Olardyń saýaldaryna «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev, Túrkistan oblystyq jumyspen qamtýdy úilestirý jáne áleýmetttik baǵdarlamalar basqarmasynyń basshysy Ásiia Temirbaeva men Túrkistan oblysy boiynsha "Memlekettik áleýmettik saqtandyrý qory" AQ filialy direktorynyń m.a. Dáýren Baiyrbekov jaýap berdi.
20 sáýirde partiia filialy tóraǵasynyń birinshi orynbasary B. Tájibaev ózi tikelei efir ótkizip, ony 1500-den astam adam kórip, 100-den astam suraq joldanǵan bolatyn. Turǵyndardyń ótinishteri nazarǵa alynyp, birqataryna jaýap berildi. Ásirese, 42500 teńgeni alý, áleýmettik kómekterge qatysty suraqtar kóp boldy. Soǵan bailanysty partiia filialy osy salaǵa jaýapty mekemelerdiń basshylaryn arnaiy shaqyryp, turǵyndarmen onlain júzdestirdi.
Búgingi efir barysynda partiia filialynyń resmi feisbýk, instagramm paraqshalary men akkaýntyna 400-den astam suraq qoiylyp, 70-ten astam jeli qoldanýshysy óz paraqshalaryna bólisti. Efirdi 2 myńǵa jýyq adam tamashalap, maǵlumat aldy. Suraqtardyń basym bóligi memleket tarapynan beriletin álýemettik kómekter, 42500 járdemaqysy jáne «Biz birgemiz!» aktsiiasy aiasyndaǵy azyq-túlik jáne 50 myń teńge kómekteri týraly boldy. Ataýly áleýmettik kómek alý, járdemaqylarǵa qujat tapsyrý máseleleri boiynsha da shaǵymdar boldy. Spikerler turǵyndardyń suraqtaryna sol mezette jaýap berse, birqatarynyń málimeti alynyp, tiisti jumys júrgiziledi. Turǵyndar onlain qoǵamdyq qabyldaý ótkizýge muryndyq bolǵan partiia filialyna rizashylyqtaryn bildirdi. Kómek alyp úlgergen azamattar da alǵystaryn aityp jatty.
Jalpy Túrkistan oblysynda el Prezidentiniń tapsyrmasy boiynsha taǵaiyndalǵan 42500 teńge kólemindegi járdemaqyny 430 myńnan astam turǵyn alyp úlgergen. Birqatary endi almaq. 2020 jyldyń 1 toqsanynyń qorytyndysy boiynsha 1-6 jas aralyǵyndaǵy 25 125 balaǵa azyq-túlik jáne gigienalyq toptamasy berildi. Jalpy oblys boiynsha ataýly áleýmettik kómek alýshylardyń sany 19,8 myń otbasy nemese 111,9 myń adamdy quraǵan.
Al «Nur Otan» partiiasynyń «Biz birgemiz!» aktsiiasy boiynsha 8236 otbasyǵa azyq-túlik jetkizilgen. Bul rette óńirdiń kásipkerleri men máslihat depýtattary, erikti jastar, aýdan ákimdikteri, «jasotandyqtar» jáne partiia ókilderi airyqsha belsendilik tanytýda. Elbasy N.Nazarbaevtyń bastamasymen qurylǵan «Birgemiz» qoǵamdyq qory arqyly Túrkistan qalasynyń 4903 turǵynyna 50 myń teńgeden aýdarylǵan.
16 naýryz ben 20 sáýir aralyǵynda partiia filialyna 3 myńǵa jýyq ótinish kelip tústi. Onyń 1772-si ońtaily sheshildi. Partiianyń resmi paraqshalary men qoǵamdyq qabyldaý bólmeleri turǵyndardyń talap-tilekterin onlain túrde qabyldap jatyr. Aldaǵy ýaqytta «Nur Otan» partiiasynyń Túrkistan oblystyq filialynyń resmi paraqshalarynda turǵyndar tarapynan suraq kóp túsetin basqarma basshylary shaqyrylyp, olar onlain qoǵamdyq qabyldaý ótkizip turady degen jospar bar.
«Nur Otan» partiiasy Túrkistan oblystyq filialynyń baspasóz qyzmeti
