اۋرۋدىڭ ءقاۋپى ءالى دە جوعارى، بۇعان ەپيدەميولوگيالىق جاعداي بويىنشا نۇر-سۇلتان قالاسىنىڭ 10 ناۋرىزدان باستاپ «قىزىل ايماققا» ەنگەنى دالەل. مۇنداي جاعدايدا بۇقارالىق ءىس-شارالار، كونسەرتتەر مەن قويىلىمدار قويۋدىڭ سوڭى قالا تۇرعىندارىنىڭ ومىرىنە ءقاۋىپ تۋدىرادى.
دەگەنمەن مەرەكەلىك كوڭىل كۇي ورناتۋ ءۇشىن اشىق اۋادا قوعامدىق كەڭىستىكتەر ۇيىمداستىرىلادى، ياعني قالانى بەزەندىرگەن ءتۇرلى-تۇستى فوتوايماقتار مەن دەكوراسيالار ورناتىلادى. حالقىمىزدىڭ ەجەلدەن كەلە جاتقان كيىز ءۇيى، جايلاۋدى ەسكە تۇسىرەتىن جاسىل كىلەمدەرى مەرەكەنىڭ كوركىن ارتتىرماق. بۇل جۇمىسقا بيۋدجەتتەن قاراجات بولىنبەيدى.
ايتا كەتۋ كەرەك، ناۋرىز مەرەكەسى كۇندەرى پوليسيا مەن اكىمدىك قىزمەتكەرلەرى تاۋلىك بويى كەزەكشىلىك جۇرگىزەتىن بولادى. ولار جۇرت كوپ جينالماس ءۇشىن قالاداعى جاعدايدى قاداعالايتىن بولادى.
ەستەرىڭىزگە سالا كەتەيىك، بيىل ەلوردادا ناۋرىز مەيرامىن تويلاۋ – «يگى ىستەر» مارافونىنىڭ اياسىندا كوپتەگەن قايىرىمدىلىق اكسيالارى وتەتىن بولادى. قالا تۇرعىندارى مۇقتاج جاندارعا بارىنشا كومەك كورسەتۋگە شاقىرىلادى: ازىق-تۇلىك تاراتۋ، جالعىز تۇراتىن زەينەتكەرلەردىڭ اۋلالارىنىڭ قارىن كۇرەۋ، دارى-دارمەك الىپ بەرۋ. بۇل جاعدايدا سانيتارلىق نورمالاردى قاتاڭ ساقتاۋ قاجەت.
سونىمەن قاتار، دەمالىس كۇندەرى ۋاقىتتى قىزىقتى وتكىزۋ ءۇشىن قالانىڭ مادەني مەكەمەلەرى تەلەديدار مەن الەۋمەتتىك جەلىلەر ارقىلى تىكەلەي ەفيردە كوپتەگەن ءونلاين-ىس-شارالار دايىنداپ وتىر. ولاردىڭ اراسىندا كونسەرتتەر، كورمەلەر، تەاترلاندىرىلعان قويىلىمدار، تاريحي-تانىمدىق دارىستەر مەن كونفەرەنسيالار بار.
