رەجيسسەر قانشا حالىقتىڭ ىقىلاسىنا بولەنسە دە، ءوز تۋىندىلارىن كورگىسى كەلمەيتىنىن مالىمدەدى.
– «ليفت» ءفيلمىنىڭ مونتاجدالعان نۇسقاسى دايىن بولدى. ونى ءالى كورمەدىم، سەبەبى بۇعان دەيىن فيلمدەردىڭ «شيكى» نۇسقاسىن كورگەن كەزدە «وسىنى ءوشىرىپ، ەشكىمگە كورسەتپەي-اق قويايىق» دەگەنمىن. ءوز جۇمىستارىمدى كورگەندى ونشا ۇناتا بەرمەيمىن. سەبەبى ءوزىمدى ءوزىم سىناپ، «قاپ، مىنا جەردە وسىلاي ىستەۋىم كەرەك ەدى» دەپ ءجيى ايتامىن. وسى جەردە اياماي-اق قويۋىم كەرەك ەدى دەپ ويلايسىڭ. جالپى ءوز اقشاڭا تۇسىرگەن كەزدە بارلىعىنىڭ قىمبات ەكەنىن تۇسىنەسىڭ. ماسەلەن، 4 سەكۋندتىق كادر ءۇشىن 1500 دوللارعا كران شاقىرتقىڭ كەلمەيدى. «ودان دا سول كادر بولماي-اق قويسىڭ، ەسەسىنە ۇنەمدەيسىڭ» دەيسىڭ دە، فيلم دايىن بولعان كەزدە وكىنىپ قالاسىڭ، – دەپ اعىنان جارىلدى كينورەجيسسەر.
ادامباي مەملەكەت تاراپىنان ۇلتتىق كومپانيالارعا بولىنەتىن اقشا ءوز قولىنا تيسە، الەمگە كورسەتۋگە ۇيالمايتىنداي كينو تۇسىرەتىنىن اشىنا جەتكىزدى.
– ۇلتتىق كومپانيالار حالىقتىڭ سۇرانىسىندا جوق كينولاردى تۇسىرۋگە ميللياردتار جۇمساپ جاتقانىن بىلگەندە ەكى ەسە ءىشىڭ اشيدى. سەبەبى ونداي اقشاعا الەمگە ۇيالماي كورسەتۋگە بولاتىن كينو تۇسىرۋگە بولادى. جالپى كينو – تابىس الىپ كەلەتىن نارسە. ەگەر ءبىز كينو سالاسىنا بيۋدجەتتەن ءبولىنىپ جاتقان قىرۋار قارجىنى باسقاشا جۇمسايتىن بولساق، كرەاتيۆتى وي قوساتىن بولساق، قاپ… جالپى كينوعا كەتكەن شىعىن قايتپايدى دەپ ويلايتىن ءبىز عانا. ءبىراق شىنىنا كەلگەندە مەملەكەت كينو ارقىلى اقشا تابا الار ەدى. ءبىر فيلمگە 2 ميلليون، ءتىپتى 5 ميلليون دوللار ءبول. بۇل اقشا ونسىز دا ءبولىنىپ جاتىر. سونى الەمدىك پروكاتقا بەرىپ، قىتايدان، امەريكادان، ەۋروپادان اقشا جيناپ الۋعا بولار ەدى. ول مەملەكەتتىڭ ءيميدجىن قالىپتاستىرادى. سەبەبى كينو – ول ينتەللەكتۋالدىق ەڭبەك، – دەپ تۇيىندەدى ءسوزىن نۇرتاس ادامباي.
دەرەككوزى: stan.kz
