World Association of Lesson Studies prezıdenti Ketrın Lúıs pen Pedagogıkalyq sheberlik ortalyǵynyń dırektory Janbota Kabdykarımova WALS 2024 halyqaralyq konferensıasyn Qazaqstanda ótkizý týraly kelisimshartqa qol qoıdy.
Tarıhı sheshim Dúnıejúzilik sabaqty zertteý qaýymdastyǵynyń dástúrli forýmy támamdalǵan Nıderlandynyń Zvolle qalasynda qabyldandy.
Alǵash ret WALS-tyń negizgi konferensıasy postkeńestik keńistikte ótedi, jáne Astanada alǵash ret World Association of Lesson Studies shtab-páteri úsh kún boıy jumys isteıdi. Kelesi qyrkúıekte Qazaqstanǵa zamanaýı bilim berýdiń strategıalyq basymdyqtarynyń biri – sabaqty zertteýge mamandanǵan eń tabysty muǵalimder keledi dep josparlanýda. Qazirdiń ózinde WALS-2024 qatysýshylarynyń qatarynda Ulybrıtanıa, Sıngapýr, Japonıa, Fınlándıa, Malaızıa, Avstrıa, Qytaı, Amerıka Qurama Shtattary, Gonkong, Túrkıa – barlyǵy 50-den astam el bar.
Kelisimshartqa qol qoıý kezinde Ketrın Lúıs Pedagogıkalyq sheberlik ortalyǵynyń Lesson Study-di eldik joba retinde ilgeriletýdegi jetistikterin erekshe atap ótti:
– Qazaqstandaǵy «Sabaqty zertteý» shyn máninde joǵary deńgeıde jáne árbir muǵalimge derlik jetti. Biz Pedagogıkalyq sheberlik ortalyǵyndaǵy áriptesterimizdiń on jyl ishinde eldegi jáne álemdegi naǵyz WALS elshilerine aınalǵanyn maqtan tutamyz. Búginde olar óz otanynda myńdaǵan muǵalimdi, sonymen qatar Ázerbaıjan, Qyrǵyzstan, Reseı Federasıasy, Ózbekstannyń birneshe aımaǵynyń pedagogterin sabaqty zertteý boıynsha oqytýda, qazaq, aǵylshyn jáne orys tilderinde jumys isteıdi.
Kembrıdj ýnıversıteti bilim berý fakúltetiniń profesory Pıter Dadlı «Lesson Study» qazaqstandyq modeliniń kaskadty sıpaty men aýqymdylyǵyn erekshe atap ótti.
Nıderlandydaǵy konferensıada eń kóp abstraktilerdi qazaqstandyq jáne japondyq delegasıalar usyndy, kúnshyǵys elinde «Lesson Study» tutas fılosofıa sanalatynyn atap ótken jón.
Zvollege PSHO delegasıasy aýqymdy baǵdarlama daıyndady: taqyryptyq sımpozıýmdar, avtorlyq sheberlik synyptary, oqý sesıalary, elaralyq zertteýler boıynsha baıandamalar, Single talk, Atqarý komıteti jáne Qaýymdastyqtyń saraptamalyq keńesimen kelissózder, Golandıa mektepterindegi kezdesýler jáne basqa da keıster.
Otandyq bilim berýge Lesson Study engizýdiń ozyq tájirıbelerin Elvıra Rahmaıl, Qyzjibek Abdramanova, Iýlıa Melnıkova, Janıa Opanova, Rınat Ramazanov jáne Aıbek Kenjebaev, Uljan Temirǵalıeva, Erbolat Ospanov usyndy.
Sımpozıýmnyń dıskýsanttary bolǵan Anglıadan Djıllı Lang pen sıngapýrlyq Krıstın Lı elaralyq zertteýlerdiń mańyzdylyǵyn atap ótti:
– Bundaı zertteý jobalary elder arasyndaǵy shekarany keńeıtedi jáne búkil álem muǵalimderiniń kásibı múddesi sáıkes keletinin dáleldeıdi.
Avstrıalyq áriptestermen birlesip jumys istegen Elvıra Rahmaıl toptyq shyǵarmashylyq jumys zertteýshilik daǵdylardy damytýǵa jańa serpin bergenin aıtady jáne Lesson Study árbir muǵalim úshin tabysty qural retindegi mańyzdylyǵyn taǵy bir ret rastady.
Dúnıejúzilik Lesson Studies qaýymdastyǵynyń jańa moıyndaýy –
otandyq bilim berýde tabysty brendke aınalǵan Pedagogıkalyq sheberlik ortalyǵynyń álemdik jetistikteriniń zańdy jalǵasy. PSHO qurǵan pedagogtardyń biliktiligin arttyrýdyń keń aýqymdy júıesi Germanıadaǵy ACQUIN Akredıtasıalaý, sertıfıkattaý jáne sapany qamtamasyz etý ınstıtýtynyń shartsyz sertıfıkatyn aldy jáne qazirgi ýaqytta ınstıtýsıonaldyq akredıtteý aıaqtalýda. Ortalyq álemniń 200-den astam bilim berý uıymy úmitker bolǵan bedeldi UNESCO-Hamdan-2020 syılyǵymen marapattaldy. Jetekshi mektepterge arnalǵan tanymal PSHO jobasy GESS Education Awards-2023 baıqaýynyń úzdik ondyǵyna endi.
Pedagogıkalyq sheberlik ortalyǵy 2012 jyldan beri otandyq bilim berý salasyna «Sabaqty zertteý» álemdik trendin engizýde. 2023 jyldyń sáýirinde Astanada «Lesson Study: refleksıvti tájirıbeden turaqty kóshbasshylyqqa» birinshi Ulttyq konferensıasy ótti.
Mıra Alıpınova
