ءنۇرقادىلوۆتىڭ ءبىر چەمودان كومپروماتى شىعىپ كەتسە، نە بولاتىنىن قۇداي بىلەدى - عالىم

ساعىنىش سارداروۆا 04 ماۋ. 2024 13:54 2538

قازاقستان عالىمدار وداعىنىڭ پرەزيدەنتى، مەملەكەتتىك سىيلىقتىڭ لاۋرەاتى، اكادەميك ورازالى سابدەن ەكس-پرەزيدەنت نازاربايەۆ عالىمدارعا نەگە قارسى شىققانىن ايتتى. سونداي-اق، ول زامانبەك ءنۇرقادىلوۆ كوزى تىرىسىندە قانداي تۇلعا بولعانىن اڭگىمەلەدى، - دەپ حابارلايدى Dalanews.kz.

ورازالى سابدەننىڭ ايتۋىنشا، نازاربايەۆ عىلىممەن كۇرەسكەن جوق، ول قازاقتىڭ زيالىلارىمەن كۇرەستى. ال ونىڭ ءتۇپ تامىرى - عالىمدار.

"عالىمدارعا، عىلىمعا ق ر ءبىرىنشى پرەزيدەنتىنىڭ كوزقاراسى دۇرىس بولمادى. ەستەرىڭىزدە بولسا، باياعىدا ءبىر توپ عالىم "بولشە نە بۋدەم مولچات" دەگەن ماقالا جازعان بولاتىن. قازاقستاننىڭ جاڭاشا دامۋىنا دەموكراتيالىق كوزقاراس رەتىندە (جازدى - ەسك.). عالىمدار الدا نە بولاتىنىن ءبىرىنشى كورىپ وتىرادى عوي. سودان باستالدى عوي دەپ ويلايمىن. ەكىنشى جاعىنان قازاقستاننىڭ استاناسى استاناعا، اقمولاعا كوشتى عوي. سول كەزدە ءبىرىنشى بۇل ماسەلەنى شەشۋ ءۇشىن پرەزيدەنت جوعارعى كەڭەستىڭ پرەزيديۋمىن اكەلدى. پارلامەنت قابىلداۋ كەرەك قوي. سوندا جوعارعى كەڭەستىڭ پرەزيديۋم مۇشەسى - 13 ادام. ول كىسى (نازاربايەۆ - ەسك.) اسانبايەۆتى الىپ كەلدى. "اسانبايەۆ بايانداما جاسايدى" دەدى. اسانبايەۆتى تىڭدادىق. ول ۋاقىتتا ءبىزدىڭ كوزقاراسىمىز تىكە بولاتىن، قازىرگىدەي پرەزيدەنت، باسقا دەپ (بولمەيتىنبىز - ەسك.). سوندا اشىق اڭگىمە بولدى. ءبىرازى قولدادى. ءبىراز كىسى قارسى شىقتى. ستراتەگيا جاعىنان قاراعاندا دۇرىس شىعار دەپ ويلادىق. "ءبىراق حالىق قينالىپ وتىرعاندا، كۇن كورىس جاعدايى قيىن ۋاقىتتا كەرەك پە وسى ماسەلە؟" دەگەن ماسەلە كوتەرىلدى. مىنە، سول كەزدەردە پرەزيدەنتتىڭ عىلىمعا دەگەن كوزقاراسى دۇرىس ەمەس ەكەنى بايقالدى. سەبەبى استاناعا كوشكەندە كىممەن قوشتاسادى؟! زيالى قاۋىممەن، عالىمدارمەن (قوشتاسادى - ەسك.)، ءبارى الماتى عوي. قازاقستاننىڭ تۇكپىر-تۇكپىرى الماتىعا قارايتىن. سول فاكتور اسەر ەتتى. بۇل - ۇلكەن ساياسي ءمانى بار ماسەلە"، - دەيدى ول.

سونداي-اق، عالىم اكادەميانىڭ جابىلۋى وكىنىشتى جايت بولعانىن ايتتى.

"اكادەميك سالىق زيمانوۆتان باستاپ تالاي رەت پرەزيدەنتكە حات جازدىق. كەيىنگى حاتىمىزدا "زيمانوۆ پەن سابدەنوۆ قويمايدى. مەن باردا ۇلتتىق عىلىم اكادەمياسى مەملەكەتتىكى بولمايدى" دەگەن ءسوزدى ەستىپ قالدىق. شىنىندا دا، سولاي بولدى عوي. ول باردا بولمادى. كەيىن قاسىم-جومارت توقايەۆ كەلگەننەن كەيىن ۇلتتىق عىلىم اكادەمياسىن قايتادان مەملەكەتتىكى جاسادى"، - دەدى ول "دەموكراتيالى قازاقستانعا" بەرگەن سۇحباتىندا.

ورازالى سابدەن نازاربايەۆ جۇيەسىنە قارسى شىققان نۇرقادىلوۆكە قاتىستى دا پىكىر ءبىلدىردى.

"ريتس پالاستا اس بەردى. ءبىر ۋاقىتتا بولات ءابىلوۆ ميكروفوندى الىپ، "سويلەڭىز" دەدى. سوندا "زامانبەكتى ويمەن الا الماعاندار، وقپەن الدى" دەدىم. ماسەلەنىڭ ءتۇپ تامىرى قايدا جاتىر؟! سەبەبى زامانبەكتى جاقسى بىلەمىن، ول ءىستىڭ ادامى، ايتتى ما، ىستەتەدى. بىزگە سول جەتپەي جاتىر. اشىعىن ايتۋ كەرەك، ءىستىڭ ادامى جەتپەي جاتىر. قازاقتىڭ پاتريوتى. قايراتكەر. مەن بولسام، زامانبەكتىڭ پوتەنسيالىن پايدالاناتىن ەدىم. وعان قارسى شىقپاي پايدالانامىن. مۇمكىندىگى بار ادام عوي. سونى پايدالانۋ كەرەك. قازاقتىڭ كورە الماۋشىلىق دەگەن ماسەلەسى وسى كۇنگە دەيىن قالماي كەلەدى. قايدان شىققان نارسە؟! ءار حالىقتا دا بار شىعار. ءنۇرقادىلوۆ، شىنىمەن دە، مىقتى بولدى.

...قاسىنداعى وتقا ماي سالۋشىلار تولىپ جاتىر عوي. زامانبەكتىڭ تۇياعىنا جارامايتىندار ءجۇر. ولار وتقا ماي سالماي ما؟! سونىڭ ءبارى ۋشىعادى. زامانبەكتىڭ حاراكتەرىن جاقسى بىلەمىن. ول وق بولسا وق، شوق بولسا شوق دەيدى. سودان ءبارى شىعىپ كەتتى. ...ارينە، جۇيە، بيلىك (ءولتىردى - ەسك.). بۇل - جۇيەنىڭ تىكەلەي ءپرينسيپى. كىم ءبىلىپتى الدا نە بولاتىنىن؟! ءبىر چەمودان كومپرومات شىعىپ كەتسە، نە بولىپ كەتەتىنىن قۇداي بىلەدى"، - دەدى سابدەن "دەموكراتيالى قازاقستانعا".


ۇسىنىلعان
سوڭعى جاڭالىقتار