وڭىرلىك ساپارلار قورىتىندىسى بويىنشا 729 ەلدى-مەكەندە 2 مىڭنان استام تۇيتكىلدى ماسەلەلەر مەن سايلاۋشىلاردىڭ ۇسىنىستارى جينالدى، ولار قولدانىستاعى زاڭنامانى، الەۋمەتتىك سالانى، ەكونوميكانىڭ نەگىزگى سالالارىن جەتىلدىرۋگە، قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋگە، مەملەكەتتىك جانە جەرگىلىكتى ءوزىن-وزى باسقارۋعا، ەكولوگيالىق جاعدايعا قاتىستى.
جاڭا وقۋ جىلى قارساڭىندا ءماجىلىس ۆيسە-سپيكەرى، «Nur Otan» فراكسياسى باسشىسىنىڭ ورىنباسارى پاۆەل كازانسيەۆ پەن دەپۋتات باۋىرجان سارتبايەۆ نۇر-سۇلتان قالاسىنداعى «Nur Otan» پارتياسىنىڭ سايلاۋالدى باعدارلاماسى اياسىندا سالىنعان جاڭا مەكتەپ عيماراتىن ارالاپ كوردى.
– تاعى 1200 بالا جاقسى جاعدايدا وقيتىن بولادى. ينكليۋزيۆتى اسپەكتىلەر دە ەسكەرىلگەن. بۇل ەندى ءومىر ءسۇرۋ نورماسىنا اينالادى. ۇجىم جاساقتالدى، وقۋلىقتارمەن، قۇرالدارمەن جابدىقتاۋ پروسەسى ءجۇرىپ جاتىر. سىزدەرگە ساتتىلىك، قىمباتتى ۇستازدار! ءبىز سىزدەردى قۇرمەتتەيمىز، جاقسى كورەمىز جانە ءارقاشان قولدايمىز! – دەدى پاۆەل كازانسيەۆ.
پارتيانىڭ باسپا ءسوز قىزمەتى اتاپ وتكەندەي، 2025 جىلعا قاراي سايلاۋالدى ۋادەلەردى ورىنداۋ بويىنشا جول كارتاسى اياسىندا 800 جاڭا مەكتەپ سالۋدان باسقا، شاعىن قالالاردا، اۋدان ورتالىقتارى مەن اۋىلداردا جۇمىس ىستەپ تۇرعان 5 مىڭ مەكتەپتى جاڭعىرتۋ جوسپارلانعان.
جاس دەپۋتات ءمادي احمەتوۆ سولتۇستىك قازاقستان وبلىسىنىڭ تايىنشا اۋىلىندا بولىپ، وڭتۇستىك وڭىرلەردەن قونىس اۋدارۋشىلار ءۇشىن سالىنعان ۇيلەردىڭ قۇرىلىس ساپاسىمەن تانىستى. ۇيلەر 2 جىل بۇرىن سالىنعانىنا قاراماستان، كەيبىرەۋلەرى قايتا جوندەۋدى قاجەت ەتەدى.
– ناقتى ءبىر قۇرىلىس جۇرگىزۋشىسى جوق، وسىعان بايلانىستى ۇيلەردىڭ ساپاسى ناشارلاپ، ولقىلىقتارى كوزگە ۇرىپ تۇر. بۇل قونىس اۋدارۋشىلاردى قونىستاندىراتىن كوپتەگەن اۋدانداردىڭ ءبىرىنىڭ عانا جاعدايى. مەملەكەتتىك باعدارلامانىڭ ستراتەگيالىق ماڭىزى بار ەكەنىن ەرەكشە اتاپ وتكىم كەلەدى. جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە كوشەتىن وتباسىلاردى قولداۋ – «Nur Otan» سايلاۋالدى باعدارلاماسىنداعى ماڭىزدى تارماق. بۇل ماسەلەنى جەكە باقىلاۋىمدا ۇستايتىن بولامىن، – دەدى ءمادي احمەتوۆ.
