ولاردىڭ ساۋالدارىنا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىبايەۆ، تۇركىستان وبلىستىق جۇمىسپەن قامتۋدى ۇيلەستىرۋ جانە الەۋمەتتتىك باعدارلامالار باسقارماسىنىڭ باسشىسى ءاسيا تەمىربايەۆا مەن تۇركىستان وبلىسى بويىنشا "مەملەكەتتىك الەۋمەتتىك ساقتاندىرۋ قورى" اق فيليالى ديرەكتورىنىڭ م.ا. داۋرەن بايىربەكوۆ جاۋاپ بەردى.
20 ساۋىردە پارتيا فيليالى ءتوراعاسىنىڭ ءبىرىنشى ورىنباسارى ب. تاجىبايەۆ ءوزى تىكەلەي ەفير وتكىزىپ، ونى 1500-دەن استام ادام كورىپ، 100-دەن استام سۇراق جولدانعان بولاتىن. تۇرعىنداردىڭ وتىنىشتەرى نازارعا الىنىپ، ءبىرقاتارىنا جاۋاپ بەرىلدى. اسىرەسە، 42500 تەڭگەنى الۋ، الەۋمەتتىك كومەكتەرگە قاتىستى سۇراقتار كوپ بولدى. سوعان بايلانىستى پارتيا فيليالى وسى سالاعا جاۋاپتى مەكەمەلەردىڭ باسشىلارىن ارنايى شاقىرىپ، تۇرعىندارمەن ونلاين جۇزدەستىردى.
بۇگىنگى ەفير بارىسىندا پارتيا فيليالىنىڭ رەسمي فەيسبۋك، ينستاگرامم پاراقشالارى مەن اككاۋنتىنا 400-دەن استام سۇراق قويىلىپ، 70-تەن استام جەلى قولدانۋشىسى ءوز پاراقشالارىنا ءبولىستى. ەفيردى 2 مىڭعا جۋىق ادام تاماشالاپ، ماعلۇمات الدى. سۇراقتاردىڭ باسىم بولىگى مەملەكەت تاراپىنان بەرىلەتىن الۋەمەتتىك كومەكتەر، 42500 جاردەماقىسى جانە «ءبىز بىرگەمىز!» اكسياسى اياسىنداعى ازىق-تۇلىك جانە 50 مىڭ تەڭگە كومەكتەرى تۋرالى بولدى. اتاۋلى الەۋمەتتىك كومەك الۋ، جاردەماقىلارعا قۇجات تاپسىرۋ ماسەلەلەرى بويىنشا دا شاعىمدار بولدى. سپيكەرلەر تۇرعىنداردىڭ سۇراقتارىنا سول مەزەتتە جاۋاپ بەرسە، ءبىرقاتارىنىڭ مالىمەتى الىنىپ، ءتيىستى جۇمىس جۇرگىزىلەدى. تۇرعىندار ونلاين قوعامدىق قابىلداۋ وتكىزۋگە مۇرىندىق بولعان پارتيا فيليالىنا ريزاشىلىقتارىن ءبىلدىردى. كومەك الىپ ۇلگەرگەن ازاماتتار دا العىستارىن ايتىپ جاتتى.
جالپى تۇركىستان وبلىسىندا ەل پرەزيدەنتىنىڭ تاپسىرماسى بويىنشا تاعايىندالعان 42500 تەڭگە كولەمىندەگى جاردەماقىنى 430 مىڭنان استام تۇرعىن الىپ ۇلگەرگەن. ءبىرقاتارى ەندى الماق. 2020 جىلدىڭ 1 توقسانىنىڭ قورىتىندىسى بويىنشا 1-6 جاس ارالىعىنداعى 25 125 بالاعا ازىق-تۇلىك جانە گيگيەنالىق توپتاماسى بەرىلدى. جالپى وبلىس بويىنشا اتاۋلى الەۋمەتتىك كومەك الۋشىلاردىڭ سانى 19،8 مىڭ وتباسى نەمەسە 111،9 مىڭ ادامدى قۇراعان.
ال «Nur Otan» پارتياسىنىڭ «ءبىز بىرگەمىز!» اكسياسى بويىنشا 8236 وتباسىعا ازىق-تۇلىك جەتكىزىلگەن. بۇل رەتتە ءوڭىردىڭ كاسىپكەرلەرى مەن ءماسليحات دەپۋتاتتارى، ەرىكتى جاستار، اۋدان اكىمدىكتەرى، «جاسوتاندىقتار» جانە پارتيا وكىلدەرى ايرىقشا بەلسەندىلىك تانىتۋدا. ەلباسى ن.نازاربايەۆتىڭ باستاماسىمەن قۇرىلعان «Birgemiz» قوعامدىق قورى ارقىلى تۇركىستان قالاسىنىڭ 4903 تۇرعىنىنا 50 مىڭ تەڭگەدەن اۋدارىلعان.
16 ناۋرىز بەن 20 ءساۋىر ارالىعىندا پارتيا فيليالىنا 3 مىڭعا جۋىق ءوتىنىش كەلىپ ءتۇستى. ونىڭ 1772ء-سى وڭتايلى شەشىلدى. پارتيانىڭ رەسمي پاراقشالارى مەن قوعامدىق قابىلداۋ بولمەلەرى تۇرعىنداردىڭ تالاپ-تىلەكتەرىن ونلاين تۇردە قابىلداپ جاتىر. الداعى ۋاقىتتا «Nur Otan» پارتياسىنىڭ تۇركىستان وبلىستىق فيليالىنىڭ رەسمي پاراقشالارىندا تۇرعىندار تاراپىنان سۇراق كوپ تۇسەتىن باسقارما باسشىلارى شاقىرىلىپ، ولار ونلاين قوعامدىق قابىلداۋ وتكىزىپ تۇرادى دەگەن جوسپار بار.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
