الاكول اۋدانىنان ءماجىلىس دەپۋتاتتىعىنا ۇمىتكەر دوسان كارىموۆ ۇگىت-ناسيحات جۇمىستارىن بەلسەندى جۇرگىزۋدە. ناۋقاننىڭ العاشقى قادامى رەتىندە الەۋمەتتىك جەلىلەر ارقىلى حالىقپەن ونلاين سۇحبات جۇرگىزگەندىگىن ايتۋعا بولادى.

تىكەلەي ەفير بارىسىندا د.كارىموۆقا جۇرتشىلىق تاراپىنان بىرنەشە سالماقتى ساۋالدار قويىلدى.

اتاي كەتسەك، ەڭ الدىمەن بولاشاق يەگەرلەرى بولىپ وتىرعان جاستارعا قولداۋ كورسەتۋ جانە ىقپالداسۋ تاقىرىبى كوتەرىلدى.

بۇل رەتتە د.كارىموۆ ەرتەڭگى كۇننىڭ تۇعىرىن تىك ۇستايتىن جاستارعا دەگەن مەملەكەت تاراپىنان، سونىڭ ىشىندە «Nur Otan» پارتياسى ارقىلى كوپتەگەن جەڭىلدىكتەر مەن مۇمكىندىكتەر بەرىلىپ وتىرعانىن اتاپ ءوتتى.

ولار –  جۇمىسپەن قامتۋ، ءبىلىم بەرۋ، كاسىپكە باۋلۋ، تۇرعىن ءۇي بەرۋ، قوعامدىق شارالارعا تارتۋ، دەمەۋشىلىك ەتۋ، دارىن-داعدىلارىنا قاراۋ قولداۋ كورسەتۋ سىندى ماسەلەلەر كۇن تارتىبىنەن تۇسپەگەندىگىن دە جەتكىزدى.

سونىمەن قاتار، بۇقارالاىق سپورتتىڭ دامىتۋ مەن سالاۋاتتى ءومىر سالتىن ناسيحاتتاۋ تۋرالى دا ساۋال جولداندى. وعان دا تۇششىمدى جاۋاپتار ايتىلىپ، باسقا وڭىرلەردى الماعاندا، الاكول اۋدانىنىڭ وزىندە ءبىرتالاي جۇمىستار اتقارىلىپ جاتقاندىعىن تىلگە تيەك ەتتى.

بيىل ءۇشارال قالاسىنداعى سىمبات ستاديونىنىڭ جوندەلۋى، دوستىق اۋىلىندا دەنە شىنىقتىرۋ جانە ساۋىقتىرۋ كەشەنىنىڭ سالىنۋى، اقشي اۋىلىندا تەننيس كورتىنىڭ، جاعاجاي ۆولەيبولىنىڭ، ءار اۋىلدىق وكرۋگتە سپورت الاڭدارىنىڭ تۇرعىزىلۋى سالاۋاتتى ومىرگە قاراي قارىمدى قادامدار باسىلىپ جاتقاندىعى ايتىلدى.

تۋريزم سالاسى بويىنشا دا سالماقتى سۇراقتار قويىلىپ، اۋدان ەكونوميكاسىنىڭ تىرەك سالاسى سانالار بۇل باعىتتا اتقارىلىپ جاتقان جۇمىستارعا شولۋ جاسالدى. جول ماسەلەسىنىڭ شەشىم تابۋى، اۋە، تەمىر جول قاتىناستارى، كول جاعالاۋىن بەكىتۋ، دەمالىس ورىندارىنداعى قىزمەت ساپاسىن ارتتىرۋ ماسەلەلەرى تالقىعا ءتۇستى.

ل.تۋكەيەۆا، «Nur Otan» پارتياسى الاكول اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى.

(ماتەريال اقىسى «Nur Otan» پارتياسىنىڭ الماتى وبلىسى الاكول اۋدانىنىڭ سايلاۋ قورىنىڭ ەسەبىنەن تولەندى)