Tikeleı efır barysynda D.Kárimovqa jurtshylyq tarapynan birneshe salmaqty saýaldar qoıyldy.
Ataı ketsek, eń aldymen bolashaq ıegerleri bolyp otyrǵan jastarǵa qoldaý kórsetý jáne yqpaldasý taqyryby kóterildi.
Bul rette D.Kárimov erteńgi kúnniń tuǵyryn tik ustaıtyn jastarǵa degen memleket tarapynan, sonyń ishinde «Nur Otan» partıasy arqyly kóptegen jeńildikter men múmkindikter berilip otyrǵanyn atap ótti.
Olar – jumyspen qamtý, bilim berý, kásipke baýlý, turǵyn úı berý, qoǵamdyq sharalarǵa tartý, demeýshilik etý, daryn-daǵdylaryna qaraý qoldaý kórsetý syndy máseleler kún tártibinen túspegendigin de jetkizdi.
Sonymen qatar, buqaralayq sporttyń damytý men salaýatty ómir saltyn nasıhattaý týraly da saýal joldandy. Oǵan da tushshymdy jaýaptar aıtylyp, basqa óńirlerdi almaǵanda, Alakól aýdanynyń ózinde birtalaı jumystar atqarylyp jatqandyǵyn tilge tıek etti.
Bıyl Úsharal qalasyndaǵy Symbat stadıonynyń jóndelýi, Dostyq aýylynda dene shynyqtyrý jáne saýyqtyrý kesheniniń salynýy, Aqshı aýylynda tenıs kortynyń, jaǵajaı voleıbolynyń, ár aýyldyq okrýgte sport alańdarynyń turǵyzylýy salaýatty ómirge qaraı qarymdy qadamdar basylyp jatqandyǵy aıtyldy.
Týrızm salasy boıynsha da salmaqty suraqtar qoıylyp, aýdan ekonomıkasynyń tirek salasy sanalar bul baǵytta atqarylyp jatqan jumystarǵa sholý jasaldy. Jol máselesiniń sheshim tabýy, áýe, temir jol qatynastary, kól jaǵalaýyn bekitý, demalys oryndaryndaǵy qyzmet sapasyn arttyrý máseleleri talqyǵa tústi.
L.TÝKEEVA, «Nur Otan» partıasy Alakól aýdandyq fılıalynyń esep jáne statısıka sektorynyń meńgerýshisi.
(Materıal aqysy «Nur Otan» partıasynyń Almaty oblysy Alakól aýdanynyń Saılaý qorynyń esebinen tólendi)
