ەكىجاقتى كەزدەسۋدە ماڭعىستاۋ وبلىسى مەن وزبەكستان رەسپۋبليكاسىنىڭ اراسىنداعى ەكونوميكالىق بايلانىستاردى ودان ءارى نىعايتۋ، ءوڭىر ارالىق كاسىپكەرلىكتى دامىتۋدىڭ ينۆەستيسيالىق مۇمكىندىكتەرى مەن پەرسپەكتيۆالارى تالقىلاندى.
وزبەكستان رەسپۋبليكاسى مەن ماڭعىستاۋ وبلىسى اراسىنداعى سىرتقى ساۋدا اينالىمى 2021 جىلى 7،9 ملن اقش دوللارىن قۇرادى. ونىڭ ىشىندە ەكسپورت – 672،6 مىڭ اقش دوللارىن، يمپورت – 7،3 ملن اقش دوللارىن قۇرايدى.
ماڭعىستاۋ وبلىسىندا ەكونوميكانىڭ ءتۇرلى سالالارىندا وزبەك كاپيتالىنىڭ قاتىسۋىمەن 84 كاسىپورىن تىركەلگەن.
اۋە قاتىناستارىن دامىتۋ ماقساتىندا وسى جىلى العاشقى رەت اقتاۋ جانە ۇرگەنىش قالالارى اراسىندا اپتاسىنا 3 رەت جيىلىكپەن قاتىنايتىن تۇراقتى رەيس ىسكە قوسىلدى. سونىمەن بىرگە، اپتاسىنا 3 رەت اقتاۋ-نوكىس قالالارى اراسىندا تۇراقتى رەيس ىسكە قوسىلدى.
كەزدەسۋ سوڭىندا تاراپتار ەكونوميكانىڭ ءتۇرلى سالالارىندا ناقتى جوبالاردى ىسكە اسىرۋ ءۇشىن ىنتىماقتاستىقتى جالعاستىرۋعا دايىن ەكەندىكتەرىن ءبىلدىردى.
