى ەلدەر اراسىنداعى شەكارانى كەڭەيتەدى جانە بۇكىل الەم مۇعالىمدەرىنىڭ كاسىبي مۇددەسى سايكەس كەلەتىنىن دالەلدەيدى.
اۆستريالىق ارىپتەستەرمەن بىرلەسىپ جۇمىس ىستەگەن ەلۆيرا راحمايل توپتىق شىعارماشىلىق جۇمىس زەرتتەۋشىلىك داعدىلاردى دامىتۋعا جاڭا سەرپىن بەرگەنىن ايتادى جانە Lesson Study ءاربىر ءمۇعالىم ءۇشىن تابىستى قۇرال رەتىندەگى ماڭىزدىلىعىن تاعى ءبىر رەت راستادى.
دۇنيەجۇزىلىك Lesson Studies قاۋىمداستىعىنىڭ جاڭا مويىنداۋى –
وتاندىق ءبىلىم بەرۋدە تابىستى برەندكە اينالعان پەداگوگيكالىق شەبەرلىك ورتالىعىنىڭ الەمدىك جەتىستىكتەرىنىڭ زاڭدى جالعاسى. پشو قۇرعان پەداگوگتاردىڭ بىلىكتىلىگىن ارتتىرۋدىڭ كەڭ اۋقىمدى جۇيەسى گەرمانياداعى ACQUIN اككرەديتاسيالاۋ، سەرتيفيكاتتاۋ جانە ساپانى قامتاماسىز ەتۋ ينستيتۋتىنىڭ شارتسىز سەرتيفيكاتىن الدى جانە قازىرگى ۋاقىتتا ينستيتۋسيونالدىق اككرەديتتەۋ اياقتالۋدا. ورتالىق الەمنىڭ 200-دەن استام ءبىلىم بەرۋ ۇيىمى ۇمىتكەر بولعان بەدەلدى UNESCO-Hamdan-2020 سىيلىعىمەن ماراپاتتالدى. جەتەكشى مەكتەپتەرگە ارنالعان تانىمال پشو جوباسى GESS Education Awards-2023 بايقاۋىنىڭ ۇزدىك وندىعىنا ەندى.
پەداگوگيكالىق شەبەرلىك ورتالىعى 2012 جىلدان بەرى وتاندىق ءبىلىم بەرۋ سالاسىنا «ساباقتى زەرتتەۋ» الەمدىك ترەندىن ەنگىزۋدە. 2023 جىلدىڭ ساۋىرىندە استانادا «Lesson Study: رەفلەكسيۆتى تاجىريبەدەن تۇراقتى كوشباسشىلىققا» ءبىرىنشى ۇلتتىق كونفەرەنسياسى ءوتتى.
ميرا اليپينوۆا