ءوز كەزەگىندە فراكسيا مۇشەلەرى امانعالي بەردالين، عالىمجان ەلەۋوۆ جانە زۋلفيا سۇلەيمەنوۆا اقتوبە وبلىسىنىڭ العا قالاسىندا تۇرعىن ۇيلەردىڭ قۇرىلىسىن تەكسەردى. نەگىزگى ماسەلەنىڭ ءبىرى – قۇرىلىس ماتەريالدارىنىڭ قىمباتتاۋى.
– مىسالى، اكەلىنەتىن ارماتۋرا ەكى ەسەدەي قىمباتتاعان. «Nur Otan» پارتياسىنىڭ وڭىرلىك دامۋ كەڭەسىندە ءبىز بۇل ماسەلەنى كوتەردىك. يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى جاقىن ارادا بۇل جاعدايدان شىعۋدىڭ جولى تابىلاتىنىنا سەندىردى، قۇرىلىسشىلارعا كومەك كورسەتىلەدى، – دەدى امانعالي بەردالين.
ەستەرىڭىزگە سالا كەتەيىك، «Nur Otan» سايلاۋالدى باعدارلاماسى اياسىندا 1 ميلليونعا جۋىق وتباسى ءۇشىن 103 ملن شارشى مەتر تۇرعىن ءۇي سالۋ كوزدەلگەن، ونىڭ ىشىندە 284 مىڭ كوپبالالى جانە كەدەيلىك شەگىنەن تومەن وتباسىلار، مۇمكىندىگى شەكتەۋلى ازاماتتار، جەتىم بالالار بار.
دەپۋتاتتار زارينا كاماسوۆا، ەرلان سابيروۆ جانە يگور پانچەنكو وسكەمەنگە ساپارى كەزىندە دەنساۋلىق ساقتاۋدى دامىتۋ ماسەلەلەرىن تالقىلاپ، شىعىس قازاقستان وبلىستىق كوپسالالى ونكولوگيا جانە حيرۋرگيا ورتالىعىنىڭ جۇمىسىمەن تانىستى. مەديسينا قىزمەتكەرلەرى دارىگەردىڭ مارتەبەسى تۋرالى زاڭ قابىلداۋ يدەياسىن ۇسىندى، سونداي-اق كادر تاپشىلىعى ماسەلەسىن دە كوتەردى. حالىق قالاۋلىلارى بارلىق ايتىلعان ۇسىنىستاردى جازىپ الدى.
ايتا كەتەيىك، بيلەۋشى پارتيانىڭ سايلاۋالدى باستامالارى اياسىندا مەديسينا قىزمەتكەرلەرىن، سونىڭ ىشىندە بالالار دارىگەرلەرىن دايارلاۋعا ارنالعان گرانتتار سانىن ارتتىرۋ جوسپارلانۋدا. جۇمىستىڭ تارتىمدىلىعىن ارتتىرۋ ءۇشىن دارىگەرلەردىڭ جالاقىسى 2023 جىلعا قاراي 2،5 ەسەگە كوبەيەدى.
پەتروپاۆل قالاسىندا «Nur Otan» فراكسياسىنىڭ مۇشەلەرى ەرلىك تايجانوۆ پەن دميتريي كولودا جەرگىلىكتى ەلەكتر تەحنيكالىق زاۋىتىنا باردى. كەلەسى جىلدىڭ باسىندا كاسىپورىن تولىق كۇشىنە ەنەدى، ءبىراق زاۋىت جۇمىسشىلارى مامانداردىڭ جەتىسپەۋشىلىگىن ايتۋدا.
– كاسىپورىن ءۇشىن ءوندىرىستىڭ 70% اۆتوماتتاندىرىلاتىنى ۇلكەن ارتىقشىلىق بولماق. ءيا، كادر ماسەلەسى بار، ءبىراق ول شەشىلەدى. ءبىز باسشىلىقپەن سويلەستىك، مەملەكەتتىك جەكە سەرىكتەستىك اياسىندا بىلىكتىلىكتى ارتتىرۋ جانە قايتا دايارلاۋ كۋرستارى ۇيىمداستىرىلادى. تەحنيكالىق جانە ITء-بىلىمى بار ماماندار تارتىلاتىن بولادى. بۇل باعىت سايلاۋالدى باعدارلامادا دا بار، – دەدى دميتريي كولودا.
