قازاقستان رەسپۋبليكاسىنىڭ دەنساۋلىق ساقتاۋ ۆيسە-مينيسترى – ەلىمىزدىڭ باس سانيتار دارىگەرى ەرلان قياسوۆقا سوگىس جاريالاندى. بۇل تۋرالى Nur Otan پارتيالىق باقىلاۋ كوميتەتىنىڭ باسشىسى ارتۋر پلاتونوۆ Faceboووك پاراقشاسىندا جازدى.
دەپۋتاتتىڭ ايتۋىنشا، ادامدار وعان الەۋمەتتىك جەلى ارقىلى شاعىمدانعان. ولار مينيستر ورىنباسارلارى مەن وڭىرلەردەگى شەنەۋنىكتەر ازاماتتارمەن كەزدەسۋ كەزىندە قانداي دا ءبىر ماسەلە بويىنشا "پارتيالىق مىندەتتەمەنى ورىنداۋدان قاشاتىنىن" ايتقان.
ارتۋر پلاتونوۆتىڭ سوزىنشە، ازاماتتار ەلدە ءبارى قىمباتتاپ جاتقانىن جەتكىزگەن. سونداي ساتتە پارتيا توسبەلگىسىن تاقپايتىن شەنەۋنىكتەر جاۋاپكەرشىلىكتەن جالتارىپ كەتەتىنىن ايتقان.
"2019 جىلدىڭ 21 تامىزىنداعى ساياسي كەڭەستىڭ كەڭەيتىلگەن وتىرىسىندا Nur Otan پارتياسىنىڭ ءتوراعاسى نۇرسۇلتان ءابىش ۇلى نازاربايەۆ پارتيانى قايتا جاڭارتۋ باعدارلاماسىنىڭ نەگىزگى تەزيستەرىنىڭ ءبىرى – دارەجەسىنە، لاۋازىمىنا، مارتەبەسىنە قاراماستان پارتيا ءتارتىبىن، سايلاۋشىلار الدىنداعى جاۋاپكەرشىلىكتى ارتتىرۋ ەكەنىن مالىمدەدى. ونىڭ ىشىندە پارتيا قۇرامىندا بار ەكەنىن كورسەتەتىن پارتيا نىشانىنا قۇرمەت ماسەلەسى دە بار"، - دەپ جازدى پلاتونوۆ.
كەي مىرزالار ازاماتتاردىڭ الدىندا ءوز جۇمىسىنان ۇيالا ما؟ الدە پارتيا بەلگىسىن تاعار بولسا، كوستيۋمىن ءبۇلدىرىپ الۋدان قورقا ما؟ دەپ ساۋال قويدى كوميتەت باسشىسى.
"دەنساۋلىق ساقتاۋ ۆيسە-مينيسترى ە.ا. قياسوۆ، قىزىلوردا وبلىسى اكىمىنىڭ ورىنباسارى ب.د. جاحانوۆ، الماتى قالاسى اكىمىنىڭ ورىنباسارى م.س. كيكيموۆ، شىعىس قازاقستان وبلىسى اكىمىنىڭ ورىنباسارى ش.س. بۋكتۋگۋتوۆ، جەزقازعان قالاسىنىڭ اكىمى ق.ب. ءابساتتاروۆ پارتيا نىشانىنسىز ءجۇرۋدى ارتىق كورەتىنىن ايتۋعا ءماجبۇرمىز"، - دەپ جازدى پلاتونوۆ.
وسىعان بايلانىستى قياسوۆقا سوگىس بەرىلىپ، قالعان شەنەۋنىكتەرگە ەسكەرتۋ جاسالدى.
