ماڭعىستاۋ وبلىسىنىڭ بارلىق جەرىندە رەفەرەندۋمعا داۋىس بەرۋ جالعاسىپ جاتىر. ايماق باسشىسى 14 شاعىناۋدانداعى №1 ورتا مەكتەپتە ورنالاسقان №31 رەفەرەندۋم ۋچاسكەسىنە كەلىپ، ءوز تاڭداۋىن جاسادى. اتالعان ۋچاسكىدە 1628 ادام تىركەلگەن.
– بۇگىن ءبارىمىز ءۇشىن ماڭىزدى كۇن. رەفەرەندۋم ەلدىڭ دامۋىنا، قوعام مەن مەملەكەت اراسىنداعى قاتىناستاردىڭ جاقسارۋىنا ىقپال ەتەدى. قازاقستان پرەزيدەنتى قاسىم-جومارت توقايەۆ اتاپ وتكەندەي، بۇگىنگى تاڭدا داۋىس بەرەتىن تۇرعىندار ەلىمىزدىڭ قوعامدىق ومىرىندەگى ۇلكەن وزگەرىستەردى بولجايدى، ادام قۇقىقتارىن الدىڭعى ورىنعا قويادى. بۇگىن رەفەرەندۋمعا قاتىسقانداردىڭ بارلىعى جارقىن بولاشاق ءۇشىن داۋىس بەرەدى، – دەدى نۇرلان نوعايەۆ.
