نۇرلان البان "اقساقالدار" توبىن قۇرماق پا؟

Dalanews 06 اقپ. 2015 01:43 111

ءقازىر ءانشى كوپ. كەيدە اسپانداعى جۇلدىزداردان جەردەگى جۇلدىزدار كوپ پا دەپ قالاسىڭ. ايدالاعا تاياق لاقتىرساڭ ءبىر جۇلدىزدىڭ باسىنا تيەدى. قازاق ەستراداسىندا قىپ-قىزىل باسەكە ورناعان. سوندىقتان  انشىلەر تىڭ يدەيامەن شىعىپ، جۇرتتىڭ نازارىن اۋدارۋعا (ىقىلاسىنا بولەنۋمەن شاتاستىرماڭىز) اۋەس. ءقازىر ەلدى ەلەڭ ەتكىزەتىن انشىلەر از. ساۋساقپەن  ساناپ الۋعا بولادى. سول ساناۋلى انشىلەردىڭ ءبىرى نۇرلان البان.

ءبىز بىلەتىن نۇرەكەڭ و باستا تەلەديداردا جۇرگىزۋشى ەدى. بۇدان بۇرىن ءان سالعان بولسا، ونىسىنان حابارسىزبىز. شىنى كەرەك ءقازىر ءانشى اتانىپ، ەلگە تانىلۋ وتە قيىن. ال ويى ۇشقىر، قازاقستاننىڭ شوۋ بيزنەسىندەگى ەڭ يدەياشىل نۇرلان البان ءۇشىن بۇل قيىن بولماۋى مۇمكىن. انشىلىكتى ەلىمىزدەگى بىردەن-بىر روك باعىتىندا ءان سالاتىن «ۇركەر» توبىنان باستاعان نۇرەكەڭ، ايگىلى توپتان ەنشىسىن الىپ بولەك شىققاندا، ءانشىنىڭ كارەراسى وسىمەن تاۋسىلعان شىعار دەپ ويلاعانبىز. ونىمىز بەكەر بولىپتى. بىزدەر نۇرەكەڭنىڭ يدەياشىل جان ەكەنىن ەسەپكە الماپتىق. جاعداي ءبىز ويلاعاننان كەرىسىنشە بولدى. ءسوزدىڭ شىنى كەرەك، ءقازىر «ۇركەردەن» گورى نۇرلان الباننىڭ اتاعى جەر جارىپ تۇر.
تىڭ يدەياشىل نۇرلان البان تاعى دا جۇرتتىڭ قۇلاعىن كوتەرىپ قويدى. ءانشىنىڭ اقساقالدار توبىن قۇرۋ ىسىمەن شاپقىلاپ جۇرگەنىن قۇلاعىمىز شالىپ قالدى. مىنە، ناعىز يدەيا! اق جاۋلىقتى اجەلەرىمىزدىڭ باعزى زاماننان ءان سالىپ كەلە جاتقانىن بىلەمىز. ال شالداردىڭ ساقالدارىن جەلپىلدەتىپ ءان سالعانىن كورمەپتىك.

نۇرلان البان «ۇركەردەن» بولىنگەننەن كەيىن حالىق اندەرىن روك باعىتىندا ورىنداپ، تىڭعا تۇرەن سالدى. مۇنى تىڭ يدەيا ەمەس دەپ كىم ايتادى. وسىلايشا نۇرلان الباننىڭ جۇرتتىڭ ىقىلاسىنا بولەنگەنىنە كۋا بولدىق. ءبىراق ول روك باعىتىندا ءان سالۋمەن شەكتەلگەن جوق. بۇرىنعى اجەلەر ءانسامبلىن جاڭعىرتىپ، تاعى دا جۇرتتىڭ نازارىن وزىنە اۋداردى. ءبىزدىڭ اجەلەرىمىز ورىستاردىڭ «بۋرانوۆسكيە بابۋشكي» توبى سياقتى «ەۆروۆيدەنيە»  بايقاۋىنا قاتىسىپ توپ جارماسا دا، حالىق اندەرىن اۋەلەتە شىرقاپ، انسۇيەر قاۋىمنىڭ جۇرەگىنە جول تاپقانى بەلگىلى. اق كيمەشەك كيگىزىپ، اپپاق قارداي اجەلەردى جارىققا شىعارعان نۇرلان البانعا العىستان باسقا ايتارىمىز جوق. جۇلدىز بولساڭ نۇرلانداي بول. ءوزىن دە، اجەلەرىن دە جارقىراتىپ كورسەتىپ ءجۇر.  

تىڭ يدەياشىل نۇرلان البان تاعى دا جۇرتتىڭ قۇلاعىن كوتەرىپ قويدى. ءانشىنىڭ اقساقالدار توبىن قۇرۋ ىسىمەن شاپقىلاپ جۇرگەنىن قۇلاعىمىز شالىپ قالدى. مىنە، ناعىز يدەيا! اق جاۋلىقتى اجەلەرىمىزدىڭ باعزى زاماننان ءان سالىپ كەلە جاتقانىن بىلەمىز. ال شالداردىڭ ساقالدارىن جەلپىلدەتىپ ءان سالعانىن كورمەپتىك. سوندىقتان اقساقالداردان قۇرالعان توپتى قۇرۋ وڭاي ەمەس ەكەنىن ءىشىمىز سەزەدى. ەسى دۇرىس شال ساحانادا قيسالاڭداپ ءان سالۋعا كەلىسپەسى انىق. شاماسى بۇل جاعىن نۇرلان البان ەسەپكە الماعان سياقتى. شالدار «ارى تۇر، بەرى تۇرعا» كونەتىن اجەلەر ەمەس. ۇناماسا قولىنداعى تاياعىمەن باس، كوز دەمەي سالىپ قالادى. اقساقالدار توبىن قۇرام دەپ الدىنا تاۋداي تالاپ قويعان نۇرەكەڭ شالداردان تاياق جەپ، سوتقا شاعىمدانىپ جۇرمەسە جارادى.

نۇرلان اۋباكىر  


ۇسىنىلعان
سوڭعى جاڭالىقتار