كەشە بۇرىنعى ۇلتتىق ەكونوميكا مينيسترٸ قۋاندىق بيشٸمباەۆقا قاتىستى سوت وتىرىسى ٶتتٸ. سوت پروتسەسٸ بارىسىندا جەبٸرلەنۋشٸ تاراپتىڭ ٶكٸلٸ - مارقۇم سالتانات نٷكەنوۆانىڭ اعاسى ايتبەك امانگەلدٸ جەنە كۋەگەرلەر سٶز سٶيلەدٸ.
نٷكەنوۆتەردٸڭ ادۆوكات جاننا ورازباقوۆا ەلەۋمەتتٸك جەلٸدە كەشەگٸ سوت وتىرىسى قالاي ٶتكەنٸن جازدى, - دەپ حابارلايدى Dalanews.kz.
ونىڭ سٶزٸنشە, كەيبٸر تۇستا جەبٸرلەنۋشٸ تاراپتىڭ سۇراقتارى نەگٸزسٸز الىپ تاستالعان.
"ٶتە ۇزاق كٷن بولدى… سالتانات نٷكەنوۆانىڭ ٶلٸمٸنە قاتىستى ٸس بويىنشا سوت كٷنٸ بويىنا, از عانا ۋاقىت تٷسكٸ ٷزٸلٸسپەن ساعات 10.00-دەن 18.30-عا دەيٸن سوزىلدى.
سوت ٸسكە تٸكەلەي قاتىسى بار سۇراقتارىمىزدى نەگٸزسٸز الىپ تاستادى. بٸراق بٸزدٸڭ كليەنتٸمٸزدەن (ايتبەك امانگەلدٸدەن - ەسك.) جاۋاپ الۋ كەزٸندە بٸز الىپ تاستاۋدى سۇراعان ورىنسىز سۇراقتار الىپ تاستالمادى.
بٸز بٷكٸل پروتسەسس بويى جاۋاپ الىنعان ادامداردىڭ ارقاسىن كٶرٸپ وتىردىق. ولارعا دۇرىستاپ قاراپ, سۇراقتار قويۋعا مٷمكٸندٸگٸمٸز بولمادى. القابيلەر دە ولاردىڭ ەموتسيياسىن كٶرە المادى, ٶيتكەنٸ ولار القابيلەرگە دە تەرٸس قاراپ تۇردى.
پروتسەستٸڭ باسىندا بٸز دۇرىستاپ جاۋاپ الۋ جەنە جۇمىس ٸستەۋ ٷشٸن تريبۋنانى جىلجىتۋدى سۇرادىق, بٸراق اياقتالعانشا سولاي وتىردىق", - دەيدٸ ول.
ايتا كەتەيٸك, كەشەگٸ سوت وتىرىسىندا قىلمىس بولعان جەردە جۇمىس ٸستەگەن قىزمەتكەر كۋەگەر رەتٸندە جاۋاپ بەردٸ.
"ساعات 19.00 شاماسىندا بايجانوۆ تەلەفونىما حابارلاسىپ, BAU مەيرامحاناسىنا كٶتەرٸلۋٸمدٸ سۇرادى. نە ٷشٸن ەكەنٸن بٸلمەيمٸن. "تەز كٶتەرٸل" دەدٸ. مەن بٸردەن سول جاققا باردىم. ليفتكە كٸرسەم, جەدەل جەردەم بولدى. قۋاندىق ۋەليحانۇلى قولىنا پىشاق ۇستاپ جٷردٸ. ول دەرەتحانا جاققا پىشاقپەن كٸرٸپ كەتتٸ. بٸز قاتتى قورقىپ كەتتٸك, ارتىنان ەردٸك. ودان پىشاقتى الىپ, پوليتسييا كەلگەنشە كٷتتٸك. 15-20 مينۋتتا پوليتسييا كەلدٸ", - دەدٸ بارمەن.
ونىڭ سٶزٸنشە, بيشٸمباەۆتى كٶرگەن كەزدە قاسىندا تەك بايجانوۆ بولعان.
"بيشٸمباەۆ ەشتەڭە ايتپادى. ساسقالاقتاپ تۇردى. جىلاپ تۇردى. "نە ٷشٸن ٸستەدٸم, نە بولدى?" دەدٸ. كەيٸن ٶلٸم بولعانىن بٸلدٸك. قارسىلاسپادى (پىشاقتى العاندا - ەسك.). ماس ەدٸ. ول "مەن ٶلتٸردٸم بە?" دەپ سۇرادى. ول ٶز-ٶزٸنە قول جۇمساعىسى كەلگەن شىعار (پىشاقتى ۇستاۋداعى ماقساتى - ەسك.). ول دەرەتحاناعا جالعىز كٸرٸپ, جاۋىپ الدى. بٸز سۋيتسيد جاساي ما دەپ قورقىپ كٸردٸك. پىشاقتى الىپ العان كەزدە اسحاناعا باسقا پىشاق الۋ ٷشٸن جٷگٸرٸپ كەتتٸ. قان, ەشتەڭە بولمادى", - دەدٸ بارمەن.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
كەيٸن قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى.
بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
