Biz biletin Nurekeń o basta teledidarda júrgizýshi edi. Budan buryn án salǵan bolsa, onysynan habarsyzbyz. Shyny kerek qazir ánshi atanyp, elge tanylý óte qiyn. Al oiy ushqyr, Qazaqstannyń shoý biznesindegi eń ideiashyl Nurlan Alban úshin bul qiyn bolmaýy múmkin. Ánshilikti elimizdegi birden-bir rok baǵytynda án salatyn «Úrker» tobynan bastaǵan Nurekeń, áigili toptan enshisin alyp bólek shyqqanda, ánshiniń karerasy osymen taýsylǵan shyǵar dep oilaǵanbyz. Onymyz beker bolypty. Bizder Nurekeńniń ideiashyl jan ekenin esepke almaptyq. Jaǵdai biz oilaǵannan kerisinshe boldy. Sózdiń shyny kerek, qazir «Úrkerden» góri Nurlan Albannyń ataǵy jer jaryp tur.
Tyń ideiashyl Nurlan Alban taǵy da jurttyń qulaǵyn kóterip qoidy. Ánshiniń aqsaqaldar tobyn qurý isimen shapqylap júrgenin qulaǵymyz shalyp qaldy. Mine, naǵyz ideia! Aq jaýlyqty ájelerimizdiń baǵzy zamannan án salyp kele jatqanyn bilemiz. Al shaldardyń saqaldaryn jelpildetip án salǵanyn kórmeptik.
Nurlan Alban «Úrkerden» bólingennen keiin halyq ánderin rok baǵytynda oryndap, tyńǵa túren saldy. Muny tyń ideia emes dep kim aitady. Osylaisha Nurlan Albannyń jurttyń yqylasyna bólengenine kýá boldyq. Biraq ol rok baǵytynda án salýmen shektelgen joq. Burynǵy ájeler ansamblin jańǵyrtyp, taǵy da jurttyń nazaryn ózine aýdardy. Bizdiń ájelerimiz orystardyń «Býranovskie babýshki» toby siiaqty «Evrovidenie» baiqaýyna qatysyp top jarmasa da, halyq ánderin áýelete shyrqap, ánsúier qaýymnyń júregine jol tapqany belgili. Aq kimeshek kigizip, appaq qardai ájelerdi jaryqqa shyǵarǵan Nurlan Albanǵa alǵystan basqa aitarymyz joq. Juldyz bolsań Nurlandai bol. Ózin de, ájelerin de jarqyratyp kórsetip júr.
Tyń ideiashyl Nurlan Alban taǵy da jurttyń qulaǵyn kóterip qoidy. Ánshiniń aqsaqaldar tobyn qurý isimen shapqylap júrgenin qulaǵymyz shalyp qaldy. Mine, naǵyz ideia! Aq jaýlyqty ájelerimizdiń baǵzy zamannan án salyp kele jatqanyn bilemiz. Al shaldardyń saqaldaryn jelpildetip án salǵanyn kórmeptik. Sondyqtan aqsaqaldardan quralǵan topty qurý ońai emes ekenin ishimiz sezedi. Esi durys shal sahanada qisalańdap án salýǵa kelispesi anyq. Shamasy bul jaǵyn Nurlan Alban esepke almaǵan siiaqty. Shaldar «ary tur, beri turǵa» kónetin ájeler emes. Unamasa qolyndaǵy taiaǵymen bas, kóz demei salyp qalady. Aqsaqaldar tobyn quram dep aldyna taýdai talap qoiǵan Nurekeń shaldardan taiaq jep, sotqa shaǵymdanyp júrmese jarady.
Nurlan Áýbákir
