ءىس-ساپار نۇرلان نوعايەۆتىڭ وقۋشىلار سارايىنىڭ جۇمىسىمەن تانىسۋىمەن باستالدى. شىعارماشىلىق ءۇي 650 بالاعا ارنالعان. مۇندا جىل بويى 4800 بالا، 94 استام ءارتۇرلى ۇيىرمەلەر مەن سپورت سەكسيالارىنا قاتىسۋعا مۇمكىندىگى بار.
وقۋشىلار ۇيىندە تولىقتاي جيھازدارمەن جابدىقتالعان كونفەرەنس-زال، coworking-ورتالىق، روبوتوتەحنيكا كابينەتى، موبيلوگرافيا، شاحمات، جاس اسپازدار ۇيىرمەلەرى مەن مۋزىكالىق ستۋديا بار. ۇيىرمەلەردە 94 وقىتۋشى، بالالاردىڭ ساپالى ءبىلىمىن ۇزدىكسىز قامتاماسىز ەتەدى.
سونداي-اق، وبلىس اكىمى جاڭاوزەن قالاسىنىڭ كوپبەيىندىك اۋرۋحاناسىندا بولدى. سوڭعى ۇلگىدەگى مەديسينالىق تەحنيكالارمەن جابدىقتالعان اۋرۋحانادا 548 مەديسينالىق قىزمەتكەر بار.
مەديسينالىق مەكەمە تەراپيەۆتىك، كارديولوگيالىق، تراۆماتولوگيالىق، حيرۋرگيالىق، بالالار حيرۋرگياسى، نيەۆرولوگيالىق وڭالتۋ، ينسۋلتتىك، گينەكولوگيالىق، دەرماتوۆەنەرولوگيالىق، ينفەكسيالىق، پەدياتريالىق، جۇكتىلىك پاتولوگياسى بويىنشا قىزمەتتەر كورسەتەدى.
سونىمەن قاتار، نۇرلان نوعايەۆ، ءبىر اۋىسىمدا 50 ادام قابىلداۋعا قاۋقارلى دارىگەرلىك امبۋلاتوريادا جانە 250 بالاعا ارنالعان كوپفۋنكسيونالدى سپورت كەشەنىندە بولدى. مۇندا بالالار نەگىزىنەن باسكەتبول، ۆولەيبول، شاعىن فۋتبولمەن تەگىن شۇعىلدانادى. انگار تيپتەگى نىساننىڭ اۋدانى 1000 شارشى مەتردى قۇرايدى.
نۇرلان نوعايەۆ بالالاردىڭ دەنساۋلىعى مەن ءبىلىم دەڭگەيى ۇلتىمىزدىڭ كەمەل كەلەشەگىنىڭ كەپىلى ەكەىنىن ەرەكشە اتاپ ءوتتى.
– جاڭاوزەندەگى الەۋمەتتىك نىساندار بالالاردىڭ جان-جاقتى دامۋى ءۇشىن قۇرىلعان جانە بۇل ولارعا جاھاندىق عىلىمي-تەحنيكالىق پروگرەسس جاعدايىندا باسەكەگە قابىلەتتى بولۋعا مۇمكىندىك بەرەدى. وسىنداي نىسانداردىڭ ارقاسىندا جاڭاوزەننەن بولاشاق الەم چەمپيوندارى شىعادى. سونداي-اق، بۇگىن مەديسينا قىزمەتكەرلەرىنىڭ جۇمىسىن كورىپ قۋانىشتى بولدى. مونوقالالاردا مەديسينانى دامىتۋ حالىقتىڭ دەنساۋلىعى مەن ءال - اۋقاتىن قامتاماسىز ەتۋدە، ينۆەستيسيالار تارتۋدا، ەكونوميكالىق ءوسۋدى قولداۋدا جانە ءوڭىردىڭ تۇراقتى دامۋى ءۇشىن قولايلى جاعدايلار جاساۋدا ماڭىزدى ءرول اتقارادى، – دەپ اتاپ ءوتتى نۇرلان نوعايەۆ.
ساپار بارىسىندا ءوڭىر باسشىسى اۋماعى 20 گەكتار ءتالىمباقتى ارالادى. مۇندا 400 اساتىن جەمىس بەرەتىن اعاش جانە پوۆلونيا، قاراعاش، اكاسيا اعاشتارىنىڭ كوشەتتەرى، سونداي-اق ءجۇزىم، قاۋىن، قاربىز، جۇگەرى بار.
قازىرگى تاڭدا ءتالىمباققا قالاداعى مۇمكىندىگى شەكتەۋلى بالالار كەلىپ، وسىنداعى جىلقىلاردىڭ كومەگىمەن يپپوتەرپيا وتەدى. بولاشاقتا اعاشتاردىڭ سانىن كوبەيتىپ، بالالارعا ارنالعان يپوتەراپيا جوباسىن كەڭەيتۋ جوسپارلانعان.
