ەدەبيەت سالاسىنداعى نوبەل سىيلىعىنىڭ لاۋرەاتى, بەلگٸلٸ قىتاي جازۋشىسى مو يان «كٸتاپ وقيتىن ۇلت» رەسپۋبليكالىق كٸتاپ وقۋ مارافونىنا قاتىسۋشىلارىنا ٷندەۋ جولداپ, قازاقستاندىق وقىرماندارعا شابىت, تابىس جەنە ەدەبيەت ەلەمٸندە جاڭا جاڭالىقتار اشۋدى تٸلەدٸ, دەپ حابارلايدى dalanews.kz.
ٶزٸنٸڭ بەينەٷندەۋٸندە جازۋشى «سارىمساق جىرى» كٸتابٸ قازاق تٸلٸنە اۋدارىلىپ, مارافون اياسىندا وقىلاتىن شىعارمالار تٸزٸمٸنە ەنگەنٸن اتاپ ٶتتٸ.
«مەنٸڭ «سارىمساق جىرى» رومانىمنىڭ قازاق تٸلٸنە اۋدارىلىپ, وسى مارافون شىعارمالار تٸزٸمٸنە ەنگەنٸنە ٶتە قۋانىشتىمىن», — دەدٸ مو يان.
جازۋشى سونداي-اق قازاقستانعا جاساعان ساپارى مەن قازاقستاندىق قالامگەرلەرمەن كەزدەسۋلەرٸ تۋرالى ايتتى. ول قازاق ەدەبيەتٸمەن تانىسۋ ەكٸ ەلدٸڭ ەدەبي دەستٷرلەرٸ اراسىندا ەرەكشە جاقىندىق بار ەكەنٸن سەزٸنۋگە مٷمكٸندٸك بەرگەنٸن اتاپ ٶتتٸ.
«قازاق ەدەبيەتٸ ماعان ٶتە جاقىن ەرٸ قىمبات. ٶيتكەنٸ سٸزدەردٸڭ شىعارمالارىڭىزدا سۋرەتتەلەتٸن ٶمٸردٸڭ كٶپ قىرى ٶزٸمنٸڭ باسىمنان ٶتكەرگەن جاعدايلارمەن ٷندەسەدٸ», — دەدٸ جازۋشى.
مو يان «كٸتاپ وقيتىن ۇلت» باستاماسىنىڭ مەدەنيەت پەن قوعامدى دامىتۋداعى ماڭىزىن دا ەرەكشە اتاپ ٶتتٸ.
«جالپى, كٸتاپ وقۋعا ارنالعان وسىنداي جالپىۇلتتىق مارافون ۇيىمداستىرعاندارىڭىز ٶتە جاقسى. بۇل — ۇلتتىق مەدەنيەتتٸ دامىتۋعا ىقپال ەتٸپ قانا قويماي, قوعامنىڭ دامۋىنا دا ەلەۋلٸ ٷلەس قوساتىن يگٸ ەرٸ ٸزگٸ ٸس», — دەدٸ ول.
مارافونعا قاتىسۋشىلارعا ارناعان سٶزٸندە جازۋشى ولارعا كٸتاپ ەلەمٸنە ساپار بارىسىندا شابىت تٸلەدٸ.
«كٸتاپ ەلەمٸنە ساياحات جاساپ, بٸلٸم مەن دانالىقتىڭ بيٸگٸنە ۇمتىلعان ەربٸر قاتىسۋشىعا زور شابىت تٸلەيمٸن! ەربٸر پاراق جٷرەكتەرٸڭٸزگە جارىق سىيلاپ, ٸشكٸ جان دٷنيەلەرٸڭٸزدٸ بايىتا بەرسٸن. كٸتاپ ەردايىم قولدارىڭىزدان تٷسپەسٸن, ال بٸلٸمگە ۇمتىلىستارىڭىز بەن ٶزٸن-ٶزٸ دامىتۋ جولىنداعى تالپىنىستارىڭىز ەردايىم جەتٸستٸكپەن جالعاسا بەرسٸن!», - دەدٸ مو يان.
سٶز سوڭىندا مو يان قازاقستاندىق وقىرماندارعا العىسىن بٸلدٸرٸپ, ولاردى بٸرگە جاڭا ەدەبي كٶكجيەكتەردٸ اشۋعا شاقىردى.
مو يان — ەدەبيەت سالاسىنداعى نوبەل سىيلىعىنىڭ لاۋرەاتى. ول 2012 جىلى ەدەبيەت بويىنشا نوبەل سىيلىعىنا يە بولدى.
جازۋشىنىڭ ەڭ تانىمال شىعارمالارىنىڭ قاتارىندا «قىزىل گاوليان» جەنە «سارىمساق جىرى» روماندارى بار. نوبەل كوميتەتٸنٸڭ مەلٸمەتٸنشە, ونىڭ شىعارماشىلىعىندا دەستٷرلٸ قىتاي ەدەبيەتٸ مەن اۋىز ەدەبيەتٸ دەستٷرلەرٸنٸڭ ەلەمەنتتەرٸ زاماناۋي ەلەۋمەتتٸك تاقىرىپتارمەن ۇشتاسادى.
